Chapter 07
1184 Words
HINDI nakatulog nang maayos si Allyson nang gabing iyon. Paulit-ulit na naglalaro sa isip niya ang huling sinabi ni Dark.
"Na hindi mo na kailangang maghanap pa ng malayo."
Isang linyang napaka-gasgas kung sa pelikula mapapanood, pero bakit pagdating sa lalaking iyon, tila may kalakip na ibang ibig sabihin? Parang may nakatagong kahulugan. Parang may mas malalim na konteksto na hindi niya maintindihan—o ayaw niyang intindihin.
Lumingon siya sa bedside table. 2:47 AM. Kakaiba ang dilim sa labas—walang ingay ng mga sasakyan, walang sirena ng ambulansya, walang reklamo ng mga kapitbahay. Ganap na katahimikan. 'Yung tipong naririnig mo na ang sarili mong t***k ng puso.
At ang puso niya? Hindi normal ang pagtibok.
Mabilis. Kabado. Kinikilig?
"Hindi. Hindi ako kinikilig," paalala niya sa sarili, pero ramdam niya ang pamumula ng pisngi kahit wala namang nakakakita.
Kinuha niya ang phone. Checked ang messages. May text si Manang Mirna—reminder na may breakfast siya bukas. May email si Ara, ang secretary niya—updates sa office. May notification sa f*******: from "Dee Eyy."
Binuksan niya.
Dee Eyy: Can't sleep?
Napatigil si Allyson. Paano niya nalaman? May third eye ba 'tong taong 'to?
Ally: Bakit gising ka pa?
Dee Eyy: Thinking about tomorrow.
Ally: Anong meron bukas?
Dee Eyy: Our first official date. 😏
Ally: Hindi date 'yun. Business transaction lang.
Dee Eyy: Whatever helps you sleep at night, Señorita.
Ally: Tulog na nga ako.
Dee Eyy: Liar.
Ally: How do you know?
Dee Eyy: Kasi kung tulog ka, bakit nag-rereply ka?
Napairap si Allyson. Tama nga naman.
Ally: Fine. Hindi ako makatulog. Happy?
Dee Eyy: Yes. Kasi alam kong iniisip mo ako. 😊
Ally: Assuming! Hindi kita iniisip!
Dee Eyy: Then why can't you sleep?
Ally: Dahil... dahil sa init!
Dee Eyy: May aircon ka naman dyan.
Ally: Sira!
Dee Eyy: Kaninang dinner pa 'yan okay. Nakita ko.
Napatigil si Allyson. Wait. Kailan niya nakita?
Ally: Stalker ka ba talaga?!
Dee Eyy: Hindi. Dumaan lang ako kanina. Nakita kitang nag-dinner with Manang. Through the window.
Ally: OMG. CREEPY MO.
Dee Eyy: Hindi creepy. Sweet.
Ally: Creepy.
Dee Eyy: Sweet. Nag-aalala lang ako kung kumain ka na.
Ally: Bakit ka mag-aalala?
Dee Eyy: Kasi... ikaw ang first.
Ally: First ano?
Dee Eyy: First girl na hindi ko maintindihan.
Natigilan si Allyson. Ang puso niya ay tumibok nang mas mabilis. Anong ibig sabihin nito?
Ally: Anong hindi mo maintindihan?
Dee Eyy: Bakit kahit ang sungit mo, ang taray mo, ang arte mo... gusto pa rin kita.
Oh God.
Oh. God.
Ally: Dark...
Dee Eyy: Tulog na, Ally. May lakad tayo bukas. I need you well-rested para sa akin. 😉
Ally: Hindi ako para sa'yo.
Dee Eyy: Not yet. Good night, Señorita. Sweet dreams. Sana ako nasa panaginip mo. 😘
At nag-offline na si Dark.
Iniwan si Allyson na nakatitig sa screen, ang puso ay kumakabog, ang isip ay lutang.
"Putang ina," bulong niya. "Ano ba 'tong nangyayari sa akin?"
***
ALAS-SIYETE pa lang ng umaga ay gising na si Allyson. Hindi dahil excited siya—definitely not because of excitement—kundi dahil kinakabahan siya. Ano kaya ang plano ni Dark? Saan niya siya dadalhin? At sino ang ipapakila niyang "eligible bachelor"?
Sinunod niya ang utos nito—nagsuot siya ng lumang maong na pants na ginamit niya dati para sa camping sa college, at isang cotton shirt na kulay abo na medyo maluwag pero komportable. Tinali ang buhok sa isang maayos na ponytail, nag-apply ng sunscreen sa buong katawan—kahit mukha, braso, binti, lahat. Kasi alam niyang si Dark, kung saan-saan siya dadalhin.
