"One latte and iced americano please," nakangiting anas ni Korek sa waitress na nasa aming harapan. "Ano't nakasimangot ka nanaman? Dumating na si Josiah, a?" Nakangiwing baling nya sa akin at naupo sa aking harapan.
Masamang tingin ang ipinukol ko sa kanya nang marinig ang mahina nitong pagtawa.
"Ano? Nakipagbreak na ba sa'yo?" Pang-aasar nya. "Sinabi ko naman sa'yo na may ibang nakita na iyon sa—"
"Hindi, punyeta ka!" Sigaw ko saka sya inambahan nang hampas.
"Okay. Chill lang, Autumn. Kaya ang pangit mo, e." Tumatawang aniya na nakataas pa ang parehong kamay. Inismiran ko lamang sya at muling tumalumbaba. "O, e, ano ngang problema mo?"
"Mas lalo kasi syang naging busy mula nung umuwi sya. Kahapon ay halos hindi kami nagkita. Madilim pa nang umalis sya at nung umuwi naman sya'y hum
