جواز بدل

جواز بدل ١٩

“ جواز بدل ١٩"

ام نورهان: الف مب**ك يا حبيبتى بيتك حلو اوى الوليه ام سامح ماكدبتش فعلا البيت اكنه فيلا امال فين حماتك علشان اسلم عليها

نورهان : اهي طنط جايه اهه ومعاها شريف جوزى

شريف: ازيك يا طنط شرفتينا

ام شريف بلويه بوز: اهلا يا حبيبتى ايه يا عروسه مش هتجيبى عصير علشان مامتك ولا هتفضلى قاعده كدا

نورهان: حااضر يا طنط انا مجهزاه والله هروح اجيبه

"ام نورهان لاحظت ان ام شريف ست شديده وصعبه فقلقت على بنتها..

ام نورهان: مفيش داعى للعصير انا ماشيه انا بس جيت اطمن على بنتى واباركلها

شريف: شرفتينا يا طنط ونورتينا ابقى سلمى على عمى مع السلامه

ام نورهان: الله يسلمك يابنى " وفى عقلها" ايه قله الذوق دى

" نورهان لما مشيت مامتها جريت على اوضتها وفضلت تبكى...

شريف: فى ايه جريتى على الاوضه ليه وعماله تبكى حد كلمك

نورهان: وهى بتبكى وتشحتف انتَ شايف ان محصلش حاجه **فت ماما ده حتى معزمتهاش علشان تتغدا معانا ومامتك عاملتها ببرود

شريف: بقولك ايه اوعى تجيبى سيرة امى انتِ فاهمه وامى تعمل اللى هى عاوزاه

انا مش شايف اننا عاملنا مامتك وحش هو المفروض اعمل ايه اقوم اتحزم وارقص

انزلى يلااا وبطلى دلع نسوان شوفى طلبات البيت وأسألى ماما اذا كانت محتاجه حاجه انتِ لسه هتنحيلى انزلى يلااااا

لوجين: صباح الخير يا طنط هروح احضر الفطار واجبلك العلاج

ام مهند: صباح النور يا حبيبتى متتعبيش نفسك انا فطرت كتر خيرك صاحيه بدرى كده ليه ناميلك شويه انتِ شقيانه فى طلبات البيت وكمان حامل

لوجين: ولا تعب ولا حاجه انا اطول اصبح على القمر ده هروح اجيبلك العلاج انا عارفه انك نسيتى تاخديه

ام مهند: ربنا يكرمك يابنتى ويقومك بالسلامه ويتمم حملك على خير وتتهنى يارب

لوجين: يا بت يا رودى تعالى اسرحلك شعرك الناعم ده وانتِ شبه باباكى كده زى القمر

مهند: اهه القمر قدامك اهه مفيش تصبيره وانا ماشى ورايح الشغل??

لوجين: اختشى عيب مش قدام البنت ومتنساش وانتَ جاى تجيب مانجا انا شماها من الصبح ابنك ده شكله تخصص فواكه?

مهند:?حاضر يا ستى اى طلبات تانى

لوجين: اه هات علاج طنط علشان قرب يخلص وشكولاته لرودى وهات مصاصه ليااا اوعى تنسى

مهند: انت تؤمر ياقمر من عونيااا سلام يا قلبى يلاا يا رودى هاتى بوسه لبابا?

مريم: الله الفستان يجنن يا عمرو تسلم ايدك ذوقك روعه

عمرو: كل سنه وانتِ طيبه يا حياتى عيد ميلاد سعيد ياقمر ولسه كمان هخرجك بالليل ونسهر سهره معتبره تحلفى بيها يا ام كريم يا قشطه بالعسل??

مريم: بقولك ايه يا عموررى كنت عاوزه اطلب منك طلب

عمرو: مع انك مش بتقوليلى عمورى دى الا لمصلحه بس تمام اطلبى عينيا ليك ياجميل

مريم: عاوزه اصيف ايه رأيك فى الغردقه جوها تحفه فى قريه سياحيه اسمها "...." فيها اكوا بارك بليييز يا عمورررى

عمرو: ماشى بس الشهر الجاى مش دلوقت علشان الشهر ده مزنوق فى الشغل اوكيه يا قمر

مريم: اوكيه ربنا مايحرمنى منك اروح بقاا اقيس الفستان

ام نورهان: عامله ايه يا نورهان مبسوطه يابنتى الدنيا تمام عندك

نورهان ببكاء: لا يا ماما مش مبسوطه انا حاسه انى خدامه هنا طول اليوم اطبخ وانضف واغسل واشوف طلبات امه اللى مش بتخلص ولا العيال جننونى طول اليوم طلبات انا جسمى ات**ر انا تعبانه اوى مش هقدر اكمل فى الجوازه دى

