"Diba sinabi ko na sa 'yo? Ikaw ang palagi kong pipiliin." Bumakas ang irita sa boses niya.
"Pero kung ire-reset nga iyong oras, ako pa rin ba?"
Tumingin siya sa 'kin nang lukot ang noo. Inalis ko ang ulo ko sa balikat niya para mas makita siya nang ayos.
"Kung pipiliin ko si Claire, matagal ko ng ginawa."
May tumusok sa puso ko. "Kasal na kasi tayo kaya hindi mo na magawa, gano'n ba?"
"Ano ba iyang sinasabi mo?" Lalong nagsalubong ang kilay niya. "Ano naman kung kasal tayo? Napakadaling mag-file ng annulment. Kung gusto kitang iwan, matagal ko ng ginawa."
Napayuko ako't napalunok. Parang uusok na naman ang ilong niya.
"Okay, sorry sa tanong ko."
Umiling-iling siya. "Wag mo kasing isipin ang mga ganoong bagay. Nandito nga ako sa tabi mo, ibig sabihin, ikaw pa rin; ikaw lang."
M
