"Anong nangyayari? Saan tayo pupunta?" Naguguluhang tanong ko nang mag-iba ang daan na tinatahak ng sinasakyan naming van. Isa-isa ko silang nilingon pero nanatili lamang silang tikom.
"We need you safe, Ms. Grayson," tugon ni Lance.
Nang lingunin ko si Korek ay nakapikit na tinanguan nya lamang ako na tila ba sinasabing wag na akong magtanong at makinig na lamang pero mukhang ang bagay na iyon ang syang hindi ko magagawa ngayon matapos ang nangyari.
Nilingon ko ang likod, umaasa na makikita ang kotse roon ng taong mahal ko ngunit tahimik ang kalsada. Bukod sa amin ay walang ibang sasakyan doon. "Si Josiah? Nasaan si Josiah? Ang mga kapatid ko?" Puno ng pag-alalang tanong ko kay Lance at saka binalingan ang aking kaibigan. "Korek, sila Summer. Nasaan ang mga kapatid ko? Paano kung may
