جواز بدل ٤

1838 Words

"جواز بدل"٤ سمر صديقة مريم: انتِ عارفه لو فاشكلتى خطوبتك ايه هيحصل،اهل خطيبه اخوكى هياخدوا موقف من اهلك وممكن يفشكلوا جوازه اخوكى وياعينى هتحطمى قلبه مش انتِ قولتيلى انه بيحبها وهتكونى انتِ السبب فى تعاسته وهيحملوكى ذنبه مريم:انا مافكرتش كده بس انا ذنبى ايه فى ده كله هو مش من حقى اعترض على حاجه دى حياتى انا سمر: معلش يا مريم حاولى تقربى من عمرو هو مش وحش ده شاب تتمناه اى بنت انا مش عارفه انتِ معترضه عليه لييييه مريم: يا جدعاااان انا مش معترضه عليه انا مش عاوزه اتجوز هو بالعافيه انا خايفه من الجواز ومن سفرى محافظه تانيه هكون بعييد عن الكل مع واحد مش قادرره افهمه ساعات بحس انى مرتاحه وانا بكلمه وساعات بحس انه رخم وغتييت وساعات بحس انى مجرد حاجه حجزها لغايه لما يفضى ويكون عنده وقت ليها تتصورى اخويا كل حاجه بيعملها فى شقته بياخد راى نورهان خطيبته وبيسافرلها مخصوص علشان تشوف كتالوج العفش علشان تنقى الت**يم اللى يعجبها اما انا فيا حسرة عليه ماليش حق اعرف حاجه او بمعنى اصح مش بياخد رأيى فى اى حاجه بحجه انه مش فاضى يجى يورينى اى حاجه انا حاسه انى الحيطه المايله فى الجوازه دى سمر: انتِ اللى عملتى فى نفسك كده يا مريم ممكن تقوليلى اخر مره كلمتيه كان امتى بلاش كده انتِ قولتيله الكلام اللى قولتيهولى دلوقتى اكيد لا مريم: بتحرج يا مريم مش بعرف اكلمه بحس ان نفسى مكتوم من كتر ال**وف ببقا عاوزه اخلص كلام معاه بسرعه عارفه احساس شبه انك ماشيه فى طريق ضلمه لوحدك وحاسه ان حد ماشى وراكى سمر: يا نهااار مالوش الوان ده انتِ حاله غريبه فعلا فى واحده داخله على اكتر من نص سنه مخطوبه وبتحس بكده مع خطيبها مريم: عارفه يا سمر انا كان نفسي يبقى خطيبى عايش فى نفس المحافظه اللى عايشه فيها ويجى يزورنى كل يومين ونخرج سوا حتى لو كان معانا اهلنا كلنا واحس معاه بالامان وافرح لما اشوفه واكون فى منتهى السعاده لما اكلمه واسمع صوته ويكون اول حد اتكلم معاه فى اللى بيدايقنى واحس معاه بحنيته عليه بس للاسف مش حاسه بولا حاجه من دى مع عمرو ولا هو بيعمل ده?? انا حاسه انى تعيسه اوى. مهند: مريم يا مريومه انتِ فين تعالى عاوزك فى حاجه مهمه مريم: ايه يا بنى كل ده صوووت عاوز ايه تعرف لو قولتلى اعمليلى اكل ولا اغسليلى حاجه هنط فى كرشك ده انا تعبانه طلبات البيت كله عليه ااااه يا عضمك يا لوووزه يا صغيره على الهم بدرى يالووزه مهند: بااااااس انتِ هتعددى على عمرك يا جزمه انتِ ثم انا مش عاوز من خلقتك اى حاجه مريم: امال سارعنى ليه عماله تنادى عليه عاوز ايه خلصنى المسلسل التركى هيبدأ بالله عليك انجز بسرعه قبل ما يبدء مهند: مسلسل تركى اهه ده اللى فالحه فيه اللى يشوفك وانتِ بتتف*جى على المسلسل يقول البت رومانسيه اوى جتك ستين نيله مريم: قصدك ايه يااض ده انا الرومانسيه بترتش منى لدرجه