جواز بدل

جواز بدل ١١

“ جواز بدل ١١"

مهند: ماما انا اخذت قرار ومش هرجع فيه انا هطلق نورهان

ام مهند: يا لهوى انتَ اتجننت يا مهند طلاااق ايه مسمعش الكلمه دى تانى انتَ فاهم

مهند: يا ماما انتِ ليييه مش حاسه بيا ان عايش فى عكننه ونكد مش مرتاح

ام مهند: يا بنى اغزى شيطانك بلاش تكون انانى فكر فى بنتك ولا حتى اختك انتَ عارف قرارك ده هيأثر على اختك مش بعييد تتطلق هى كمان ولو عمرو ماطلاقهاش تفتكر اهله هيعملوها ازاى ولا هتعيش منبوذه فى مدينه غريبه عنها مش انتَ اللى عملت فيها كده من الاول وأصريت على الجوازه دى

مهند: يعنى اعمل ايه انا تعبت ارحمونى مابقتش قادر اتفاهم مع نورهان ده انا بقضى اليوم كله برا علشان ماحتكش بيها حتى بنتى مابقتش اشوفها حاولت معاها مره واتنين وميه واتصلت بأخوها وابوها علشان يشوفوا حل ولا اكنى بأذن فى مالطه

ام مهند: بقولك ايه يابنى مايمكن نورهان مخنوقه وزهقانه ماتخدها وتسافر عند اهلها تغير جو ،انسى كلمه طلاق دى احنا ماعندناش الكلمه دى فى عائلتنا انتَ فاهم والا والله اغضب عليك ، روح يا بنى لمراتك ربنا يهديك

عمرو: مريومه يا مريومه انتِ فين تعالى بسرعه..

مريم: حمدلله على السلامه يا عمورى اتأخرت كده ليه .. اش اش ايه الشنط دى كلها انتَ عملت شوبنج من ورايا

عمرو: تعالى اتف*جى شوفى اشتريت ايه لحزومبل

مريم: حزومبل!!! بقا ابنى انا يتقاله حزومبل اخس عليك يا عمورى

عمرو: ايه رأيك فى السلوبتات دى وجبت ليه بطانيه وشرابات وببرونه وسكاته وفلنات وحاجات كتييير اتف*جى

مريم:? الله يا عمرو ده انتَ ذوقك حلو اوى بس انا كنت عاوزه انا اللى اشترى?

عمرو: ولا تزعلى نفسك لسه فى حاجات ناقصه كتير وكمان السرير والمشايه واللعب انتِ يا حياتى اللى هتفرشى اوضته

مريم: يااااه يا عمرو امتى اولد بقا انا تعبت وكمان عاوزه اشوفه ياترى هيطلع شبه ميين?

عمرو: المهم عندى يتولد سليم وبصحه وعافيه وتقوميلى بالسلامه يا عمرى??

مريم: يارب يا عمرو مش هوصيك لو حصلى حاجه ومٌت تخلى بالك منه وتربيه كويس و....

"يقاطع عمرو كلامها بحده ويقول: اوعى يا مريم تقولى كده تانى ماتجبيش سيرة الموووت تانى انتِ فاهمه??

مريم: انا اسفه ماتزعلش منى . ااانا كنت عاوزه اطلب منك حاجه كده والنبى ماترفض

عمرو: مالك يا مريم بتهتهى كده ليه قولى يا حبيبتى

مريم: انا عاوزه اولد عند ماما ، بص براحه كده انتَ مضغوط فى شغلك حتى لو اخدت اجازه مش هتقدر على خدمتى ولا هتقدر تهتم بالولد ومفيش حد هياخد باله منى وانتَ فاهمنى كويس ، وقبل ما تقول حاجه انا مش قصدى حاجه طنط واختك ليهم حياتهم هااه قولت ايه موافق

عمرو: موافق انتِ دلوقتى فى بدايه الشهر ٨ على اول الشهر ٩ هسافر معاكى وهوصلك لحد هناك مبسوطه

مريم: مبسوطه اوى اوى يا عمرو ربنا مايحرمنى منك

مهند: نور يا نور ايه كل ده مش سمعانى يا هانم بنادى عليكى من بدرى بتعملى ايه..

نورهان: اييييه فى ايه داخل تقول شَكَل للبيع ولا تكونش مامتك مسلطاك عليا وعاوز تتخانق وخلااااص

مهند:? اولا صوتك مايعلاش ثانيا ماتجبيش سيرة امى تانى فاهمه ، روحى جهزى شنط السفر هنسافر عند اهلك نقضى يومين تلاته كده نغير جو مع انك ماتستهليش

نورهان:? بجد احلف

مهند: يلا القطار بعد ٣ ساعات لسه هترغى بسرعه بدل ما ارجع فى كلامى

نورهان: لا لا فوريره هحضر الشنط

"وفعلا سافر مهند ونورهان ووصلوا لبيت اهلها بس مهند كان مضايق من حماته وحاول انه مايظهرش ده بالرغم من استقبالهم الحار والمعامله الجيده له

مهند: طيب يا جماعه عن اذنكم هروح لعمرو ومريم اصلهم وحشونى تيجى معايا يا نورهان

" ام نورهان غمزة لنورهان بمعنى لا"

