جواز بدل ٢٠

1061 Words

"جواز بدل٢٠ " قبل الاخيره مهند ببكاء:? الوو ..ماما ماتت ياعمرو بلغ مريم وهاتها تحضر الدفنه مش قادر اتكلم سلام عمرو مصدوم من الخبر ومش عارف هيقول لمريم ازاى الخبر ده عمرو: مريم يا حبيبتى تعالى عاوز اتكلم معاكى مريم: خير يا عمرو فى مشكله ولا اى شكلك مش طبيعى عمرو: طبعاً انتِ مؤمنه بالله وعارفه اننا مش دايمين فى الدنيا ومسيرنا هنموت وكل واحد مننا ليه عُمر والموت علينا حق مريم: انا فاهمه ده كله بس انتَ بتقول كده ليه فى حاجه حصلت عمرو: البقاء لله يا مريم والدتك اتوفت النهارده مريم: انتَ بتهزر صح قول انك بتهزر امى مكلمانى امبارح بالليل انا امى ماتت.. انا امى ماتت عمرو: وحدى الله يا مريم مالك مريم مريم عمرو شال مريم ودخلها اوضه النوم وفضل يفوق فيها لحد لما فاقت بس استغرب انها ساكته ومره واحده لبست اسود وحضرت شنطتها ولبست كريم من غير ما تتكلم لكن دموعها بتنزل من عينيها من غير ما تطلع صوت قلقت عليها المفروض تطلع الحزن اللى جواها تصرخ تعمل اى حاجه لكن دى كتمت جواها عمرو: البقاء لله يا مهند شد حيلك يا صاحبى، البقاء لله يا عمى مادايم الا وجه الله ربنا يصبركم وفضلنا انا ومريم ٣ ايام العزا بس خوفى كان بيكبر مريم حالتها مطمنش اكنها فى عالم تانى دموعها مانشفتش بس ساكته وباصه قدامها ومش بتكلم حد اخدتها وسافرنا لبيتنا تانى قولت اخرجها من حزنها بس ماعرفتش اعمل ايه كل محاولاتى معاها فشلت اتصلت بدكتور نفسي صاحبى وفهمته حاله مريم قالى انها فى حاله صدمه واللى خوفنى عليها اكتر انها مريضه سكر ونسبته كانت عاليه انا حاسس بالعجز ومش عارف اعمل ايه قولت اتصل بمهند اخوها اكيد هيعرف يتصرف عمرو: الووو ..ازيك يا مهند عامل ايه دلوقتى ..طيب الحمدلله بقولك ايه يا مهند مريم حالتها صعبه هى فى حاله صدمه وسكرها عالى انا لجأتلك بعد ما فشلت كل محاولاتى ياريت يا مهند تيجى تشوفها مستنيك ام عمرو: زى ما بقولك كده يا نورهان ام مهند ماتت من اسبوع.. يادى النيله فى حظنا الهباب ماكنش ام شريف هى اللى تموت وكنتِ ارتحتى من ق*فها وليه عقربه بصحيح..هاه وقالتلك ايه كمان..يووووه وليه بومه عاوزه قطع ل**نها عامله زى الحيه بتلدغ بال**نها معلش يا بنتى استحملى كلام الناس وحش ومش هيسبوكى فى حالك وسبع البرومبه جوزك مقالش حاجه شتمك بأمك والله لانا جياله اقفلى يا بت هلبس وجيالك شريف: نعم يا حماتى خير ام عمرو: هيجى الخير منين ياجوز بنتى، بقى دى نورهان اللى مسلمهالك ورده مفتحه البت عدمت وخست شريف: حد قالك انى مانع عليها الاكل ولا بقفل التلاجه بقفل ام عمرو: لا يحبيبى البت خست من الشقى والتعب طول اليوم ماتجيب خدامه هو انتَ فقير بسم الله ما شاء الله فلوسك كتير شريف: اولا مش بدخل حد غريب بيتى انا حر ثانيا هى وظيفه الزوجه اى غير انها تشوف طلبات بيتها وجوزها ام عمرو: اهه طلبات جوزها مش امه شريف: حمااتى انتِ فى بيتى مش عاوز اغلط فيكِ ولو مش عاجب بنتك مع السلامه اطلقها واجيب اللى احسن منها ام عمرو بتوتر: ?