جواز بدل ٢١ والاخيرة
1029 Words
“ جواز بدل ٢١ الاخيره"
مش معنى انه البارت الاخير مالقيش تفاعل هزعل بجد
لوجين: ااااه اااه همووت الحقنى يا مهند بوووولد ،انت لسه هتتصدم ودينى المستشفى
مهند: حاااضر حاااضر هتصل ببابا علشان ياخد رودينا ثانيه واحده استحملى معلش يا حبيبتى
"فى المستشفى"
مهند: يا نيرس لو سمحتى مراتى بتولد جوه بقالها ساعتين لو سمحتى ادخلى وطمنينى
الممرضه: ساعتين!! متقلقش حضرتك هدخل اشوفهالك اطمن
مهند هيتجنن من الخوف على لوجين وبيردد" الله لا اله الا انت سبحانك انى كنت من الظالمين" وفجأه الدكتور طلع من غرفه العمليات
مهند: طمنى يا دكتور مراتى عامله ايه وليه اتأخرت ده كله
الدكتور: المدام نزفت كتير بس الحمد لله قدرنا نوقف النزيف وهى كويسه اوى والبيبى بصحه جيده بس فى الحضانه
هنطمن عليه اجراء روتينى ماتقلقش
مهند اخد نفسه اخيرا: الحمدلله متشكر اوى يا دكتور
الدكتور: ده واجبى الف مب**ك على البيبى وحمدلله على سلامه المدام عن اذنك
" اول لما دخلوا لوجين غرفه عاديه جرى مهند عليها وقالها: حمدلله على سلامتك ياقلبى كنت هتجنن عليكِ انتِ ماتعرفيش انتِ بنسبالى ايه عارفه انتِ دعوه امى ليا
لوجين:?☺ كل ده ماكنتش اعرف انك بتحبنى اوى كده.. ايه ده!! فين ابنى حصله حاجه
مهند: اهدى اهدى خضتينى الحمدلله كويس بيطمنوا عليه والممرضه هتجيبه دلوقتى اهه جبنا فى سيره القط جه ينط
الممرضه: اتفضل البيبى اهه بس بسم الله ماشاء الله طالع قمر لابوه?
لوجين فى نفسها :يا مصيبتى الوليه هتشقط الراجل قدامى?
لوجين: بابتسامه صفرا شكرا هاتى الولد بقا واتفضلى انتِ
مهند مش قادر هيمووت من الضحك على رياكشن لوجين لدرجه انه خاف لتقوم تاكل الممرضه
مهند: اهه مشيت ارتاحتى قطاعت ارزاق
لوجين: مههههند اوعى تفتكر انى علشان لسه والده مش هقدر انط فى كرشك عجبتك اوى الممرضه دى حتى مسلوعه وبعرقوب اتعدل بدل ماعدلك رجاله اخر زمن
مهند بخوف: هو انا متجوز عبده موته ولا ايه ، انا بهزر معاكى ثم انا هلاقى فى حلاوتك وطعامتك ده انتِ تتاكلى اكل بس مايمنعش ان الولد شبهى وعلشان بحبك هخليكِ انتِ اللى هتسميه
لوجين:هسميه (اياد )ايه رايك
مهند: على بركه الله ياام اياد ياقمر
بقولك ايه ماتجيبى بوسه??
********&
نورهان ببكاء شديد:? انتِ السبب حرام عليكِ يا ماما انا بتعذب عايشه مع واحد بيعاملنى اكنى جاريه عنده وخدامه لامه وعياله وماليش راى ولا حق اعترض على حاجه كل يوم شخط وض*ب وبهدله خربتى بيتى مع مهند اللى كان يتمنى ليا الرضا ارضا ولا بنتى اللى قلبى موجوع من بعادها ليييييه عملتى فيا كده حرام عليك ِ هو انا مش بنتك
ام نورهان: ااانا هو ده اخرتها بتلومينى علشان جوزتك بدل كلام الناس علشان بقيتى مطلقه
نورهان: ومين السبب فى طلاقى مش انتِ ونصايحك لازم يانورهان يبقى ليكِ شخصيه قدامه مش كل حاجه ايوه ونعم، ماتنزليش يا نورهان عند امه والا اهتشغلك خدامه،اتعززى يا نورهان ماتبقيش مدلوقه عليه وغيره وغيره خربتى بيتى وحرمتينى من بنتى
ام نورهان: انا مقولتش ليكِ تسيبى بنتك انتِ اللى سيبتيها محدش غصبك انتِ طلعتى خايبه شوفى مريم مرات اخوكى محدش يعرف عنهم حاجه وحاطه اخوكى تحت باطها هتفضلى خايبه لامتى
نورهان: ??وهى بتمسح دموعها تتصورى عندك حق انا اللى غلطانه واستاهل اكتر من كدا ده عقاب ربنا ولازم ارضا بالعقاب ده سلام يا ماما شكرا على نصايحك الغاليه?