انها غرقت الدنيا مهند: على يددددى يا بت ارحمى الواد حرااااام عليكى الواد بقا عنده حرمان عاطفى متزعليش بقا لما يعوض الحرمان ده مع المزز اللى فى الشغل عنده اصل انتِ متعرفيش حاجه خطيبك مترجم فى شركه عارفه يعنى ايه يعنى بيتعامل مع عميلات اجنبيات يحلوووو من على حبل المشنقه اسألينى انا يا بخته مريم : طيب وانا مالى ما يكلم اللى عاوز يكلمها يخصنى ايه مهند: يخرب بيت برودك يا شيخه للدرجه دى مش فارق معاكى اتلحلحى يا شيخه بدل ما يطير منك مريم: انتَ سامع نفسك فى أخ يا عالم يقول كده لاخته مهند: اعمل ايه مهو انتِ مش معقوله تكونى بنت زى كل البنات انتِ مش بتشوفى البنات هتقطع نفسها على خطيبها انتِ طينتك ايه جِبله مريم: لو سمحت يا مهند ماتغلطش فيه انا حرة يا أخى لو مش عاجبه وبيشتكى منى يفسخ الخطوبه ويا دار ما دخلك شر مهند: تتصورى صِعب عليا اوى لدرجه انى قولتله انى مش هزعل لو فسخ الخطوبه عارفه رده كان ايه " انه مش هيلاقى واحده فى أدبك واخلاقك" مريم: بجد هو قالك كده مهند: هكدب عليكى يعنى يا بت ده انا اخوكى واتمنالك السعاده من كل قلبى "بعد اسبوع" # عمرو قرر انه هيسافر علشان يشوف مريم اصلها وحشته اوى وكان محتار يشترى ايه هديه فقال احسن حاجه يسأل اخته اكيد بنت زيها ويفهموا ذوق بعض# نورهان: والله يا عمرو انتَ زهقتنى كل لما اقول على هديه تقولى لا فكرى فى غيرها حيرتنى انتَ فى حاجه فى دماغك طيب عمرو: لا بس عاوز هديه شيك جدا وتملى العين عاوزها تفرح اوى لما تشوفها نورهان،: اممممممم ايه رأيك بعلبه مكياج كبيره ولا فستان عمرو: حلوه اوى فكره الفستان دى وعاوز معاه طرحه شيك تليق عليه من الاخر كده عاوز فستان بجميع مستلزماته بس عاوزه شيك جدا انتِ اكيد تعرفى مقاسها مش كده نورهان: طبعا تقريبا نفس مقاسى متقلقش هظبطك مهند: يا مريومه الحقى ده عمرو راكب القطار وجاى فى الطريق تقريبا فاضل ساعه ويوصل مريم: انتَ بتتكلم بجد امال مقالش ليه انه جاى مهند: شكله كده كان عاوز يعمل مفاجأه لمزته?? " بعد مرور ساعه كانت مريم لابسه فستان تركواز يهبل وطرحه اوف وايت وحاطه مكياج خفيف جداً لانها قمر ومش محتاجه حاجه" عمرو: ازيك يا مريومه وحشتينى اوى" لاحظ عمرو انها م**وفه جدا لدرجه ان وشها بقى شبه الطماطم" فحب يلطف الجو انا جبتلك هديه يارب تعجبك افتحى الصندوق ده وقوليلى رأيك مريم:?? الله جميل اوى الفستان ده تحفه تسلم ايدك انتَ اللى نقتها علشانى عمرو: بصراحه لا اختى نورهان هى اللى نقت الفستان ده وحتى الا**سورات ومستلزماته كله كان زوقها هى مريم : ااااه قولتلى ده زوق نورهان يعنى مش انتَ اللى نقيته ليا على العموم شكراً ليك ولنورهان ابقى اشكرها نيابه عنى على تعبها?? عمرو: مالك يا مريم انتِ زعلانه من حاجه انا قولت حاجه زعلتك مريم: لا ابدا ??