جواز بدل ١٤

1113 Words

“جواز بدل ١٤" ' فى شقه عمرو' مريم: سمعت باب الشقه بيتفتح وانا فى المطبخ .....عمرو حبيبى عملتلك مكرونه بالبشاميل اللى انتَ بتحبها ...بس مالقتش رد ..خرجت من المطبخ وجدت عمرو يجلس على الكنبه ويميل رأسه امامه ويحيطها بيديه ..جلست مريم بجانبه وقالت.. مالك ياعمرو فيك ايه انتَ تَعبان.. ارتمى عمرو فى احضانها وضمها لص*ره بشده..خافت مريم . وقالت له.. حد حصله حاجه يا عمرو والنبى اتكلم بلاش تخضنى عمرو وهو مازال فى حضنها متقلقيش يا مريم مفيش حاجه انتِ بس وحشتينى مريم : وحشتك!! انتَ مش شايف نفسك طيب انتَ كويس حاسس بوجع متخبيش عليا عمرو: مفيش حاجه يا مريم يمكن تعب الشغل مش اكتر هقوم اغير هدومى واخد دُش سخن لغايه لما تحضرى الاكل تمام يا حبيبتى .......... مريم لاحظت شحوب وجه عمرو وعدم كلامه وهما على سفره الطعام وارادت تغيير مزاجه للافضل بالحديث معه مريم: هاه يا عمرو الاكل عجبك دا انا حطيت التاتش بتاعى وزودت جبنه موتزاريلا انما ايه خليت الصينيه تزغرط ونايمت كريم علشان تاكل بمزاج من غير ازعاج عمرو بيكلم نفسه: مش هقدر على فراقك يا مريم ومش عاوز اوجعك انا مشفتش حد فى حنيت قلبك وطيبتك.. فلاش باك..... ام عمرو: بقولك ايه قولتلك طلقها رفضت بحجه ابنك خلاااص يبقى اتجوز عليها وشوف امك هتنقيلك بنت ماتحلمش بيها عمرو: يا امى اتجوز ليييه انا مرتاح مع مراتى وابنى فى حضنى وبيتى هادى ومفيش مشاكل لييييه اجيب لنفسي وجع القلب ام عمرو: طبعاً ماهو مراتك مبسوطه وسعيده هى واهلها وانا بنتى تعيسه واحنا محروق دمنا انتَ أخ مش فارق معاك وجع اختك وعمال تدلع فى ست الحُسن والجمال مراتك وطز فينا وفى اختك يا خسارة ياعمرو وانا اقول انك هتكون سند لاختك فى الدنيا بس طلعت غلطانه عمرو: يا أمى انا ذنبى ايه اخرب بيتى بأيدى ومريم ذنبها ايه فى كل ده انا مش هقول ان انتِ واختى السبب فى خراب بيتها بس اللى بيشيل قربه مخرومه بتخر على دماغه ليه عاوزها تخر على دماغى انا ادفع ليه فاتوره حد تانى طيب ايه اللى يرضيكى وانا اعمله بس بلاش تخربى بيتى ارجوكى يا امى ام عمرو: أمشى يا عمرو روح بيتك فى حضن مراتك بس خليك فاكر انى مش راضيه عنك انتهى الفلاش باك... مريم: عمرو يا عمرو انتَ سرحان فى ايه بقالى ساعه بكلمك وانتَ مش بترد عمرو: هه ابداً معاكِ بس كنت بفكر فى مشكله فى الشغل مش لاقى ليها حل مريم: ماتشيلش هم ربك هيدبرها اتوكل انت على الله وهو هيحلها من عنده عمرو: ونعم بالله عندك حق انا هسيبها على ربنا "فى شقه مهند" الباب كان بيخبط ففتح مهند الباب ..... المُحضر: ده منزل المدعو مهند محمد محمود مهند: ايوه اؤمر انتَ مين المُحضر: انا مُحضر من المحكمه اتفضل امضى على استلام اعلان جلسه فى المحكمه مهند: اعلان ايه ده ورينى اشوفه كده...الهانم رافعه عليا قضيه تبديد منقولات زوجيه? مهند: الوو ..السلام عليكم ازيك يا عمرو.. ممكن اعرف رافعين عليا قضيه تبديد قايمه ليه مش قولتلكم خدوا اللى انتوا عاوزينه وهدفع ليها كل حقوقها ليه المحاكم عمرو: انا ماليش يد فى كل ده الكلام هيكون مع ابوها وامها مادخلنيش فى حواراتكم كفااايه اللى انا فيه سلااام يا مهند مهند: سلام ياعمرو انا غلطان انى اتصلت اصلا بابا مهند: فى ايه يا مهند يا ابنى مالك مضايق ليه مهند: شوفت يا بابا رافعين عليا قضيه تبديد منقولات زوجيه طيييب والله ما دافع حاجه وورينى المحاكم هتعملهم ايه مش هما اختاروا طريق المحاكم يدينى ويديهم طولت العُمر بقاا المحاكم حبالها طويله.. انا نازل اشوف محامى شاطر بابا مهند: لا حول ولا قوة الا بالله