جواز بدل٥

1579 Words

"جواز بدل ٥" عمرو: مهند تعالى عاوزك.... بقولك ايه يابرنس اقف جمب اخوك عاوزين نخرج النهارده لكافى شوب عاوز اتكلم شويه مع مريم بدل ما احنا عاملين زى قضبين قطار مخالف، ظبطنى وكله بتمنه?? مهند: اوك هكلم بابا بس هخرج معاكم مش عندنا هنا واحده تخرج مع خطيبها لوحدها عمرو: هو انا اتكلمت دلوقتى ما تيجى يا عم كان يوم معرفتك ماطلعلوش شمس غتيييت مهند: مريم مريومه جهزى نفسك على ٧ باليل هنخرج انا وانتِ وعمرو بس بقولك ايه اكوي ليا طقم شيك وماما كانت بتنادى عليكى علشان تساعديها فى الطبخ يلا اتلحلحى انتِ هتنحي مريم: لا كتر خيركم ابوس ايد*كم ارحمونى من صباح ربنا وانا واخده الشقه كعب داير من فطار لتجهيز الغداا لتنضيف لغسيل وكمان المفروض اقعد مع خطيبى اللى مش بشوفه الا كل كام شهر ارحموا امى مهند: مهو انتِ عارفه ماما تعبانه وأنتِ البنت الوحيده على أخين ولاد مين اللى هيعمل شغل البيت غيرك انتِ يا قمر مريم: حاااضر حااضر عارف انا هتجوزعلشان بس اترحم من طلباتكم عمرو: لا الواد مهند ذوقه حلو الكافيه تحفه ولا انتِ رأيك ايه عجبك مريم" وكانت هتمووت وتنام وعقلها خلااااص فصل شحن": ااايه كنت بتقول حاجه يا عمرو عمرو: انتِ مش معايا خالص مالك انتِ تعبانه مريم: اااه قصدى لا انا تمام عمرو: طيب تحبى تشربى ايه ولا نستنى مهند لما يخلص المكالمه مريم: نستنى مهند علشان نطلب مع بعض عمرو: اوك زى ماأنتِ عايزه ، أحمممم عارفه يا مريومه أنتِ على طول معايا فى الشغل والبيت وكمان فى احلامى ماتفتكريش ان بُعد الاماكن بيأثر على القلوب بالسلب بالع** ده بيخلينا نشتاق لبعضينا اكتر.....مريم ..مريم انتِ نمتى ولا ايه مريم:?? هاااه لا معاك كمل كمل ده عينى شكل دخل حاجه فيها فكنت مغمضه عمرو:?? اكمل ايه بقى مهند جاى اهه مهند: قطعت حاجه مهمه? عمرو: لا يا خويا يلا علشان نطلب كنا مستنينك هاه يا مريومه تطلبى ايه مريم: يا ريت قهوة دوبل عمرو ومهند: نننعم??قهوة لما انتِ تطلبى قهوة احنا نطلب ايه أيس كريم " بعد مرور ساعه" عمرو بصوت هامس: ماتتنيل يا اخى وتهوينا لازق ليا مش عارف اكلم البت كلمتين منظرى بقى وحش مهند: خلاااص يا زفت شويه كده وقايم من وشك هتف*ج على الماتش جمبيكم هنا " مريم بعد ما شربت القهوة وفاقت وبدأت تصحصح" مريم: بقولك ايه يا عمرو هو انتَ حبيت قبل كده عمرو "تفاجأ من سؤال مريم": يعنى مش بالظبط، مش حب لكن مجرد اعجاب أعجبت ببنت كانت بتاخد معايا درس فيزياء ودخلنا الكليه مع بعض بس العلاقه اللى بينا كانت بحدود من غير ماحد فينا يعبر عن مشاعره وبما انى كنت مش جاهز انى ادخل فى علاقه جديه فانسحبت وهى اتكتب كتابها مريم: يا خساره انتَ ضيعتها من ايدك فى حد يلاقى انه يحس بمشاعر حلوه كده وينسحب عمرو: ?? انتِ مش مضايقه انى كنت بحس بمشاعر لبنت قبلك مريم: تصدقنى لو قولت لا مش زعلانه اصلها فرصه مش بتتعوض مش احسن من جواز الصالونات? عمرو: انا مش عارف انتِ بتفكرى ازاى بس انتِ عندى احلى واجمل بنت شافتها عينى وبشكر ربنا انه حطك فى طريقى ..." وأثناء ما كان عمرو بيكلم مريم مسك ايدها.... مريم: اتنفضت وشدت ايديها بسرعه اكن صاعقه كهربيه لمست ايديها وقالت انتَ اتجننت ازاى تمسك ايدى??