وانا هزعل من ايه عمرو: ان شاء الله ربنا مايجبش زعل ،انتِ عارفه طول الطريق وانا بفكر فيكِ وحشانى اوى انا عارف انك زعلانه منى من قله زيارتى بس والله مضغوط من الشغل طيب عارفه النجار خلص كل عفش شقتنا و و مريم قطعت باقى كلامه: نننعم خلص العفش هو انتَ اصلا اخدت رأيى فى اى ت**يم وشقتنا ايه اللى بتتكلم عنها اللى انا اصلا معرفش عنها حاجه?? عمرو: فى ايه يا مريم مالك اتعصبتى كده ليه ثم انتِ مطلبتيش منى انك تشوفى اى ت**يم مريم: مش لازم اطلب المفروض الجواز مشاركه ده من ابسط حقوقى اعرف شكل العفش اللى هيتفرش المفروض انتَ من نفسك تاخد رأيى هو انا ايه لعبه بعد ما تختار اللى انت عاوزه تحطنى وسطها اكنى د*كور ماليش لازمه عمرو: أهدى يا مريم الموضوع ما يستحقش كل العصبيه دى وانتِ مش لعبه انتِ نصى التانى وانا كنت مش عاوز اشغلك عن دراستك متزعليش منى انا اسف والله ماكنتش اعرف انك هتزعلى كده مش انا قولتلك انى معنديش خبره استحملينى بقا مريم: خلاص يا عمرو انا اسفه انى اتنرفزت عليك بس اعمل حسابك انى عصبيه جدا انا كان نفسي انقى كل حاجه فى شقتى على ذوقى مش يتفرض عليه " وبصوت يكاد يكون مسموع" زى كل حاجه فى حياتى عمرو: بقولك ايه يا مريم انا عاوز اشوفك فى الفستان ده دلوقتى ويلا نخرج نتعشا برا ونروح سينما مريم: نخرج بس بابا مش هيرضى نخرج سوا عمرو: متقلقيش مهند هيخرج معانا انا متفق معاه يلا بسرعه انجزى مريم: الله فيلم عوكل ده تحفه ولا جدته اطاطا موتتنى من الضحك عمرو: يعنى انبسطى عجبك الفيلم مريم: اووووى يا عمورى عمرو: انتِ قولتى ايه عيدى الكلام تانى كده ?? مريم: اااايه انا مقولتش حاجه غير ان الفيلم عجبنى عمرو: اول مره تقوليلى عمورى مريم: لو زعلت انى قولت كده خلاص مش هقول تانى عمرو: انتِ ع**طه ده انا هموووت من الفرحه قوليها تانى كده عاوز اسمعها منك مريم ب**وف: عموررى?☺: مهند: معلش اتاخرت عليكم كنت بعمل مكالمه مهمه تبع الشغل عمرو بصوت هامس: ??هادم اللذات ومفرق ا****عات ده انا ماصدقت الدنيا بدأت تضحكلى وربنا لاغتت على اهلك لما تيجى عندنا مهند: مالك يا عمرو بتجز على سنانك ليه انتَ هتكلنى ولا ايه ( بصوت اللمبى) مريم: مالكم يا جماعه مش هتعزمونى على العشا ولا ايه انا جعاانه مهند: دايماً كده همك على بطنك عمرو: وانتَ مَالك، انتِ تؤمرينى يا قمر تحبى تتعشى ايه مريم: كريب واحلى بأيس كريم بالمانجا مهند: بقولكم ايه انا اعرف مطعم تحفه بتاع كريب تعالوا ناكل عنده " مريم لاحظت ان فى بنت عنيها مانزلتش من على عمرو وهما فى المطعم وحست باحساس اول مره تحسه ايوه هو الغيره مريم: انا عاوزه اروح عمرو: لسه بدرى اوى يا مريم خلينا شويه مريم بغيره: انتَ شايف كده مهند: فى ايه يا مريم عاوزه تروحى دلوقتى ليه ده انتِ كنتِ فرحانه ومبسوطه من شويه ليه العكننه دى مريم: قصدك انى وش عكننه مش كده مهند: بدأنا يلا يا فقر نروح معلش يا عمرو الخروجه اتنظرت باين عليها عمرو: لا ابداً المهم راحه