جواز بدل

جواز بدل ٩

“جواز بدل ٩"

عمرو: بصوت غاضب? مريم ايه علاقتك بالدكتور ياسين

مريم: مش فاهمه يعنى ايه علاقتى دى تقصد ايه

عمرو: لا انتِ فاهمه كويس اوى مش كان متقدملك يا هانم لا وكمان كانت عينه هتطلع عليكِ النهارده

مريم: اولاً انا ماسمحلكش تكلمنى بالاسلوب ده ثم عادى يعنى واحد كان عاوز يتجوزنى واترفض فيها ايه ،ثم انا ماعرفهوش شخصيا شوفته فى صورته مع مهند قبل كده زيك بالظبط اما هو اكيد شافنى وانا رايحه او جايه من الكليه اصل انا مش بلبس طقيه الاخفااا يعنى

عمرو: انا مقصدش انى اشك فيكِ يا مريم و...

مريم بمقاطعه لكلامه انا تعبانه وعاوزه انام لو التحقيق خلص ممكن انام ..

عمرو: انا مش بحقق معاكِ يا مريم انا كنت عاوز افهم من حقى ...نامى يا مريم ..تصبحى على خير

طبعاً هتقولوا عليا غبى انا فعلا غبى مقدرتش اتحكم فى غضبى

" عمرو غير هدوموا ولبس البجامه ونام جمب مريم وسحبها فى حضنه وباس رأسها وقالها انا اسف يا مريم انا بس كنت غيران من نظراته ليكِ متزعليش منى يا حبيبتى حقك عليا....

مريم اخدت نفس ومن غير ماتتكلم حضنته ونامت

" بعد مرور ٤ شهور"

مهند: كنت داخل الشقه وتعبان من الشغل وسمعت نورهان بتكلم مامتها ومأخدتش بالها انى وصلت وبتقولها على ادق تفاصيل حياتنا بصراحه اضايقت ازاى حياتنا الشخصيه تحكى عليها للناس كده حتى لو كانت امها

مهند: بصوت عالى .. نور يا نور

نورهان: انتَ وصلت يا حبيبى حمدلله على السلامه ثوانى وحضرلك الاكل

مهند: لا مش دلوقتى تعالى عاوزك.. ايه اللى انا سمعته ده ازاى تحكى لمامتك على تفاصيل حياتنا اسرار بيتنا ماتطلعش برا فاهمه

نورهان: دى ماما مش حد غريب ثم وايه يعنى هى كانت اسرار حربيه بفضفض معاها فيها ايه يعنى اجرمت

مهند: انا مش بحب اسرار بيتى تطلع برا افهمك ازاى يعنى انتِ ترضى احكى لامى عن تفاصيل حياتنا مش هتضايقى

نورهان: طبعاً هضايق بس امى غير امك

مهند: يعنى ايه الكلام ده

نورهان: يووووه دى مابقتش عيشه انتَ هتمسكلى على الواحده خلاااص مش هقول لماما حاجه تانى ارتحت اووووف.... ودخلت اوضتها

مهند: كان مزهول من طريقه كلامها وردها بالاسلوب ده وقرر انه يعاقبها بعدم التحدث معها حتى تشعر بغلطتها وتعتذر

وبعد مرور اسبوع

لاحظ مهند ان نورهان اتغيرت جداً فى طريقه تفكيرها واسلوبها الفظ حتى معاملتها مع اهله.. بالرغم معاملتهم لها باحترام تقديراً له

وفى ذات يوم

مهند: البسى يا نور ولبسى رودى علشان معزومين على الاكل عند ماما

نورهان: بس احنا لسه الضهر هننزل دلوقتى ليه

مهند: وفيها ايه نقضى اليوم معاهم وكمان تساعديها فى الطبخ دى ست كبيره وانتِ زى بنتها

نورهان: اااه قول كده عاوزنى اعمل معاها الاكل. بص انا مش خدامه دلوقتى اعمل معاها الاكل بكرا انضف لها وبعدوا الله اعلم هعمل ايه تانى

مهند: ايه طريقه التفكير الزباله دى من امتى بتفكرى كده ولا انتِ كنتِ كده وانا كنت مش واخد بالى

نورهان،: تتصور ماما كان عندها حق اختك تتجوز من هنا وتستلمونى انا بدالها وتشغلونى خدامه مش كده

مهند: اااه قولتيلى بقاا حماتى العزيزه هى اللى مالياا دماغك بالافكار دى ... طيب بصى بقااا كلام مع مامتك هيكون بحساب يعنى اخرك تطمنوا على بعض بس واكتر من كده هتشوفى وش مش هيعجبك فااااهمه ويلاااا البسى علشان ننزل

" نزلت نورهان عند حماتها وكانت قالبه وشها وبوزها شبرين وحماتها اخدت بالها ومعلقتش اعتقدت انها على خلاف مع ابنها ومرضتش تدخل بينهم...

.--------

عمرو،: مالك يا مريومه زعلانه ليه يا حبيبتى

مريم: ليه لغايه دلوقتى محصلش حمل نفسي يكون عندى بيبى صغير يسلينى بدل ما انا قاعده اليوم كله لوحدى

عمرو: مستعجله على ايه كله بأوانه ان شاء الله ربنا هيرزقنا انا عارف انك طول اليوم لوحدك وانى برجع من الشغل تقريبا كل يوم على نص الليل اصل الشركه يا حبيبتى داخله صفقه كبيره مع شركه عالميه وضغط الشغل عليا معلش استحملينى

مريم: ولا يهمك انا هحاول اشغل وقتى بقولك ايه انا سمعت ان فى منحه icdl قدملى فيها اسلى وقتى وهروح عند مامتك قالتلى هتعلمنى طريقه الفطير المشلتت?