^^^^^^^
ابو مهند: ازيك يا مريم يا بنتى عامله ايه مع جوزك وابنك كريم بخير
مريم: الحمدلله يا بابا كلنا بخير وعمرو بيسلم عليك طمنى على صحتك
ابو مهند: الحمدلله نحمد الله على كل شئ ده لوجين مرات اخوكى مش مخليانى اعوز حاجه ربنا يجعله فى ميزان حسناتها كنت والله عاوز اعمل لابن مهند سبوع بس رفض هو ولوجين علشان المرحومه امك ماكملتش السنه متوفيه
مريم: والله يابابا لوجين بنت حلال وطيبه اوى مهند بيشكر فيها وامى الله يرحمها كانت بتحبها اوى وان شاء الله ابن مهند لما يكمل السنه هنعمله حفله عيد ميلاد محصلتش قبل كده ، على فكره يا بابا انا حامل ولسه عمرو مايعرفش قلت افرحك الاول
ابو مهند: الف مب**ك يا بنتى ربنا يكمل حملك على خير يارب ويفرحك ومايحرمك ابدا اسيبك بقا علشان اصلى مع السلامه
^^^^^^
مريم: عموررى حبيبى وحشتنى اوى اتأخرت فى الشغل يعنى النهارده
عمرو: وانتِ وحشتينى اوى ياقلب عموررى ،بس ايه الفرحه اللى بتنط من وشك دى ، اكيد عاوزه طلب اصل انتِ بتاعت مصلحتك?
مريم: اخس عليك يا بيبى انا برضوا بتاعت مصلحتى انا زعلت منك ومقموصه
عمرو:?? تتصورى بعد كلمه بيبى دى قلقت اكتر?
مريم: ??بقى كده طيب يا عمرو روح نام عند امك قال وانا عمله ليك الاكل اللى بتحبه ولابسه اللون اللى بيعجبك طلعت ما تستهلش
عمرو: ايه ده انتِ طلعتى قماصه انا كنت بهزر معاكى بس تصدقى الفستان هياكل منك حته
مريم: بجد الفستان حلو
عمرو: انتِ اللى حلوه بقولك ايه كريم نام
مريم: من بدرى ،بقولك ايه اللى يقولك خبر حلو تعمله ايه
عمرو?: اديله اللى عاوزه بس خبر ايه ده
مريم: الاول انا عاوزه كرتونه شكولاته بابلز علشان الخبر اللى هقوله يستاهل
عمرو: ماشى مش خساره فيكِ قولى بقا شوقتينى
مريم: انا حاااامل
عمرو: ??? بجد يا مريم اوعى تكونى بتهزرى هزعل بجد
مريم: والله مابهزر انا حامل عملت الاختبار مرتين وطلع ايجابى
" عمرو شال مريم وفضل يلف بيها وهو بيضحك وفرحان اوى... الحمدلله عارفه انتِ اجمل نعمه ربنا انعم بيها عليا
^^^^^^^
شريف:?? ايه ده هو انتِ نورهان مراتى مش معقول من امتى الاهتمام ده
نورهان: من النهارده انا اسفه لو كنت اتصرفت باسلوب ضايقك انا بس طالبه منك تعاملنى بما يرضى الله وانا اوعدك من النهارده هتشوف نورهان تانيه خالص اتفقنا
شريف: لو هتبقى بالحلاوه دى كلها وعيالى هتعمليهم اكنهم ولادك وشيلتى امى فى عنيكى ايه المانع نفتح صفحه جديده سوا على فكره انتِ كويسه يانورهان بس لو تبعدى عن زن امك مش هيكون فى احسن منك
نورهان بتنهيده: ماتقلقش امى من النهارده ملهاش
دعوه بحياتى، سيبك من الكلام ده كله عملتلك كيكه بالشكولاته انما ايه تجنن عرفت من طنط انك بتحبها فعملتها
شريف: تسلم ايدك بس اديتى منها للعيال
نورهان: طبعا ولطنط كمان حبوها اوى هروح اجبهالك
شريف : لا استنى مش دلوقتى لما اشبع منك الاول?? تعالى هنا بتجرى منى هتروحى منى فين ...اخيررررراً مسكتك بتهربى منى يا ملبن انتَ ياقشطه بالعسل بقولك ايه انا نفسي بولد منك تعالى نطبق خطه ٤،٢،٤ وننفذها عملى... .....
نورهان: هههيهيهيهه ??? اه يا شقى....
--------------انتهت
.........Elbanota gege
اظن دلوقتى عرفتوا ان البيوت ليها اسرار ماينفعش تطلع برا ولا لاهلنا وطول ما الزوجه بتعامل زوجها بما يرضى الله هيشلها فوق دماغه ولما يلاقيها بتعامل اهله كويس وحنينه على امه هتزيد معزتها فى قلبه ولا يمكن يستغنى عنها
- Writer
