جواز بدل

جواز بدل٣

"جواز بدل٣"

&بعد مرور ٥ شهور.

مهند:? اسمعى الاغنيه دى كل كلماتها ليكِ انتِ

" حلوة الدنيا بيك، حبيبى سيبنى اتملى فيك -واعيش عمرى الجااااى ليك، مكانى جمبك فى الحياة- بحلم من سنيين، واقول نصى التانى فين- ودلوقتى عرفت مين هسيب نفسي تروح معاك، بقالى زمااااان بقول هلقاااك- حلمت كتيير وأدينى معاك،عارف يعنى ايه تلاقى حب حلمت بيه، بقى فى حضنك ومداريه- ده احساسه مايتحكيش، ياااه شوف النصيب، ده كان ليه ترتيب غريب- جمع بنا ومش هغيب، ولا لغيرك يوم هعيش- بقالى زمااان بقول هلقااك، حلمت كتيير وادينى معاك.

نورهان:? الله يا مهند صوتك حلو اوى

مهند: صوتى بس اللى حلو?

نورهان:☺?بس بقا يا مهند الله ..

مهند: بقولك ايه يا نورى عملتى ايه امبارح والنهارده قضيتى يومك ازاى

نورهان: امبارح روحت عند تيته وكان جو عائلى يهبل مع ولاد خالاتى ...

يقاطعها مهند ويقولها ننننعم يا روح طنط روحتى فين..?? انتِ استأذنتى منى قبل ماتروحى وكمان قاعتى مع ولاد خالتك نهااار ابوكى اسود من قرن الخروووب

نوهان: فى ايه يا مهند ما براحه كده وفيها ايه لما اروح لتيته، وولاد خالتى انا وهما متربين مع بعض اكنهم اخواتى بالظبط

مهند: فيه انى خطيبك يا هانم والمفروض تقوليلى رايحه فين. انا مش كيس جوافة اما بالنسبه لولاد خالتك بقا فا ميصحش يا هانم تسهرى معاهم ترضى انتِ اسهر مع بنات خالتى وأهزر معاهم مش هتزعلى

نورهان: خلاص يا مهند ماتزعلش منى مش هكررها تانى فك بقا هنقلب المكالمه غم ولا ايه

مهند: خلاص عندك حق بقولك ايه بحبك بأذن الله كمان اسبوع كده وهاجى اشوفك ياقمر اصلك وحشتينى اوى

نورهان:بجد وانتَ كمان وحشتنى اوى اوى انتَ مش عارف انا اشتقتلك قد ايه? ههههه اوعى تكون عملتى سحر يا هووده

مهند: ?? يخرب بيت جمال كلام اهلك امال مش بتقوليلى ليه الكلام ده وانا عندكم فالحه بس تقولهولى على التليفون

نورهان: اصل لما تكون قدامى بتلبخ ومش بعرف اتكلم بس بتكون واحشنى والله

ام مهند: يا بت يا مريم انتِ مش بتكلمى خطيبك ليه اتصل كذا مره وبيقول مش بتردى عليه فيه ايه يا مقصوفه الرقبه

مريم: يوووه يا ماما بصراحه كده مش بعرف اتكلم معاه مش واخده عليه وهو مش مساعدنى ممكن تقوليلى جه كام مره من ساعه ماخطبنى ٣ مرات فى ٥شهور وكل مره فيهم بيقضى يومين بالعدد اما مهند اخويا تقريبا بيسافر عندهم كل اسبوعين لدرجه انهم بقوا اكنهم اتنين متجوزين مش مخطوبين

ام مهند: يا هبله الواد خاام ومؤدب مش زى اخوكى لافف وداير وواكل دماغ خطيبته المفروض تفرحى ان خطيبك مالوش خبره فى البنات

مريم: يعنى اتلم المتعووس على خايب الرجاا ،ما انا برضوا خاام ومبعرفش اتكلم زى باقى البنات وبت**ف جداً ومابعرفش ارد على كلامه اعمل ايه يعنى??

