جواز بدل

جواز بدل ٦

“ جواز بدل ٦"

سمر: الف مب**ك يا مريم بكرا ان شاء الله كتب كتابك وشبكتك عقبالى يارب ادعيلى يا مريومه

مريم: الله يبارك فيكِ يا سمورتى

سمر: بس فكرة مين دى ان يكون يوم كتب كتابك هو نفس يوم كتب كتاب ودخله اخوكى

مريم: تصدقى ماعرفش محدش اخد رأيى هما اتفقوا مع بعض

سمر: سيبك انتِ فستانك حلو اوى ولا طرحته تجنن طويله اوى لاخر الفستان بس اشمعنى اللون البنى

مريم: بصراحه بحب اللون ده اوى وكمان الفستان تطريزه عالى اوى ومنفوش كده ولا فستان سندريلا

سمر: عندك حق ربنا يتمم على خير ، هما هيوصلوا النهارده مش كده

مريم: هما مين!!!!

سمر: بت مش طالبه غباوه عريسك واخته واهله

مريم: اه هيوصلوا على العصر كده وبقولك ايه عدى عليا على المغرب كده علشان ناخد نورهان تشترى الفستان الفرح وتروح الكوافيره تعمل شويه ماسكات وكده

سمر: اوك بس هى لسه هتشترى الفستان

مريم: ماتقلقيش انا شفت تشكيله حلوه اوى فى محل باربى تحفه على حسب الوصف اللى قالتهولى على الفستان اللى عوزاه يالا بقا سلام دلوقتى ماما بتنادى عليا علشان اكمل طبخ سلام

****&&&&***

انطلقت اصوات الزغاريط والتهانى بعد اتمام كتب الكتاب عمرو على مريم ومهند على نورهان

وعند جلوسهم فى الكوشه اقتربت سمر من مريم وقالت لها يا اروبه انتِ مطقمه مع العريس لابسين بنى

مريم: والله ولا كنت اعرف انه هيلبس بدله بنى مجرد صدفه

عمرو: انتوا بتقولوا ايه نازلين وشوشه من الصبح

سمر: ولا حاجه يا عريس الف مبرووك عقبال الفرح باذن الله

عمرو: الف شكر يا سمر الله يبارك فيكِ وعقبالك

عمرو: الف مب**ك يا مريومه كان نفسي النهارده يكون فرحنا مش كتب كتاب بس

مريم ب**ووف?☺ الله يبارك فيك

عمرو: دلوقتى بقا اقدر امسك ايدك براحتى مش كده وسحب ايد مريم وباسها وغمزلها??

مريم: ????.....

نورهان: ان مش مصدقه ان النهارده فرحنا عدى سنه على خطوبتنا واتخرجت من الكليه فى غمضه عين

مهند: غمضه عين مين ده السنه دى عدت عليا اكنها قرن مش هتصدقى كنت مستنى اليوم ده بفارغ الصبر

" وجه وقت رقص السلو على اغنيه " انا بعشقه" لشهيناز ضياء

مهند: اخيرا بقيتى فى حضنى انتِ متتصوريش كنت مستنى اللحظه دى ازاى بحبك اوى يا نورى.. وقام بتقبيل جبهتها وفجأه شالها ولف بيها وسط تسقيف وتهليل المعازيم والاصحاب

سمر: ???? الله ده اخو مريم طلع رومانسي اوى .. وبعدين انتبهت سمر ان مريم جلست مره اخرى لوحدها بدون عمرو?