انتَ مش محترم ونادى على مهند عاوزه اروح البيت عمرو: ? اتفاجأ من رد فعلها لدرجه انه ماردش عليها ونادى على مهند وكان باين غضبه فى ملامح وجهه مهند: فى ايه مالك فى حد رخم عليكم عمرو: لا مافيش يلا نروح وابقا خلينا نعدى على محطه القطار علشان هحجز تذكره قطار الفجر ورايا شغل مهم مهند: فى ايه يا عمرو انتَ مش شايف وشك عامل ازاى رد عليه ماتسبنيش اكلم نفسي?? عمرو: يوووووه ما تزهقنيش يااخى قولت مافيش مهند: وهو بيسوق العربيه وبيراقب ملامح اخته لاقيها مكشره فعرف انهم اتخانقوا ..... بعد ماروحوا البيت وحجز عمرو تذكره القطار مهند ماحبش يسأل عمرو على حاجه علشان عارف ان عمرو لما يكون مضايق مش بيحب يتكلم مع حد الا لما يهدى اما مريم فدخلت اوضتها وقفلت على نفسها وفضلت تعيط " عمرو كان مش مصدق اللى حصل للدرجه دى مريم مش طايقه انه يلمس ايدها و ازاى تقوله انه مش محترم حس بأنها جرحت كرامته وأهانته وكان بيفكر انه يفشكل الخطوبه دى ...... " عند طلوع الصباح" مهند: مريم تعالى عاوزك مريم: نعم عاوز ايه تانى منى سبونى فى حالى بقاااا وفضلت تعيط مهند??: فى ايه مالك اهدى بتعيطى ليه هو عمرو زعلك فى حاجه هو خلاص سافر الفجر اهدى وقوليلى حصل ايه؟ مريم: وهى عماله تعيط وتشهق من كتر العياط انا مش عاوزه اكمل فى الخطوبه دى مهند: ليييييه انطقى حصل ايه مريم وهى هتموووت من ال**وف بصوت يكاد يكون مسموع : مسك ايدى مهند: بتقولى ايه عالى صوتك مريم وهى بتنظر للارض فى احراج: مسك ايدى مهند: ?? وهو لغايه دلوقتى ماكنش لمس ايدك مريم بصوت عالى: علشان كنت قطعت ايده ده مش محترم وانتَ كدبت عليه وقولتلى انه مؤدب بس انا مسكتش قولتلوا انتَ اتجننت وانك انسان مش محترم علشان يا مهند تعرف ان وراك رجاله مهند: يخرب بيتك يابت انتِ متخلفه يا نهااار اسود وانا اقول الواد كان بيطلع نار من ودانه من كتر الزعل ليه مريم: قصدك ايه كنت عاوز يمسك ايدى ده حرام هو مش جوزى علشان يمسكها مهند: غورررى يا مريم من وشى دلوقتى بدل ما اعلقك على الباب لغايه لما اتصل بعمرو واصلح اللى عملتيه فى الواد منك لله يا شيخه " مريم اتصلت بسمر صاحبتها علشان تقولها اللى حصل " مريم: هو ده اللى حصل يا سمر شفتى قليل الادب على رأى المثل اللى تفتكره موسى يطلع فرعون سمر: انا لغايه دلوقتى عقلى مش لاقط حاجه هو عمل ايه بالظبط اتحرش بيكى مريم: هو يقدر ده انا كنت عملته شاورما هو بس مسك ايدى سمر: مسك ايدك بس??? مريم: ااااه اعيدها تانى ايوه يا ستى قليل الادب اللى مش محترم مسك ايدى سمر: كنتى خلتيه يمسكهااا يا فوزيه، قال ايه وانا بقول ان مسرحيه سك على بناتك مأفوره اتاري انا مصاحبه فوزيه بذات نفسها مريم: انتِ بتقولى ايه يا سمر ده حرام عاوزانى ادخل جهنم سمر: كان ممكن تتصرفى بحكمه يعنى كان مثلا تسحبى ايدك بالراحه وتقوليله ميعملش كده تانى وهو هيفهم لوحده لكن انتِ هزقتيه ولا اكنه واحد من الشارع مريم: عندك حق انا اتسرعت بس اصلى اول مره اتحط فى موقف زى ده قبل كده. طيب قوليلى اعمل ايه سمر: مش انتِ قولتى لمهند اكيد هيتصرف ويطلعك من الموقف ده واللى يقول عليه اخوكى اعمليه مهند: وحشتينى يا نور قلبى من جوه..