ام مهند: بقولك ايه كل لما يقولك كلام حلو قوليله وانا كمان صعبه دى روحى بقا اتصلى بيه واعتزرى ليه وقوليله كنتى نايمه وماسمعتيش التليفون

مريم: الوو احممم ازيك يا عمرو

عمرو: مش معقول اخيراً سمعت صوتك ده انا كنت قربت انساه من قله مابسمعه بس تعرفى وحشتينى اوى هو انا ماوحشتكيش

مريم: ااايه اه وانا كمان

عمرو: وانتِ كمان ايه

???مريم:

عمرو: مريم مريم انتِ معايا روحتى فين

مريم: اااه معاك احممم وانتَ عامل ايه كويس

عمرو: الحمدلله يا مريم كويس عملتى ايه فى الكليه النهارده

مريم: الحمدلله هعمل ايه يعنى زى كل يوم مافيش جديد

عمرو: امممم طيب مش عاوزه تعرفى قضيت يومى ازاى

مريم: اكيد فى الشغل وبتروح تنام لتانى يوم هو انتَ فاضى يومك كله شغل وبس

عمرو: قصدك ايه يا مريم

مريم: مش قصدى حاجه بس انتَ امتى اخر مره جيت شف*نى ولا هو كلام وبس تقضيت واجب

عمرو: انتِ شايفه انى بتكلم معاكى تقضيت واجب يامريم انا بدأت احس انك مغصوبه على الخطوبه دى??

مريم: انا مش عارفه اتفاهم معاك ياعمرو انتَ مش عارف تقرب منى وتفهمنى

عمرو: انا يا مريم ده كل لما اكلمك تردى على كلامى بالقطاره زى مايكون مش عاوزه تسمعى صوتى هو انا تقيل على قلبك كده

مريم: برضوا مش فاهمنى ااانا مش بعرف اتكلم افهم بقااا حاول تستحملنى وتقرب منى اكتر من كده عاوزه اخد عليك علشان اعرف اتكلم معاك لكن انتَ على طول مشغول فى شغلك ومعندكش وقت تيجى عندى اعمل ايه يعنى ارحمنى بقا يا اخى سلاااام يا عمرو

عمرو: !!!!!!!!!!!!!!

" عمرو حس بانه مش قادر يفهم مريم وفى نفس الوقت مش قادر يقرب منها لانها ببساطه بتصده ومش سامحه ليه انه يقرب منها خايف ليكون السبب انها مغصوبه عليه او فى حد تانى فى حياتها بس رجع واستبعد فكره ان فى حياتها حد تانى لان ببساطه شكلها خام اوى ..."

مهند: ازيك يا عمرو وحشنى يا بن الايه عاش من سمع صوتك

عمرو: وانتَ والله يا مهند اخبارك ايه مع نورهان

مهند: دى احلى هديه هدتنى بيها يا بروو يومى ما بيكملش الا لما اسمع صوتها امتى تخلص السنه دى وتتخرج واتجوزها

عمرو: يا بختك ياعم ربنا يهنيكوا امال انا بختى مايل لييييه

مهند: فى ايه يامعلم انتَ زعلان مع مريم ولا ايه

عمرو: ياريت نتخانق مع بعض على الاقل يكون بينا حوار اختك يا ابنى من غير مقدمات قفل عارف يعنى ايه قفل ده لو كنت بكلم واحد صاحبى هيكون احسن من كده

مهند: معلش يا عمرو اختى فعلا من كتر ما احنا خايفين عليها بقت منطويه وقليله الكلام ومش بتعرف تعبر عن نفسها انتَ هتتعب شويه معاها بس لو مش عاوز تكمل معاها مش هزعل والله دى حياتك

عمرو: انتَ بتقول ايه مش عاوز اكمل معاها ازاى يعنى حد لاقى بنت محترمه بشكل ده ويسبها انا بشكيلك علشان تساعدنى اقرب منها مش علشان تقولى اسيبها

مهند: بص يا معلم اختى بتت**ف اوى فصعب تلاقى استجابه منها فحاول تكلمها فى موضوعات عامه بحيث تفتح معاها كلام وواحده واحده هتقربوا من بعض فاهمنى ولا ايه

عمرو: اوك فهمت بس انا عارف انى مقصر فى السفر ليكم وده باعدها عنى بس والله مضغوط فى الشركه ومفيش غيرى مترجم فى الوقت الحالى عاوزك تفهمها الكلام ده

مهند: اوك يا صاحبى بس عِد الجمايل وظبطنى لما اجيلكم اصل نورى وحشتنى اوى

عمرو: ما تتلم ياض اعدل كده بدل ما اعدلك

"مريم بتكلم صاحبتها سمر: يا سمر انا عاوزه افشكل الخطوبه دى انا تعبت كلهم بيضغطوا عليه ومحدش فاهمنى

سمر: اوعى يا مريم انتِ كده هتأذى اخوكى

مريم: ازاى يعنى!!!!!!

------------يتبع

Elbanota gege

ايه رايكم اكمل ولا لا لو عاوزنى اكمل كتروا لايكات واكتبولى تعليقات جميله زيكم