سمر: فى ايه يا مريم ايه اللى قعدك لوحدك امال فين عمرو

مريم: ابدا رقصنا شويه بعدين قالى انه هيقعد تحت جمب امه شويه

سمر: ننننعم ياختى جمب امه هى حبكت دلوقتى اوعى يا بت يطلع ابن امه ونازل ياخد الرضعه

مريم: هههه??ضحكتينى ياسمورتى بقولك ايه احسن خليه تحت وتعالى اقعدى جمبى احنا مالناش غير بعض يا اختششى ههههههه

" بعد مرور بعض الوقت ظهر عمرو مره اخرى على الكوشه وقال لمريم معلش يا مريومه اصل انا بتخنق من جو الكوشه ده وعلشان كده قعدت تحت ماتزعليش

مريم: ???انتَ شايف ايه عروسه فى الكوشه لوحدها هيكون منظرى ايه يجنن مش كده

مهند: يلا يا عمرو نبدل العرايس خد اختك وهات اختى وتعالى نرقص سلو شكلنا هيبقا نااار

" وفعلا كل واحد رقص مع اخته بس مريم كانت مبسوطه وهى بترقص مع اخوها اوى...

وانتهى الفرح .. ذهب مهند مع عروسته نورهان لشقته فى نفس بيت اهله بس شقه مستقله عنهم

اما الباقى فذهب فى باقى الشقق فى نفس البيت

مهند: النهارده اسعد يوم فى حياتى مش مصدق اخيراً بقيتى ملكى وشالها ولف بيها وسط ضحك نورهان .....???? وسكتت شهرزاد عن الكلام المباح

ام مهند: ادخلى يا مريومه غيرى لبسك ايه ده واقف ليه يا عمرو يابنى اتفضل انتَ مش غريب بقيت جوز بنتى اقعد هنا لغايه ما اجبلك عصير فريش تحفه

" شويه كده وطلعت مريم لابسه بجامه وطرحه...

ام مهند: ايه ده يا مريم اقلعى الطرحه خلاص عمرو بقا جوزك يعنى حلال يشوف شعرك.. جذبت الطرحه من على رأس مريم....

عمرو: كان اول مره يشوف شعر مريم كان طويل ولونه بنى وناعم.. وفضل متنح شويه لمريم

مريم: عمرو عمرو مالك متنح كده ليه يا نهااار اسود ليكون مات يا ماماااااا

عمرو: انتبه لصراخ مريم ..فى ايه يا مريم بتصرخى ليه

مريم: انتَ كويس كنت عامل زى التمثال ومش بترد عليه

عمرو: بأحراج لا ابدا كنت سرحان شويه بس قوليلى ايه الحلاوة دى ده انتِ طلعتى بطل

مريم:?? اتلم يا عمرو عيب كده ولا والله انادى على ماما انا بقولك اهه

عمرو: لا بقولك ايه انا ممكن اخدك دلوقتى واسافر انتِ بقيتى مراتى ومحدش هيمنعنى

مريم:?? مين يا بابا لااا ده انتَ بقا متعرفش انا مين ابقا اعمل كده وانا اعمل منك شاورما انا واخدا الحزام الاسود فى الكارتيه

عمرو: حيلك حيلك انا كنت بهزر معاكى ،هو انا اتخميت ولا ايه يا جدعااان

وبعد وقت قليل يخرج عمرو للشقه المخصصه له ولاهله

"فى الصباح الباكر"

تنطلق الزغاريط فى شقه مهند ونورهان للتهنئه

ام نورهان: صباحيه مباركه يا حبايبى الف مب**ك

ام مهند: احلى صينيه لفطار العرسان فطير مشلتت انما ايه سخن ملهلب وعسل نحل يستاهل بؤكم

" وبعد الاطمئنان على مهند ونورهان ومباركتهم يتركون العرسان لتجهيز انفسهم للذهاب لرحله الى الغردقه

ويذهب عمرو واهله لمدينتهم مره اخرى دون احداث جديده

سمر: الفرح كان تحفه ولا اخوكى يالهوووى كان قمه فى الرومانسيه ولا انتِ رأيك ايه ..مريم مريم انتِ معايا

مريم: تتصورى انا ما كنتش سعيده كنت حاسه انى كماله للصوره بحيث لو خرجت منها مش هيحسوا بغيابى

سمر: ليه كده يا مريم ده انتِ كنتِ زى القمر وشبكتك تجنن وكلهم كانوا فرحانين بيكِ

مريم: مش معنى انهم فرحانين انى لازم اكون فرحانه اهه سايرتهم علشان اليوم يعدى انا بنفذ اللى هما عاوزينه خايفه لو منفذتش كلامهم يكون عندهم حق واخسر كل حاجه فامضطره امشى على الخطوات اللى هما رسمينها لغايه لما اشوف اخرتها

سمر: انتِ لسه لغايه دلوقتى مش متقبله عمرو!!!

