Kung hindi ko kasama si Janice ay nasa loob lang ako ng bahay. Iniwasan ko talagang pumunta ng coffee shop at pakiramdam ko, sa wakas ay nirespeto ni Benj 'yon dahil hindi na ako nakatanggap nang kahit ano galing sa kanya mula nung araw na hindi ko siya nire-replyan.
Maaga akong nasa studio ng Lumina Skincare. Kakatapos ko lang nung Lunes sa Roseglow Cosmetics kaya sila naman ang naka-schedule. Medyo na-stress nga ako sa Roseglow dahil ang dami masyadong tao at kitang kita sa labas ang ginagawa namin sa studio na 'yon. Mabuti rito ay mukhang closed set naman.
"Good morning, Daenerie!" bati ni Janice na mukhang kanina pa rin nandito para i-check ang mga su-suotin ko. Inabot niya sa akin ang tablet at kung anong concept ang gusto nila para sa ngayon. Nakita ko na ito nung mga nakaraang ara
