HUMINTO sila sa isang malawak na bukirin na kasalukuyang tinitipon ang mga ani ng pakwan. Maraming trabahador ang abala—mga lalaki at babae na pawisan, masipag, at mukhang masaya sa ginagawa. May isang tarp sa gilid na nakalagay: "DOMINGUEZ FARM - WATERMELON HARVEST 2026."
Maraming tao ang abala, pero may isang lalaki roon na lutang ang dating dahil sa tangkad nito at sa paraan ng pag-uutos sa mga tao. Nakasuot ito ng cargo pants at simpleng puting damit, may baseball cap, at hawak ang isang clipboard.
"Siya si Marco," bulong ni Dark habang tinatanggal ang helmet. "Civil engineer by profession pero mas piniling asikasuhin ang farm ng pamilya niya. Masipag, matalino, at higit sa lahat... hindi kasing-sungit ko."
Tumingin si Allyson kay Marco. Gwapo. Matangkad. Mukhang responsible. Mukhan
