BAGO mag-lunchtime ay nakaluto na ulit si Xena dahil sa sinabi sa kaniya ni Zev na uuwi rin ito kaagad. Pero past twelve na ay hindi pa rin dumarating ang binata kaya naman nagpasya siya na bumaba na lang muna ng ospital para tingnan kung busy ba ito.
Pagbaba niya ay agad siyang sinalubong ni Andrei, ang totoo nawala na nga sa isip niya na may usapan sila ng binata nang nagdaang gabi.
“Bakit hindi mo man lang ako sinipot kagabi?” kunot-noong tanong nito sa kaniya at nahihimigan niya ang pagtatampo roon.
“Ah…” hindi siya makatingin sa mata nito at napahawak din siya sa batok niya habang nag-iisip ng pwedeng isagot dito. “Ah, eh nagka-emergency kasi ako kagabi kaya hindi ko na rin nagawang tawagan ka man lang.”
“Sana kahit text sinabihan mo ako para hindi naman ako naghintay ng matagal d
