جواز بدل ١٠

1314 Words

“جواز بدل ١٠" ام مريم: الف مب**ك يا حبيبتى ربنا يتمم حملك على خير ربنا رضاكى يابنتى قلبى وربى رضيين عنك مريم بدموع الفرح: الله يبارك فيكِ يا ست الكل ام مريم: خدى كلمى ابوكى ومهند عاوزين يباركولك مهند: الف مب**ك يا مريومه اخيراً هكون خال ولا اخوكى الزقرد الصغير هيبقى خال وهو لسه فى ثانوى مريم: اه صحيح هو يوسف فين بقاله مده مش بيتصل بيا مهند: اخوكى يوسف يا ستى مطحون فى الدروس والمذاكره الامتحانات على الابواب ادعيلوا ابو مريم: هات التليفون يارخم عاوز اكلم مريم ده انتَ رغاى بشكل...الوو يا حبيبت ابوكى الف مب**ك يا قلبى هبقا جد لتانى مره كبرتونى يا ولاد الكلب?? مريم: الله يبارك فيك يا بابا والله وحشتونى اوى ياريت كنت جمبكم? ابو مريم: بتعيطى ليه يا مريومه ماتوجعيش قلبى يا بنتى طيب وحياة دموعك دى لانا جاى انا وامك نزورك ايه رايك بقا مريم: بجد يابابا اوعى تكون بتهزر انا مش مصدقه نفسي هتيجوا امتى يا بابا ابو مريم : ان شاء الله كمان يومين نحضر حالنا ونزورك يا قمر اوعى تعيطى تانى انتِ فاهمه ............. بعد يومين عمرو: اهلا وسهلا شرفتونا يا عمى ونورتينا يا طنط والله يا طنط كنت عاوز اجى ازورك بس الشغل والله اسألى مريم برجع منه على نص الليل ام مريم: عارفه يا حبيبى ومقدره ربنا يكون فى عونك كفايه انك بتحب بنتنا وشايلها على كفوف الراحه ربنا يبارك فيك " بعد السلامات والضيافه جه لعمرو تليفون من والدته... فاستأذن منهم وذهب للبلكونه للتحدث لانه شعر بغضب امه... عمرو: ايوه يا ماما فى ايه متعصبه ليه ام عمرو: وانتَ كمان مش عاوزنى اتعصب ازاى حماتك وحماك يجوا عندك واختك ماجتش معاهم ليييه يكونش حابسنها هناك عمرو: اولا يا امى اهدى شويه مهند فرح صاحبه النهارده فى الاسكندريه واخد نورهان وبنته معاه مش معقول هتسيب جوزها وهتيجى لوحدها ام عمرو: كانوا استنوا لما بنتى ترجع من الاسكندريه بعدين يجبوها ويجوا لبنتهم عمرو: يا ماما دول جايين لمريم علشان يباركوا ليها على الحمل ويفرحوها علشان نفسيتها ثم نورهان تيجى فى اى وقت محدش مانعها والله ام عمرو: افضل انتَ دافع عن مراتك واهلها اصل هى اللى ممشياك وراكبه ومدلدله عمرو: عيب كده يا ماما مايصحش اللى بتقوليه ده ..عن أذنك انا سايب الناس لوحدهم ..مع السلامه " بعد يومين اهل مريم سافروا وودعوها بعيون ممتلئه بالدموع وقلب ملئ بالندم على قرار جوازها بعيد عنهم....." " ظلت المشاكل بين مهند ونورهان مستمره بينهم على اتفه الاسباب وطبعاً نورهان استمرت فى ارسال التقارير اليوميه لحياتهم لامها... واصبح مهند متزوج من حماته وليس من نورهان بسبب تدخلها الغير مرغوب فيه فى حياتهم واتخاذ القرار بالنيابه عن بنتها عمرو: تتصور يا مهند بقيت بتشائم كل ماتتصل بياا انتَ يابنى ماتتصلش غير فى الخناقات اللى مش بتخلص ابداً