Chapter 32: Confined
NAILIPAT na sa private room ang asawa ko. Sa sobrang laki nito ay parang nasa hotel lang kami. Ang gaganda pa ng mga gamit sa loob, at may mini-ref pa.
Ang dalawang batang kasama ko ay nakaupo sa sofa, may sariling mundo pareho. Tanging maririnig lang sa kanila ay ang munti nilang bulungan. Nagpapahinga naman si Noah sa malaki niyang kama. Ako naman ay inaayos ko sa closet ang mga gamit niya. Mabuti na lang nadala rin dito ang maleta niya.
“Darating sina dad at mommy, Leighton. Puwede na kayong umuwi pagdating nila. Hindi puwedeng magtagal pa rito si Astrid,” sabi niya bigla, ramdam ko ang dalawang pares ng mga mata niya, na nakatingin sa gawi ko.
“Plano ko pa naman na bantayan ka, Noah. Maaalagaan ni mama sina Astrid at Ashtine sa bahay,” usal ko, mabilis na sinu
