Natapos ang shoot na parang walang nangyari. Paglabas namin sa set, bumalik agad ako sa pagiging propesyonal. Ngumiti, nagpasalamat, nakipagkamay sa kanilang lahat. Ganon din ang ginawa ni Blaise.
"Great work today," sabi ni Avery habang kinakamayan kaming dalawa. "The chemistry translated really well on cam."
Chemistry.
"Thank you," sagot ko at ngumiti nang maayos. "Glad it worked out."
Lumapit si Janice sa akin pagkatapos. Pumalakpak siya at ngumiti sa akin, at kay Blaise. Habang nagliligpit ang crew, naglakad ako palayo para magpalit. Ramdam kong may sumusunod sa hakbang sa likod ko, pero hindi ko agad nilingon dahil alam ko naman na kung sino 'yon. Kahit na tahimik siyang humihinga ay parang ramdam na ramdam ko lahat.
"Daenerie," tawag niya. Huminto ako at huminga bago lumingon.