خييير الخناقه المرادى على ايه... مهند: انا زهقت خلاص مش قادر اختك ماينفعش تتعاشر اقول يمين تقول هى شمال وياريت كلامها صح .. بتعند بطريقه مستفذه طيب عاوز اشهدك يا عم ... من كام يوم اتعزمنا فى مناسبه لواحد صاحبى وكل واحد منهم معاه مراته اقولها تعالى معايا ماترضاش اقولها عييب منظرى ايه وكل واحد معاه مراته وانا اروح لوحدى اكنى عازب رفضت وانا اعتزرت عن العزومه وكان شكلى زباله وخصوصا صاحبى ده جمايله مغرقانى ، طيييب سيبك من كده بعد ما كنت متفق معاها على خروجه ولغيت شغل مهم علشانها تيجى هى فى اخر لحظه تقولى ماما قالتلى الدنيا برد اقعدى فى البيت ماتخرجيش ...... وغير معاملتها لاهلى تتصور رفضت انزل بنتى تقعد مع أمى وتقولى قول لمامتك انها نايمه وانا والله ياعمرو مستحمل طريقتها دى علشانك اللى مستغربله انها ماكنتش كده الاول ..بصراحه كده يا عمرو مامتك خربتلها دماغها بتتدخل فى حياتنا وقرارتنا وهى بتنفذ من غير ماتفكر دبرنى يا وزير.. اتصرف انتَ انا تعبت عمرو: عندك حق انا هكلم بابا ومضايقش نفسك كل البيوت فيها مشاكل اصبر وربنا يسهل الامور بابا عمرو: جرى ايه يا ام عمرو بتدخلى فى حياة بنتك ليه تعرفى لو بنتك اطلقت وجت قعدت جمبك هتكونى انتِ السبب سيبيهم فى حالهم ربنا يهد*كى ام عمرو: جرا ايه يا حج انتَ هتعوم على عومهم انا بنصح بنتك بدل ما جوزها يضحك عليها ويشغلها خدامه لامه وكمان عاوزه يكون ليها شخصيه قدامه مش كل ما يقولها حاجه تقوله امين دى يا حبت عينى بيجبلها الخضار من السوبر ماركت قال ايه مش فاضى يجبلها الطلبات من السوق.. والنبى اسكت يا حج خلينى كاتمه فى قلبى بابا عمرو: يا وليه حرام عليكِ انتِ مالك يجبلها من السوق ولا من اى داهيه بتتحشرى فى حياتهم ليه خليتى رقبه ابنك قد السمسمه ام عمرو: اااه قول كده مراته مقوياه عليا واكيد جه فى صف مراته واهلها على حساب اخته يا عينى يا بنتى مالكيش حظ فى اخوكى طلعت مراته واهلها غالييين عنده بابا عمرو: لا حول ولا قوة الا بالله فوضت امرى لله ..ذنب بنتك هيكون فى رقبتك مريم بقت فى الشهر السابع مريم: اه اه يا عمرو اصحى انا تعبانه اوى ودينى للدكتور مش قادره اتحمل الوجع عمرو: حاسه بأيه انتِ لسه فى السابع مريم: الم فى بطنى ووجع فى ضهرى عمرو: طيب بصى هتصل بالدكتور واقوله اوكيه استحملى ثوانى بس الدكتور: يا استاذ عمرو الاعراض دى اعراض ولاده مبكره هاتها المستشفى دلوقتى ....... بعد الكشف الدكتور: الحمدلله الرحم لسه مقفول بس دى مجرد تقلصات طبيعيه هتاخد الدواء ده ولازم الراحه التامه شكل المدام بتبذل مجهود جامد وتابعوا معايا ولو حست باى تعب تتصل فورا " مريم وعمرو وهما فى العربيه مروحين البيت... مريم: مالك يا عمرو شكلك مضايق الحمدلله الدكتور طمنا على البيبى ومفيش مشاكل مهموم ليه بقا عمرو: انا قلقان عليكِ انتِ وزعلان من نفسي عارف