جواز بدل ١٣

1112 Words

“ جواز بدل ١٣" مهند: نورهان انتِ طالق نورهان: انتَ اتجننت انا عملت ايه علشان تطلقنى مهند بسخريه:???? عملتى ايه ههه ابدا ولا حاجه انتِ بس ق*فتينى سودتى حياتى كرهتينى فى نفسي جبتيلى المرض نورهان:? ياااه والله انا عملت كده وانتَ بقا الملاك البرئ اللى مولع ليا صوابعك العشره شمع انتَ خلتنى اكنى كرسي فى البيت ماليش اى لازمه ممكن تقولى امتى اخر مره جبتلى هديه او عملتلى مفاجأه كل اهتمامك بشغلك وبس اليوم كله فى الشغل وانا اتحرق لوحدى مش لاقيه حد اكلمه افضفض معاه مهند:?? ماهو من عمايلك ازاى عاوزانى اهتم بيكِ وانتِ هملانى ازاى عاوزانى افرحك واعملك مفاجأه وانتِ معكننه عليا عشتى ازاى عاوزانى افضفض معاكى واحكيلك مشاكلى وانتِ اسرار البيت الناس برا عرفينها ازاى عاوزانى اعقد معاكى فى البيت وانتِ على طول ضاربه بووز انتِ اصلا كل لما تشوفينى بتحسسينى اكنى بنك طلبات طلبات مش بتخلص هات هات يا ستى ارحمينى انا مابقتش قادر اعيش معاكِ زهقت نورهان: انا اللى زهقت ماما عندها حق شكل الست الوالده بركاتها واصله وخلتك تطلقنى مش كده مهند بعصبيه وصوت عالى:???? اخررررررسى ماسمعش صوتك لولا انك ست واخت صاحبى انا كنت قطعت ل**نك اوعى اسمع سيرة امى على ل**نك انتِ فاهمه امى دى هى اللى كانت مصبرانى عليكِ والا كنت طلقتك من زمان اوى انا هتصل باخوكى يجى ياخدك وورقه طلاقك هتوصلك هناك " وفعلا اتصل مهند بعمرو واخبره بامر الطلاق وانه لابد من مجيئه لاخذ اخته والسفر بها وبعد عدة ساعات حضر عمرو بيت مهند.... وقال عمرو: ?انتَ ازاى تطلق اختى عملت ايه علشان تطلقها انطق اتكلم ساكت ليه مهند: اولا وطي صوتك العالى ده اما عملت ايه فأظن انى حذرتها وحذرتك ان لو اتكرر ودخلت امك فى حياتنا وطلعت اسرار بيتها برا تانى ماتلزمنيش حصل ولا لا عمرو: حصل وهى فهمت غلطها وقفلنا على الموضوع ده ايه الجديد مهند بسخريه: هه فهمت غلطها يا استاذ انا سامع اختك بنفسي وهى بتكلم امك وبتحكيلها على ادق تفاصيل حياتنا اختك مش هتتغير وامك مش هتسبنا نعيش حياتنا خلاااص فاض بيا مابقتش عاوزها عمرو: فى الف حل لمشاكلكم كل بيت وفيه مشاكل مش معنى كده اننا نلجأ للطلاق ثم كفايه انانيه بقا انتَ ناسى اننا جواز بدل وده هيأثر عليا انا واختك والعيلتين هتشيل من بعض غير بنتك ذنبها ايه تتمرمط بينكوا مهند:?? انا فاهمك كويس اوى انتَ فاكر انك بتهددنى بأختى لو عاوز تطلقها بالسلامه اختى تيجى معززه مكرمه انتَ فاكر انك بتلوى دراعى ولعلمك تعدى بس فتره عدتها واجوزها اللى احسن منك اختى اصيله عمرها ماطلعت اسرار بيتها برا ولا اشتكت وانتَ ماتنكرش انك عمرك ما اشتكيت منها و عمرها ما عاملت اهلك وحش عمرو: ?انا عاوز افهم انتَ دخلت اختك فى الموضوع ليه ومين قالك انى هطلقها انا بتكلم على العيلتين والمشاكل اللى هتكون بينهم من ورا تهورك نورهان: يلااا يا عمرو انا حضرت شنطتى وعلى فكره يا مهند خد بنتك ورينى هتربيها لوحدك ازاى انا مش هخدها معايا مهند بسخريه: والله كل مره بتثبتى قد ايه كنت اعمى لما حبيت وحده زيك معندهاش احساس ولا رحمه عمرو: انتِ واثقه من قرارك يا نورهان هتسيبى بنتك نورهان: ايوه انتَ عاوزنى اخدها ويخلاله الجو وينبسط ده بعده يلا يا عمرو " فى القطار" عمرو: ليه بس كدا يا نورهان ليه تخربى بيتك وبنتك ازاى قدرتى تسيبيها قلبك مش هيوجعك عليها وهى مش فى حضنك ليه تدخلى ماما تانى مابينكم مش كنا خلاص فهمنا غلطنا ليه تعيديه تانى... نورهان: انت مش فاهم حاجه طول ما بنتى معاه مفيش واحده هتعبره مين هترضى تتجوز واحد مطلق ومعاه بنت غير مامته المريضه اللى عاوز