"Autumn, pwede bang maupo ka? Kanina pa ako nahihilo kakalakad mo dyan!" Suway ni Fall.
Abala sila sa panunuod habang ako naman ay nakatayo lang sa harap ng malaki naming bintana, umaasa na baka bigla ay makita ko ang kotse ni Josiah Perell.
Halos magdadalawang linggo na mula nang huli naming pagkikita. Magdadalawang linggo na rin mula nang makauwi kami mula sa Zambales at mangyari ang insidenteng iyon. Ang huling pag-uusap yata namin ay ang araw na ihatid nya ako at mabilis ding umalis.
"Hoy, ate!" Sigaw ni Summer.
Alanganin ang ngiting nilingon ko sila. Pinandilatan ako ng mata ng aming bunsong kapatid saka inginuso ang bakanteng sofa sa kanyang tabi.
Isang beses ko pang sinipat ang labas saka nakasimangot na nagbaba ng tingin sa aking cellphone na hawak.
"Tatawag sa'yo yon. Kung s