انى مقصر معاكى طول اليوم فى الشغل وانتِ لوحدك وشغل البيت بتعمليه لوحدك ومفيش حد جمبك انا اسف والله مش بأيدى مقدرش ادخل حد غريب البيت ويعرف اسرارنا ماضمنش اى حد مريم بابتسامه حنونه: هو ده اللى مضايقك ياراجل انا قولت فى مصيبه ولا حاجه متقلقش ياحبيبى انا كويسه ومش باشتكى من حاجه الدكتور مأفور بس ولو على شغل البيت هقسمه ومش هعمل مجهود صدقنى يلا بقا فك التكشيره دى ولا عاوز الواد يطلع مكشر ومبوز عمرو: هههه? لا يا ستى وعلى ايه اهه حلو كده مريم: ابتسامتك حلوه اوى مش عاوزه اشوف تكشيرتك تانى عمرو: انتِ احلى هديه بعتها القدر ليا متشكر اوى يا مريم انك مش مشيلانى الهم مريم: لا متشكر ده ايه لا يا بابا مش ببلاش كده عاوزه شكولاته بابلز الحجم الكبير وشبسى وايس كريم بالمانجا وقبل ده كله هات كريب اصل انا هفتانه شويه عمرو: ماتيجى تاكلينى يا مريم احنا مش كنا متغديين من شويه مريم: انتَ هتعد عليا اللقمه ده ابنك اللى عاوز ياكل مش انا عمرو: انتِ تؤمرى وانا انفذ انا كنت بهزر معاكِ يا بطوط.... مهند: والله يا طارق مش مرتاح فى الجواز ده انا كنت عايش ملك زمانى ولا هارون الرشيد تتصور انا عايش بقالى ٥شهور زى العازب الهانم قالبه وشها ومفيش بينا اى علاقه زوجيه غير المشاكل والطلبات وحاجه تقرف طارق " صديق مهند": استحمل علشان بنتك وحاول معاها تانى مش هى اخت صاحبك عمرو اتصل بيه علشان يعقلها مهند: يابنى من كتر ما بتصل بيه الراجل بقا يخاف من مكالماتى غير ان اخته مش بتسمع كلامه البركه فى حماتى طارق: ربنا يهدى النفوس واصبر الله مع الصابرين " مهند تعب من كتر التفكيير لدرجه شعوره بالتعب والارهاق وتحدث الى نفسه انا مين اللى متجوزها دى مش ممكن تكون نورهان اللى حبيتها وقررت اكمل معاها حياتى دى بقت مسخ بغبغاء بيكرر كلام امها وتعليماتها وياريت بشكل ايجابى لكن سلبى دمرت حياتنا ياترى لو انفصلت عنها هتحرم من بنتى للابد ..وأختى هيكون مصيرها ايه معقول عمرو هياخد اختى بذنب فشل علاقتنا بس انا تعبت لكل بنى آدم طاقه وانا طاقتى على الاحتمال نفدت مش قادر اكمل ماحدش هينفعنى لما انهار وأمرض من كتر الضغط العصبى اللى بتعرض ليه...... انا لازم اخد قرار نهائي..." مهند: ماما انا اخدت قرار ومش هرجع فيه انا هطلق نورهان ام مهند:!!!!!!!!?? " ام مهند اتصدمت من قرار ابنها بالرغم من علمها بالخلافات الدائمه بين مهند ونورهان بس خافت من خراب بيت ابنها وحرمانها من حفيدتها وايضاً تأثير ده على بنتها واحتمال كبير طلاقها ايضاً وخراب بيتها ..... ااااه من جواز البدل ولكن ماذا ينفع الندم بعد فوات الاوآن......" -------*&&&&&&يتبع Elbanota gege…… ياترى مهند هيطلق نورهان ؟ وهل ده هيأثر على علاقه عمرو بمريم؟???

Free reading for new users

Scan code to download app

App Store Google Play

Facebookexpand_more