نورهان: معلش يا مهند تعبانه من السفر روح انتَ

عمرو: حمدلله على السلامه يا وحش مش كنت تقول انك جاى كنت استقبلتك فى المحطه

مريم?: جريت وحضنت مهند وحشتنى اوى يا مهند

مهند:?? والله وحشتونى انتوا الاتنين حبيت اعملكم مفاجأه

عمرو: امال فين نورهان هى ماجتش معاك

مهند: هى عند مامتك فى البيت معلش لسه جايه من سفر وتعبانه ماقدرتش تيجلكم

مريم: لا ابدا المفروض احنا اللى نروح نسلم عليها هى ورودى عاملين ايه

مهند: الحمد لله المهم طمنينى اخبار الحمل ايه والنونو الشقى معذبك

مريم: ?? والله يا مهند بنام وانا على الكرسى ادعيلى يعدى حملى على خير هروح اعملك عصير مانجا تحفه وشكل حماتك بتحبك عندى كوكتيل وجيلى بالفراوله اللى انتَ بتحبه

مهند: هههههه ماعتقدش ان حماتى بتحبنى بس وماله مايضرش هاتى يا ستى مش ه**فك

" ذهبت مريم للمطبخ وانتهز عمرو الفرصه للكلام مع مهند لانه لاحظ زعل مهند...

عمرو: مالك يا مهند شكلك متضايق حصل ايه انت زعلان مع نورهان..

مهند: والله يا عمرو مش عارف اقولك ايه انا غُلبت مع اختك واخر محاوله معاها قولت اجبها هنا تغير جو يمكن تتعدل

عمرو: انا مش عارف اقولك ايه اختى عنديه ومش بتسمع كلام حد غير نفسها ربنا يهدى النفوس بقولك ايه ماتيجى نخرج النهارده مع الشله القديمه ده احنا هنخربها

مريم: ??عمرو هتاخد اخويا وهتصيعوا برا ده على جثتى... انتَ فاهم

عمرو: ولو قولتلك انى هجبلك وانا جاى شكولاته بابلز ومش كده وبس لا هجيب كمان علبه ايس كريم كبيره بالمانجا

مريم: مش تقول كده من الاول بالسلامه يا حبايبى واتاخروا براحتكم انا يهمنى سعادتكم

مهند:!!!!!??

"وفعلا خرج مهند وعمرو مع الشله القديمه وبدءوا فى سرد ايام الطفوله وشقاوتهم القديمه وانبسط مهند جدا....

مهند: انما قولى يا واد يا عمرو انتَ ازاى خليت اختى زى الخاتم فى صباعك كده انا فاكر كويس خطوبتكم كانت زفت

عمرو: زفت!! الملافظ السعد ولا حاجه يا سيدى احنا بس متفاهمين ومش بنخنق بعض يعنى اكننا اصحاب مش عايشين جواز تقليدى

مهند: ربنا يسعدكم ويديم المحبه بينكم متخفش مش هحسدكم

عمرو: اوعى يا واد تكون عينك صفرا ولا مدوره اكمن يعنى مش سعيد زينا

مهند: !!!

عمرو: انا مش قصدى يا مهند انا كنت بهزر والله وان شاء الله هتتحل الخلافات اللى بينكم ،انا نفسي اعرف فين مهند المقطع السمكه وديلها يا ابنى انتَ اكتر واحد فى الشله بتعرف تبلف البنات وتثبتهم مش قادر على نورهان

مهند: لو على نورهان انا اقدر اثبت عشرة زيها المشكله فى امها مش سيبانى فى حالى.. انا اسف يا عمرو انى بتكلم على مامتك كده بس والله خلاص مابقتش قادر استحمل تدخلها فى حياتى اللى شكلها مش هتستمر

عمرو: قصدك ايه بكلمه مش هتستمر

مهند: من الاخر كده لو اختك ما اتعدلتش وبطلت تدخل امها فى حياتنا انا لاما هطلقها او هتجوز عليها

عمرو: !!!!!!!

ام نورهان: قوليلى يا نور عامله ايه مع جوزك وحماتك

نورهان: زفت، مهند اليوم كله برا البيت وبيرجع على النوم وكل ما اكلمه يقولى كنت فى الشغل مطحون علشانكم علشان اقدر اكفى طلباتك اللى مش بتخلص.. وساعات يرجع بوزه شبرين اكيييد امه مقوماه عليا وبتشحنه ضدى

ام نورهان: اوعى يا بت يكون بيعرف واحده عليكِ اصل الرجاله كده مايملاش عينيهم غير التراب ولا تكونش امه بتحرضه ضدك انا مش هسكت على الكلام ده

نورهان: هتعملى ايه يا ماما

ام نورهان:???

" بعد مرور ٣ ايام"

مهند: معلش يجماعه مش هنقدر نقعد اكتر من كده ورايا شغل مهم يلا يا نور حضرى الشنط علشان نلحق القطار

ام نورهان: بقولك ايه يامهند انا بنتى عاوزه شقه برا مش عاوزه تعيش فى بيتكم تانى مش مرتاحه عندكم

مهند: يعنى ايه الكلام ده

ام نورهان: اللى سمعته ان شاءالله شقه ايجار بس بعيد عن اهلك..

مهند: !!!!!!

***********&*&يتبع

Elbanota gege……

ياترى مهند هيوافق على طلب حماته؟ ورد فعله هيكون ايه؟ ??