عمرو: فطير مشلتت !!!! انتِ همك كده على بطنك بدل ما تتعلمى الرقص البلدى لعموورى حبيب قلبك? وماشى يا مريومه هقدملك على المنحه انتِ تؤمرى يا باشا يا بوغاشا?

"بعد شهر"

بابا مهند: هنعمل ايه يا مهند يابنى امك السكر والكبد تعبوها اوى وحالتها كل مدى بتزيد هنعمل ايه

مهند: هتصل احجز عند دكتور كويس اوى واللى يقوله هنعمله هتصل دلوقتى بنورهان تنزل تلبسها ونروح نكشف

الدكتور: بصراحه كده يا استاذ مهند بعد الكشف والتحاليل الست الوالده الكبد متليف عندها والسكر عالى جداً مفيش اى اهتمام بأكلها ولا صحتها ابقوا اهتموا بيها اكتر من كده

مهند: اول حاجه جه فى باله اخته مريم وقد ايه ندم انها اتجوزت بعيد عنهم

مهند: نورهان حبيبتى ماما تعبانه اوى عاوزك تهتمى بيها انتِ عارفه ماليش اخوات بنات غير مريم وهى مش هنا

نورهان: وانا مالى اتصرف انا مجهودى على قد بيتى وبنتى ومش حمل مسئوليه مامتك

مهند: انتِ خساره الكلام معاكى انا هتصل بمامتك وهى تكلمك يمكن تحسى شويه

مهند: الوو .. ازيك يا طنط ..الحمد لله .. والله ياطنط ماما تعبانه اوى بقول لنورهان تهتم بيها شويه بس رفضت عاوزك تفهميها يا طنط

ام نورهان: الف سلامه عليها بس يا بنى ماتزعلش منى امك بنتها اولى بيها بنتى مش حمل مرمطه

مهند: انتِ شايفه كده يا طنط اوك انا اسف فعلا ان افتكرت ان مراتى زى بنتها وهتقف معايا فى محنتى مع السلامه يا طنط واسف على الازعاج

مهند: الوو ازيك يا مريم عامله ايه..طيب الحمدلله انك بخير بقولك ايه ماما تعبانه اوى ومحتجاكى جمبها تقدرى تيجى

مريم: انتَ بتقول ايه ماما مالها ايه اللى حصل.. طيب بص اقفل دلوقتى هتصل بعمرو يحجز ليا تذكره النهارده سلام

مريم: ايوه يا عمرو والنبى احجز ليا تذكره ماما تعبانه اوى ?? النهارده ضرورى يا عمرو

عمرو: الوو ازيك يا مهند مالها طنط الف سلامه عليها على فكره مريم كلمتنى وحجزت التذكره ان شاء الله هتسافر على قطار الساعه ٣ معلش والله يا مهند عندى شغل ضرورى ومش هقدر اسافر معاها استناها لما توصل على المحطه ربنا يطمنكم عليها

" وفعلا سافرت مريم وفضلت لمده اسبوع لغايه لما مامتها اتظبط عندها السكر...ولاحظت معامله نورهان الجافه ومهتمتش اوى .... وسافرت مريم لبيتها تانى

عمرو: وحشتينى يا مريومه البيت مضلم من غيرك ماما عامله ايه دلوقت

مريم: الحمدلله يا عمرو اتحسنت شويه وانا هبقى كل فتره والتانيه هسافر اشوفها واطمن عليها

عمرو: يا مريم انا مش هقدر استغنى عنك البيت وحش من غيرك وانا مش بعرف اعمل حاجه انا من غيرك تايه

مريم: والمطلوب منى اعمل ايه اسيب امى وهى تعبانه ومالهاش بنت غيرى ،اختك ومش عاوزه تناولها حتى الدواء وامك بتقول بنتها اولى بيها ، وانتَ ومش قادر تستغناا عنى قولى انتَ اعمل ايه??

عمرو: هى ماما قالت كده لمين!!?

مريم: لما مهند اتصل بيها يشتكى من نورهان انها مش عاوزه تقف جمب ماما قالتله الكلام ده

عمرو: والله يا مريم ماكنتش اعرف الكلام ده ليه مهند ماتصلش بيا

مريم: علشان حساسيه الموقف ومكنش عاوز يحرجك

عمرو: خلاص يا مريم فى الوقت اللى طنط تعوزك سافرى انا مش زعلان وانا هتصرف لو حكمت هقضى الوقت اللى انتِ مسافره فيه عند والدتى

مريم: شكراً يا عمرو..ربنا يخليك ليا وميحرمنيش من طيبتك وحنيتك

بعد شهر"

عمرو: ايه ده هو انا دخلت شقه غلط ولا ايه.. انتِ مين?

مريم: فى اى يا عمرو انتَ اول مره تشوفنى ولا ايه

عمرو: ايه الجمال ده الفستان هياكل منك حته ولا شعرك ومكياجك هو النهارده فى مناسبه ولا ايه

مريم: احلى مناسبه ممكن تتخيلها انا حااااامل

عمرو: ??? مش فاهم

مريم: ايه هو اللى مش فاهمه انا حااامل انت متنح كده ليه عمرو عمرو يا نهار مش فايت ده اغمى عليه...

-----------------يتبع

Elbanota gege…..

يا جماعه التفاعل قل كده ليه لو مش عاوزنى اكمل والروايه مش عجباكم مش هكمل...