Nag-spray pa siya ng konting perfume. Hindi dahil gusto niyang mabango para kay Dark—definitely not—kundi dahil... hygiene. Personal hygiene lang.
"Señorita, nandito na po si Sir Dark!" sigaw ni Manang Mirna mula sa ibaba.
Napatingin si Allyson sa orasan. 7:58 AM.
Maaga siya. Maagap pala ang taong ito.
Bumaba siya at nakita si Manang Mirna na ngiting-ngiti, tila may nalalaman.
"Manang, bakit ganyan kayo makangiti?" tanong niya, puno ng hinala.
"Wala po, Señorita. Ang guwapo lang po kasi ng bisita ninyo. At mukhang mabait," puna ng kasambahay.
"Mabait? Si Dark? Manang, baka may sakit kayo," sabi ni Allyson, pero hindi niya napigilang mamula.
Lumabas siya at bumungad sa kanya si Dark na nakasandal sa kanyang motorsiklo, may dalang dalawang helmet. Nakasuot ito ng puting damit na medyo hapit sa katawan, at kupas na maong. Nakasuot ng salamin, pero alam niyang nakatingin ito sa kanya.
"Handa ka na ba para sa unang 'eligible bachelor' ng San Vicente?" nakangising tanong nito habang pinapasadahan ng tingin ang ayos niya. Tinanggal niya ang shades at tumingin sa kanya from head to toe. "Mabuti naman at marunong kang sumunod sa instruction. Akala ko mag-ga-gown ka rito."
"Dami mong daldal," asik ni Allyson, lumapit at kinuha ang helmet. "Nasaan ba 'yong idedeyt ko? Bakit kailangang sumama ako sa'yo?"
"Nasa lugar ng trabaho. Trabaho muna bago landi, Allyson. Iyon ang gusto ng mga lalaki rito," sagot ni Dark sabay hagis ng helmet sa kanya.
Muntik na itong hindi masalo ni Allyson. "Hoy! Bastos! Paano kung tinamaan ako nito?!"
"Eh kasi naman, ang bagal mong kumilos. Para kang pagong," pang-aasar ni Dark.
"Pagong?! Ako?!" singhal niya. "FYI, three-time champion ako ng track and field sa high school!"
"Talaga? Kelan? Panahon ng dinosaurs?" tanong ni Dark, kunwa'y serious.
"Wow. Matanda na ba ako sa'yo?!" asik ni Allyson, hinampas ang braso nito.
"Hindi naman. Matured ka lang. Very matured," ngisi ni Dark, tumingin sa... sa dibdib niya.
"Bastos!" hampas ulit.
"Suot mo na 'yan," turo ni Dark sa helmet. "At huwag kang masyadong malikot sa likod, baka mahulog ka, wala pa namang sasalo sa'yo kundi lupa."
"Ang aga-aga, ang sama ng ugali mo!" asik niya, pero sumakay na rin siya sa likod ng motor.
Sa pagkakataong ito, hindi na siya nag-atubiling humawak sa baywang ni Dark. Ramdam niya ang matitigas na kalamnan ng tiyan nito sa ilalim ng suot nitong manipis na damit. Matigas. Siksik. Parang abs ng mga modelo sa magasin.
Focus, Allyson. Focus.
Napansin niyang bahagyang nanigas ang katawan ni Dark sa pagkakahawak niya—tila naging mulat ito sa kanyang hawak—pero agad din itong nakabawi at pinaandar ang makina..
"Ready?" tanong ni Dark.
"Born ready," sagot ni Allyson, pero ang totoo ay kinakabahan siya.
Humarurot ang motorsiklo. Mabilis. Mas mabilis kaysa noong nakaraan. Humahalik ang hangin sa kanyang mukha, at ang mga puno ay tila sumasayaw sa gilid ng daan.
"Dark! Bagalan mo!" sigaw niya.
"Bakit? Takot ka ba?!" sigaw pabalik ni Dark, bakas ang saya sa boses.
"Hindi! Baka lang mahulog ako!"
"Yakapin mo 'ko nang mas mahigpit!"
Kaya ginawa ni Allyson. Hinigpitan niya ang yakap—mas lalong dumikit ang kanyang dibdib sa likod ni Dark, mas ramdam niya ang init ng katawan nito.
At nang lumiko ang motorsiklo mula sa sementadong daan patungo sa lupang daanan, lalong bumilis ang t***k ng puso ni Allyson.
Hindi dahil sa takot.
Kundi dahil sa kaba.
Dahil sa... sa kung ano.
- Writer