مريم احنا طالعين علشانها اصلاً مريم: الوو ازيك يا سمر سمر: ازيك يا سمر!!!?? ايه اللى خلاكى تكلمينى دلوقتى مش عمرو عندكم النهارده مريم: ايوه هو بايت عندنا فى الشقه اللى فوقينا منتى عارفه بيتنا ٤ ادوار ومفصولين عن بعض سمر: مال صوتك ايه اللى مدايقك مريم" حكت لسمر كل حاجه حصلت فى الخروجه" بس يا ستى وحسيت لما شفتها هتاكل عمرو بعنيها انى عاوزه اولع فيها وفيه سمر: ههههههههه??? انتِ غيرانه على عمرو والله ووقعنا ولا حد سمااا علينا مريم: انا غلطانه انى بكلم واحده غتيييته زيك سلااام سمر: استنى بس متبقيش قماصه كده بصى يا ستى الاحساس ده طبيعى جدا ده معناه انك بدأتى تقربى من عمرو وتنجذبى ليه وده حلوووو جداً بس كنتى عاوزه تولعى فيه ليه هو ذنبه ايه اوعى يكون يا بت عينه زايغه مريم: لا هو ما اخدش باله منها اصلاً بس انا قلبت الخروجه **مت انى اروح وشكله زعل منى سمر: انتِ كده اللى غلطانه ماكنش لازم تروحى هو بيجيلك كل فين وفين يعنى هو سايب شغله علشان يقضى معاكى وقت لطيف ويقرب منك تقومى انتِ تعكننى عليه بكره تعدلى نفسك وتعتزرى ليه فاهمه يا بطه مريم: صباح الخير يا عمرو الفطار جاهز عمرو: صباح القشطه بالعسل على عيونك امتى بقاا اصتبح على وشك يا جميل فى بيتنا مريم ب**وف??: بلاش بكش ويلا، اااه صحيح متزعلش منى يا عمرو على تصرفى امبارح مكانش قصدى ارخم عليك بس بجد امبارح كان احلى يوم فى حياتى عمرو: لا مش زعلان المهم عندى سعادتك بس بجد كان احلى يوم فى حياتك مريم: طبعاً يا بنى كفايه اطاطا ههههه عمرو: ممكن اسألك سؤال بس تردى عليه بصراحه ،انتِ كنتى مبسوطه وفجأه فى المطعم اديقتى هو انا قولت حاجه زعلتك منى مريم: احمممم بصراحه كده انا فعلاً اتدايقت بس مش منك من البنت اللى كانت قاعده فى التربيظه اللى جنبنا عمرو: بنت مين دى وادايقتى منها ليه..... مريم: من الاخر كده كانت عنيها عليك كانت هتكلك لدرجه كنت عاوزه اشدها من شعرها عمرو???: مش معقوله انتِ بتغيرى عليه يا مريومه انا بحلم مش كده واكيد لسه مش صحيت مريم: اغير من اااايه بتبصلى كده ليه ماما بتنادى عليه سلااااام " وجريت مريم على مامتها وكان قلبها هيقف من كتر الدق مش عارفه ايه اللى بيحصل اول مره قلبها يدق بالشكل ده عمرو: تسلم ايد*كى يا طنط الفطار جميل ام مهند: الكلام ده تقوله لمريم هى اللى حضرت الفطار?? عمرو: تسلم ايدك يا مريومتى عقبال ما تحضرى الفطار فى شقتنا? مريم ب**وف: هعملكم شاااى "وجريت على المطبخ وفضلت تكلم نفسها ' هو بيبصلى كده ليه ويغمزلى شكله كده قليل الادب وانا اللى افتكر انه مؤدب مهند غشنى خدعنى والله لطلع عينك يا مهند الكلب..... -----*******يتبع Elbanota gege----- انا طولت البارت اهه عاوزه تفاعل حلو كده زيكم شجعونى انى اكمل

Free reading for new users

Scan code to download app

App Store Google Play

Facebookexpand_more