ربنا يهدى يا ابنى اقولك ايه ربنا يدبرها من عنده لوجين: الوو ازيك يا مهند عامل ايه مش بتيجى الشغل ليه انا سألت عنك قالوا انك واخد اجازه اسبوعين فى حاجه ولا ايه انتَ كويس مهند: الحمد لله انا كويس مفيش حاجه لوجين: انتَ هتخبى عنى احنا مش بقينا اصحاب صوتك مش تمام احكيلى مش هتندم مهند بعد تنهيده طويله: اقولك ايه انى طلقت مراتى وانها سابت بنتها اللى عندها ٣سنين وامى المريضه اللى مش هتقدر تراعيها فكان لازم اخد اجازه لغايه لما اتصرف واشوف طريقه لوجين: اخس عليك يا مهند كل ده ومتقولش ليا حاجه كنت اتصلت بيا وانا هاجى عند طنط واشوف طلباتها وهخلى بالى من رودى مهند: مش عاوز اشغلك بمشاكلى كتر خيرك بلاش تتعبى نفسك لوجين: لو مش هشغل نفسى بيك هشغله بمين.. احممم قصدى يعنى مفيش تعب ولا حاجه من بكرا هتلاقينى عند طنط مهند: انا مش عارف اقولك ايه شكراً بجد لوجين: انتَ ع**ط يا بنى هو فى بينا شكر كفايه اشوفك مرتاح سلام بقا ماما بتنادى عليا ام مريم: الوو ازيك ياروح قلبى عامله ايه مع عمرو ..حد من اهله ضايقك يا بنتى .. قولى يا بنتى متخبيش عليا مريم: ههههه ? انا كويسه يا ماما وزى الفل وعمرو ربنا يخليه ليا يارب مش مخلينى عاوزه حاجه بيعاملنى بما يرضى الله واهله كويسين معايا جداً اطمنى انتِ وحشتينى اوى حتى كركر ابنى لو بيتكلم كان قالك وحشتينى يا تيتاااا ام مريم??: هههههه يجازى شيطانك يا بنتى ضحكتينى كريم عامل ايه اكييد تاعبك معلش يا بنتى اول سنه للعيل بتكون صعبه على الام لغايه لما تفهمه ربنا يهدى سِرك يا بنتى وخلى بالك من عمرو ده ابن حلال انا مش عارفه مستحملك على ايه مريم: بقاا كده يا ست ماما هو انتِ امى انا ولا امه هو، بس تعرفى يستاهل يتحب ام مريم: بص البت اختشى مفيش حياء روحى اعملى لجوزك لقمه حلوه والبسى حاجه حلوه اكمن انا عارفاكِ سلام بقا علشان معطلكيش المحامى: متقلقش يا أستاذ مهند مادام المنقولات الزوجيه موجوده عند حضرتك يبقا مفيش اى مشكله كله تمام مهند: طمنتنى شكراً اوى وانا من بكرا هعمل لحضرتك توكيل فى الشهر العقارى علشان تباشر القضيه نورهان: تفتكرى يا ماما رد فعل مهند ايه لما رفعنا عليه قضيه ام نورهان: ههيههيههي اكيد دمه محروق ولسه هى قضيه واحده بس دا انا رفعت عليه كذا قضيه بس يورينى هيستحمل ازاى اما خليته يقولى ذنبى برقبتى ما بقاش انا خيريه شريف " صاحب عمرو" : مالك يا عمرو على طول سرحان وعنيك فيها حزن حصل حاجه فضفض معايا انا صاحبك سرك فى امان معايا ماتشيلش فى قلبك هتتعب يا صاحبى عمرو: انا تعبان اوى يا شريف وفعلا نفسي افضفض انا محتار مابين اتنين امى ومراتى شريف: بمقاطعه لكلام عمرو مشكله مش جديده حاول توفق مابينهم انا بسمع عن المشاكل مابين الحمااا والزوجه... والزوج ياعينى هو اللى بيعانى عمرو: ياريت كان الموضوع كدا لكن مش هو ده السبب بالع** مراتى بتعامل اهلى بما يرضى الله اكنهم اهلها هى المشكله فى جواز البدل اختى متجوزه صاحبى وانا متجوز اخته والحياه مابينى ومابين زوجتى الحمدلله زى الفل لكن ع** ده تماماً الحياة مابين اختى وصاحبى للدرجه انه وصل بيهم الامر للطلاق وطبعا امى بتزن عليا علشان اطلق انا التانى او اتجوز عليها واقهرها على اساس ازاى اهنى مراتى واختى حزينه ومطلقه -----------يتبع ...(Elbanota gege…… ياترى علاقه مهند بلوجين هتوصل لحد فين؟ وهل عمرو هيفضل مخلص لمريم ولا هيختار اهله؟ وهل نورهان وامها هينجحوا فى انتقامهم ولا لا..... .....تبعونى??

Free reading for new users

Scan code to download app

App Store Google Play

Facebookexpand_more