Umaga pa lang, sunod-sunod na ang katok ni Benj sa pinto ng kwarto ko kaya naman kahit naiirita ay napabangon akong bigla.
"Good morning, baks! Chocolate drink made by yours truly," masiglang bati niya bago pumasok sa kwarto ko. Tinignan ko ang orasan at nakitang alas syete pa lang ng umaga.
"Anong ginagawa mo rito nang ganitong oras?" Humikab ako at bumalik sa higaan, pero bago pa ako makahiga ay hinila na niya agad ang braso ko para mabalik ako sa kinatatayuan ko.
"Kailangan mong tignan 'tong dress na pinadala ni Blaise sa akin para mamaya!" He giggled and excitedly took the dress from the paper bag na ngayon ko lang napansin.
Mukha siyang bagong gising pero maingay na siya kaagad.
"Bakit ba kasi kailangan 'yan pa ang isuot ko? Marami naman akong dress at pwede pahiramin ni Janice k