تطلقها!! يا حبيبى انا مش قصدى حاجه بس البيت كبير وهى مش قادره عليه لوحدها فيها ايه لما تجيب واحده تساعدها شريف: اظن انى قولت اسبابى وانا حر فى بيتى امشيه زى ما انا شايف ومحبش حد يدخل فى حياتى شرفتينا يا طنط بعد اذنك عندى شغل سلام نورهان: هاه يا ماما عملتى ايه قولتيله ام عمرو: اه يا بنتى قولتله وراسه ناشفه مقدرتش اضغط عليه لاخرب بيتك معلش يابنتى استحملى نصيبك كده انا لو قولت لاخوكى ولا لابوكى هيقولى انتِ السبب استعجلتى فى الجوازه من غير مانسأل عنه سلام يا حبيبتى اقوم اروح اعمل الاكل لابوكى ----' مهند:? ازيك يا مريم عامله ايه دلوقتى .. ماتعيطيش كفايه يا حبيبه اخوكى امك فى مكان احسن من هنا بكتير وان شاء الله هنروحلها احنا مش قاعدين فى الدنيا دى كتير امك الحمدلله ماتت على سريرها فى بيتها مادبهدلتش فى المستشفيات ربنا رحمها انا واخوكى وابوكى وعمرو جوزك فى ضهرك احنا سندك فى الدنيا عمرو والله هيتجنن عليكِ بلاش تكتمى زعلك جواكى قومى صلى لربنا وادعى لامك وامسكى المصحف واستهدى بالله عمرو حب يطلعهم من حزنهم : خيااانه بتحضنى اخوكى يا مريم وانا بعتينى اخس عليكِ ده انا مخلص مصنع شيكولاته بابلز عليكِ ياخساره فلوسي? مهند: كت برافو برافو يا فنان نجهز للمشهد التانى مريم ضحكت عليهم:?? عمرو: ?ايوه كده القمر ظهر تانى عاوزك تضحكى كده على طول لو كنت اعرف ان مهند ليه سحر عليكِ وهيخليكى تضحكى كنت جبته من زمان مهند: انا نفسي اعرف ازاى بتحب اختى وبتشترى ليها شكولاتات وهى مريضه سكر انت عاوز تموتها يابنى مش خايف عليها بدل ماتنصحها انها تبعد عن السكريات بتشتريها بنفسك عمرو: فى شكولاتات خاصه بمرضى السكر ثم انى بضبط ليها الدنيا يعنى فى اليوم اللى بتاكل فيها شكولاته مش بتاكل فيها اى حاجه فيا سكر او ممكن تعلى السكر عليها الانسان دكتور نفسه غير انى مشترى ليها جهاز قياس السكر علشان نطمن من نسبته كل يوم عندها فهمت يا شلوك هولمز ??? مهند: فهمت يا دكتور عمرو??? عمرو: اتريق اتريق شكلك ماتعرفش قمتى قوليله يا مريومتى على انجازاتى??? مريم: ???? خلاص مش قادره افصلوا بقا هو انتوا مولدين فوق روؤس بعض ***.. شريف: ????بقى يا هانم بتتصلى تشتكى لامك اقسم بالله العظيم لو عرفت انك قولتى لامك حاجه عن حياتنا لا**ر التليفون على دماغك انتِ فاااااهمه نورهان:??? ???انتَ ليه بتعاملنى كده انا عملتلك ايه شريف: اولا صوتك ما يعلاش ثانيا هو انا عملتلك ايه طلبات البيت ومش مخلى فى نفسكم حاجه ساكنه فى بيت متحلميش انتِ واهلك بيه عيالى وانتِ عارفه من قبل مااتجوزك انى عاوز ليهم ام تراعيهم امى وست كبيره لازم اراعيها لانى ابنها الوحيد مش فى اخر ايامها واتخلى عنها ومن واجبك كازوجه تهتمى بيها وبطلباتها ناقصك ايه ولا هى عوجه رقبه وخلاص نورهان مقدرتش ترد عليه يعنى هتقول ايه انها كانت متخيله انها هتعيش ملكه حوليها خدم وحشم وهتتفسح وتسافر وتعيش شبابها بالطول والعرض سكتت وندمت على مهند وعيشته اللى دلوقتى تتمنى ترجعلها تانى وبنتها اللى فى حضن واحده تانى وهى بتربى اولاد غريبه عنها.... ام عمرو ونورهان: ياترى انا فعلا السبب فى خراب بيت بنتى الاولانى زى ما ابو عمرو بيقولى دايماً بس لأ ده كان عاوزها خدامه لامه تتحكم فيها هههه بتضحكى على نفسك ولا ايه دى كانت ست مريضه ومشوفناش منها حاجه وحشه ..... يعنى بنتك دلوقتى مبسوطه بجوازتها التانيه دووول مطلعين عنيها وياريت بعد دا كله فى شكرانيه، بنتى مش بتشوف غير البهدله بس اعمل ايه كلام الناس ما بترحمش ومش معقول تتطلق تانى الناس هتقول اكيد المشكله فيها وهتفضل زى البيت الوقف ومحدش هيتقدملها ولا يبص فى وشها ...كل واحد مش بياخد غير نصيبه..... " ------------ يتبع "Elbanota gege…… عاوزه تفاعل كتير ولايكات?

Free reading for new users

Scan code to download app

App Store Google Play

Facebookexpand_more