“SAAN MO ba kasi ako balak dalhin, ha, Zev?” naguguluhan na tanong ni Xena sa binata habang tahimik lang itong nagmamaneho.
“Just be quiet and just let me, okay?” utos nito sa kaniya kaya natigilan siya.
Huminga muna siya nang malalim bago sumandal. Parang mauubusan siya ng pasensiya sa lalaking kasama. Hindi pa naman siya nagtatrabaho dito bilang medical secretary nito pero kung umasta ito parang amo na niya.
Hindi na siya nagulat nang dalhin siya nito sa ospital. Pumasok ito ng parking area at pagdating nila roon, nauna itong bumaba ng sasakyan at buong akala niya ipagbubukas siya nito ng pinto kaya hinintay pa niya ito pero dire-diretso lang itong naglakad papuntang elevator.
Mas lalo yatang umusok ang ilong niya nang dahil sa ginawa nito.
“Come on, hurry!” pagmamadali pa nito sa