ام نورهان: انتِ اتجننتى عاوزه تطلقى وتشمتى مرات اخوكى واهلها فيكِ يقولوا ايه اطلقت بعد شهر جواز ده الناس تاكل وشى استحملى يا حبيبتى كل البيوت كده هانت امه كبيره فى السن وممكن تموت فى اى وقت وترتاحى منها

نورهان: مين دى اللى كبيره فى السن دى عندها صحه تهد جبال دى ست قويه وقادره مشفتهاش يا ماما وهى بتتحكم فيا

ام نورهان: معلش اصبرى اهم حاجه اسمعى كلام جوزك ودلعيه لغايه لما يبقى خاتم فى صباعك انتِ ماشفتيش مرات اخوكى راكبه ومدلدله رجليها ازاى اتعلمى يا هبله

شريف: نورهاااااان

نورهان: سلام يا ماما شريف بينادى عليا

نورهان: نعم بتصرخ ليه فى ايه

شريف: فى ايه!!! مش لما جوزك يا هانم يوصل تكونى فى استقباله ولا امك معلمتكيش الاصول

نورهان: لا علمتنى بس انا كنت بريح ضهرى اللى ات**ر من شغل البيت من صبحيه ربنا

شريف بسخريه :شغل البيت!! لا ماهو باين ممكن تفهمينى يا ست هانم العيال بلبس امبارح ليه وشعرهم منكوش اوعى تكونى فاكره انى متجوزك علشان سواد عيونك انا اتجوزتك علشان العيال يعنى وظيفتك عيالى تهتمى بيهم انتِ فاااااهمه غورى من وشى روحى حميهم ولبسيهم

ام شريف: جدع وريها العين الحمرا انا عارفه شايفه نفسها على ايه انتَ تمشى من هنا وهى تجرى على التليفون ترغى مع امها دو دو دو انا عارفه بتقولها ايه

شريف: شكلها مدلعه بس على مين انا هربيها من اول وجديد شكل جوزها الاولانى مقدرش يستحمل دلعها ، انتِ يا نورهاااان الزفت حضرى السُفره علشان اتغدااا

" بعد شهرين"

نورهان كانت سرحانه وبتفكر: انا ايه اللى وصلنى لحالتى دى ،انا بنتى وحشتنى اوى،معقوله مش هشوفها تانى وهتنسانى مهند كان حنين وبيهتم بيا احسن من شريف بمليون مره بس انا اللى استاهل ده عقاب ربنا يارب صبرنى على اللى انا فيه

شريف: انتِ يا زفته مش بنادى عليكِ ايه اطرشتى

نورهان: والله ما سمعتك عاوز ايه

شريف: اى الق*ف اللى انتِ لبساه ده وخلقتك دى ماتحطى مكياج وتلبسى حلو وتهتمى بنفسك ده شكل ست

نورهان: عندك حق بس ده لما اكون مراتك مش الخدامه اللى جايبها لامك وعيالك..اااااااه هى حصلت تض*بنى بالقلم

شريف: وا**ر رقابتك كمان انتِ شايفه نفسك على ايه بس انا اللى غلطان ان اتجوزتك على رأى المثل لو كان فيه خير ماكنش رماه الطير ،

نورهان ببكاء: احنا فيها طلقنى وارتاح وريحنى انا ق*فت وزهقت خلاص مش قادره استحمل العيشه دى

شريف: لا يهانم مش انا اللى واحده زيك تسبنى هتفضلى هنا غصب عنك غورى من وشى شوفى امى محتاجه ايه ولا قسماً عظماً انزل الحزام على جسمك غووووورى

" نورهان شعرت بالقهر والذل لدرجه انها فكرت بالانتحار بس تراجعت فى اخر لحظه واستغفرت لربنا مش معقول بعد ده كله تموت منتحره وتكون اخرتها جهنم يبقى ولا دنيا ولا اخره واستغربت من تصرف امها للدرجه دى امها مش حاسه بمعاناتها وقهرها وذل جوزها ليها وليه اختلف رأى امها مش هى اللى كانت مقوياها على مهند وكانت بتنصحنى انى لازم اكون ليا شخصيه قويه وما أسمحش ليه انه يسيطر عليا ويفرض رأيه ايه اللى حصل وخلاها ترضى بذلى وأهانتى بالشكل ده...... ياترى ده ذنب مهند ولا ذنب بنتى اللى تخليت عنها....

-------------يتبع

Elbanota gege…..

تتصوروا يا جماعه صِعبت عليا نورهان امها ورطتها وخلعت