بحبك بحبك بحبك نورهان: وانا كمان بموووت فيك وحشتينى اوى يا هووده بقالك يومين ماتصلتش بيا انا زعلانه منك مهند: اخس عليا وانا مايرضنيش ازعل القمر طلباتك يا ست الكل اؤمرينى نورهان،: وحشنى صوتك غنيلى اغنيه حلوه مهند: بس كده اسمعى يا نورى "وماله لو ليلة توهنا بعيد، وسيبنا كل الناس أنا يا حبيبي حاسس بحب جديد، ماليني دا الاحساس وانا هنا جنبي أغلى الناس، جنبي احلى الناس حبيبى ليله تعالى ننسى فيها اللى راح تعالى جوا حضنى وارتاح ومالى غيرك ولولا حبك هعيش لمين حبيبى جاية اجمل سنين وكل مادا تحلى الحياه حبيبي المس ايديا عشان اصدق اللى أنا فيه ياما كان نفسى اقابلك بقالى زمان، خلاص وهحلم ليه مانا هنا جنبي أغلى الناس، جنبي احلى الناس حبيبى ليله تعالى ننسى فيها اللى راح تعالى جوا حضنى وارتاح دى ليلة تسوى كل الحياه ومالى غيرك ولولا حبك هعيش لمين حبيبى جاية اجمل سنين وكل مادا تحلى الحياه نورهان: الله الله صوتك تحفه يا هووده بقولك ايه اوعى تغنى لحد غيرى اموتك تغنيلى انا بس فاهم ياروح قلبى مهند: نور علشان خاطر اغلى حد فى حياتك يا شيخه بلاش تتكلمى معايا بالطريقه دى والا والله اروح اخ*فك واتجوزك غصب عن ابوكى واخوكى نورهان: هههههههه خلاص خلاص قلبك ابيض بقولك ايه ياهووده انا عاوزه اخرج مع اصحابى النهارده هنشترى شويه حاجات بليييز وافق علشان خاطرى يا هوووده مهند: على شرط ترجعى الساعه ٩ لو اتأخرتى دقيقه واحده بعديها مش هيحصلك كويس اوك نورهان: ماشى اوعدك مش هتأخر يا هووووده هتوحشنى اوى مهند: يا خرااابى على العسل يا خواتى هتموتينى ناقص عُمر مهند: مريم يحببتى انا كلمت عمرو وفهمته سوء التفاهم اللى حصل وهو فهم بس اتصلى انتِ واعتزرى ليه اوك مريم: واعتزر ليه ان شاء الله مهند: مريم بلاش تعصبينى فى واحده محترمه تقول لخطيبها انه مجنون ومش محترم مريم: خلاص فهمنا اى اوامر تانى مهند: يا مريم انا عارف طريقه تفكيرك وصدقينى انا مبسوط بادبك وخجلك بس مش بالطريقه دى كان ممكن بطريقه احسن من كده فهمانى مريم : فهماك حاضر هتصل بيه بس هو مضايق اوى يعنى ربنا يستر مريم: الوو ازيك يا عمرو انتَ لسه زعلان منى عمرو: الحمدلله يا مريم.. لا مش زعلان ..بس متوقعتش رد فعلك ده للدرجادى يامريم بتعتبرينى غريب عنك مريم: لا الموضوع مش كده اصل اول مره اتحط فى الموقف ده ومعرفتش افرق بس برضوا يا عمرو انتَ عارف طبعا ان حرام تمسك ايدى مش كده وانا اسفه على الطريقه اللى كلمتك بيها متزعلش منى عمرو: خلاص يا مريم مش زعلان وانا اسف برضوا انى مسكت ايدك مش هتتكرر تانى بس انا زعلان منك من حاجه تانيه مريم: انا عملت ايه تانى عمرو: ما بحبش حد يدخل ما بينا حتى لو كان للصلح كنت مستنيكى تكلمينى انتِ مش مهند بعد كده اللى يحصل مابينا يفضل وسطينا مايطلعش برا فاهمه يا مريومه مريم: فاهمه يا عموووورى ☺☺ عمرو: قوليها تانى كده ??? مريم: عمووورى عمرو: مريم انا عاوز اكتب الكتاب مع فرح اخوكى مش هقدر استنا سنه كمان واحنا مخطوبين بس موافقه مريم: كلم بابا الاول لو وافق معنديش مانع يا عمووورى عمرو: اقفلى يا مريم هتصل بابوكى دلوقتى ويا قاتل يا مقتول ادعيلى?? " مريم كانت مبسوطه ان عمرو قدر موقفها وم**فهاش ولا احرجها واحترمت طريقه تفكيره لما قلها انه مش عاوز حد يدخل ما بينهم فى مشاكلهم وانه لازم يحلوها سوا وفرحت اكتر لما لقته متمسك بيها لدرجه انه عاوز يتجوزها بسرعه ...." --------يتبع Elbanota gege…. اكتبولى رايكم ياقمرات لايكاااات بقا????

Free reading for new users

Scan code to download app

App Store Google Play

Facebookexpand_more