مريم: الموضوع مش عمرو بالضبط انا مش متقبله الموضوع كله على بعض جواز البَدل ده كله مشاكل وهتشوفى فى يوم هتقولى كان عندك حق يا مريم وافتكرى اليوم ده

سمر: سيبيها على الله اللى عاوزه ربنا هيكون توكلى على الله وبأذن الله خير

*******&&&&

بعد مرورشهرين

مهند: مريم يا مريم الحقينى بسرعه اطلعى لشقتى بسرعه...نورهان اغمى عليها ومش عارف اتصرف

مريم: طلعت بسرعه البرق.. فى ايه انتَ عملت ايه فى البت!!!

مهند: والله ما عملتش حاجه دى كانت بتكلمنى ومره واحده اغمى عليها وبطلى رغى وفوقيها معايا

مريم: هات ازازه برفان بسرعه.وفعلا نورهان فاقت

نورهان: ااه حاسه بدوخه شديده

مهند: لبسيها يا مريم لغايه لما اجهز العربيه واخدها للدكتور

........

الدكتور: وهو بيقرأ التحليل مب**ك المدام حامل فى شهر المهم الراحه التامه وبلاش تبذل اى مجهود وخصوصاً فى اول ٣ شهور

مهند: انتَ بتتكلم بجد الله يخليك يا دكتور يا وش السَعد وأخد نورهان وهو فى قمه فرحه وراح لمامته علشان يبشرها بحمل نورهان

ام مهند: ??مب**ك يا حبايبى من النهارده يا نورهان خصوصا اول ٣ شهور ماتعمليش اى مجهود يا حببتى مريم اللى هتخدمكم وتشوف طلباتكم مش كده يا مريومه

مريم: اكيد طبعاً .."وفى تفكيرها" كان لسه بدرى على الهم يا لوووزه...

...........

عمرو: الوو..ازيك يا مريومه واحشتينى اوى نورهان عامله ايه مش هوصيكى عليها يا مريم خلى بالك عليها

مريم: متقلقش هى كويسه واطمن انا شايفه كل طلباتها اى اوامر تانى

عمرو: اوامر تانى !!! فى ايه يا مريم ايه الطريقه دى

مريم:?? فى انى بنى ادمه كل لما حد يشوف خلقتى يسألنى على نورهان ويوصينى عليها طيب وانا ماحدش شايفنى ليه ولا شايف تعبى انتَ متخيل انا ببذل مجهود قد ايه انا مسئولة عن شقتين علشان ماما تعبانه بكل طلباتهم من اكل وشرب وغسيل وتنضيف وفى اخر اليوم مطلوب منى ابتسم ومشتكيش مش كده انا تعبت وانتَ بقالك قد ايه متصلتش بيا ولما تتصل يكون علشان خاطر اختك وانا ايه طز فيا

عمرو: اهدى يا مريم والله ما كان قصدى كده اكيد بتصل علشان وحشتينى وماكنتش اعرف انك مضغوطه كده انا...

" مريم قطعت كلام عمرو وقالت...

مريم: عمرو انا اسفه مش هقدر اكمل معاك.........

عمرو: !!!!!!!

" عمرو كان مندهش من تصرف مريم اكنها كانت مستنيه منه كلمه وتنفجر فيه هو مش كان قاصده المعنى اللى فهمته ده مجرد كلمه عاديه بمعنى انا مطمن على اختى وانتِ معاها ... بس اللى دايقه ان مريم باعته بسهوله لدرجه انها مش عاوزه تكمل معاه وحس بخوف من بعد مريم عنه لانه بدأ يتعلق بيها........ وقرر قرار انه......

---------------- يتبع

" elbanota gege