واحده تخدمها انا اتصرفت صح .... بس انت مش شايف انك متحامل عليا اوى ولا انت خايف على زعل مراتك وصاحبك وطز فيا انا اختك احق منهم انك تكون جانبى مش ضدى عمرو: انتِ شايفه كدا انى قلبى مش عليكى وانى مش خايف عليكى عارفه يا نورهان احسن حاجه انى ما أردش عليكى ربنا يهد*كى يا نورهان ...... ....... عمرو:? انا تعباااان اوى يا مريم حاسس انى فى حرب ماليش علاقه بيها انا بدفع تمن مشاكل ناس تانيه مريم: طيب وانا اعمل ايه على الاقل انتَ جمب اهلك وسط ناسك واصحابك لكن انا لوحدى لا اهلى جمبى ولا ليا اصحاب هنا اقدر افك عن نفسى شويه معاهم اكنى وسط صحراء جرداء انا وحيده يا عمرو?? عمرو: هششش متعيطيش انا كل دووول انا اهلك واصحابك وجوزك حبيبك ابو كريم ولا ايه بصى اعتبرى اننا مسافرين الخليج ولو عاوزه تزورى اهلك فى اى وقت هسفرك مش هحرمك منهم مريم: بجد هتسافر معايا عمرو: لا هحجزلك واخواتك يستنوكى بس مش هقدر اسافر هناك عندهم انتِ عارفه الوضع حساس علشان اختى ام نورهان: ?والله والله لهجرجره فى المحاكم ان ما حبسته فاكر نفسه مين علشان يطلق بنتى عارفه لو اخوكى دكر كان رمى اخته زى ما عمل مع اخته بس هنقول ايه اخته راكبه ومدلدله واخوكى زى الاهبل ماشى وراها من النهارده محدش فينا هيهوب ناحيه بيت اخوكى ما دام مراته قاعده فيها اكيد هى وامها اللى اقنعوه يطلقك وعامله نفسها غلبانه قدام اخوكى بس على مين انا وراها والزمن طويل بس تعرفى طلعتى جدعه وسيبتيله بنته خاليه يتمرمط بيها ويعرف قيمتك هو احنا هنسرف على بنته ونربيها وهو يفرح ويتهنى من بكرا هتصل بالمحامى يتخذ اجرءاته هبيعه اللى وراه واللى قدامه هو فاكر بنات الناس لعبه ام مهند:? يا نهااار مش فايت طلقتها يا مهند ارتحت كده خربت بيتك وكمان بنتك الغلبانه دى اللى اتحرمت من امها ذنبها ايه دى عندها ٣ سنين محتاجه امها ازاى جالك قلب تاخدها من امها مهند: اولا مش انا اللى اخدتها امها اللى سابتها انتِ فاكره ان امها عندها قلب ولا بتحس دى جِبله ثم انا حذرتها بدل المره ميه انها مادخلش امها بينا ولا تطلع اسرارنا برا وبرضوا ما سمعتش الكلام انا كده برأت ذمتى ام مهند: يا بنى كنت عاقبها اى عقاب يريحك لكن مش تطلقها خراب البيوت مش بالساهل واختك اللى عايشه وسطيهم تفتكر هيتعاملوا معاها ازاى مفكرتش فى اختك يا مهند مهند: قسماً عظماً لو حد لمس شعرايا منها ولا كلمها لهطربق الدنيا على دماغهم بس يعملوا حاجه ليها وهخليهم يشوفوا الجحيم بعنيهم "الباب كان بيخبط فى بيت اهل نورهان..... بابا نورهان: حااضر يالى بتخبط هو متسربع على ايه .. السلام عليكم افندم اى خدمه المُحضر: ده منزل المدعوه نورهان عبد الحميد بابا نورهان: ايوه حضرتك مين وعاوزها ليه المُحضر: انا مُحضر من المحكمه اتفضل امضى بالاستلام بابا نورهان: امضى على ايه واستلم ايه فهمنى المُحضر: دى وثيقه طلاق المدعوه نورهان عبد الحميد بابا نورهان:☹ لا حول ولا قوة الا بالله ام عمرو: شوفت يا عمرو صاحبك باعت مُحضر انتَ السبب مستقبل اختك ضاع فيها ايه لو كانت اتجوزت ابن خالتها بدل صاحبك والله لهحرق قلبهم على بنتهم واجوزك تانى ست ستها ويورونى هيعملوا ايه عمرو: !!!!??? " عمرو حس بأنه متحاصر مابين مراته حبيبته وما بين اهله وقال بينه ومابين نفسه منك لله يا مهند على الورطه اللى انا فيها اعمل ايه ياربى دبرنى ياااارب.... تفتكروا عمرو هينفذ كلام امه علشان يرضيها!!! ومريم هيكون مصيرها ايه.............تبعونى? ******Elbanota gege عاوزه تفاعل ي**ر الدنيا

Free reading for new users

Scan code to download app

App Store Google Play

Facebookexpand_more