HINDI pa naman lasing si Xena, alam niya ang nangyayari at aware siya sa mga nangyayari. Nakainom siya at aamining tinamaan kanina pero hindi siya lasing. Hindi naman iyon ang unang beses niyang nakainom, hindi lang talaga siya mahilig uminom ng alak pero hindi naman siya ‘yong tipo ng babae na nawawala sa sarili kapag nalalasing.
“I have to warn you, Xena, dahil kapag nasimula na tayo hindi ko na kayang pigilin pa ang sarili ko,” wika ni Zev na parang nag-aalinlangan pa rin sa mga nangyayari.
“Seryoso rin ako sa nararamdaman ko, Zev. I want you tonight…” buong-buo ang loob na deklarasyon niya. She wanted to feel just for tonight kung paano ba ang makulong sa bisig ng isang lalaking kagaya ni Zev. Hindi niya alam kung pagnanasa lang ba talaga ang nararamdaman niya o attracted talaga siya
