الفصل التاسع

2211 Words

مسك عز الفون بتاعو وضغط على اسم شخص واتصل بيه عز: الو.. بدر: عز باشا اتاخرت اووى فى المكالمه دى ده انا مستنيها من بدري ياراجل عز: مش مهم اتاخرت ولا لا المهم انى اتصلت ولا ايه بدر: عندك حق المهم فعلا انك اتصلت عز: بص يابدر انا عارف ان المشكله اللى بينا كبرت عند حدها وبسببها اختك طلبه الطلاق بس انا استحاله اطلاقها لانى بحبها بجد يابدر ومصدقت انها تكون معايا ولو على المشكله اللى بينا فانا بقولك اهو هاتلى الدليل اللى يثبت ان ابويا فعلا تاجر اعضاء وانا اللى هروح اقبض عليه بنفسي بدر: امال انا بقولك كونت مستنى اتصالك ده ليه عشان انا بقااا معايا الدليل فعلا وبكراا هتقدر تمسكو تلبس كمان بص ياعم........ (طب نسبهم دول دلوقت ونبقااا نعرف اتفقو على ايه بعدين ) خلص اليوم على ابطالنا كل واحد روح نام وبدر وعز مستنين بكرا بفارغ الصبر لحد ما اشرقت الشمس تعلن عن يوم جديد باحداث جديده استيقظ بدر من نومه اخذ حمام سريع ثم صلى الشروق واستعدى للخروج والذهاب للمكان المتفق عليه وهو مكان تسليم الصفقه دخل بدر المصنع المهجور من الناس وجد ياسر وحسين مع بعض يتحدثون قليلا حتى اتجه بدر اليهم..... بدر بابتسامه: هو انا كل مره اجي فيها اقول خلاص انا هجى قبلهم اجي الاقيكم بردو جيتم قبلى ياسر بمرح: ياض انت لسه مطلعتش من البيضه عايز تيجى قبلنا حسين بضحك: عشنا وشوفنا التلميذ عايز يتفوق على معلمه بدر: ده يبقااا شرف ليا ياباشا ابقاا تلميذك اصلا حسين: متستعجلش هيجيلك يوم وهتبقاا معلم وعندك تلاميذ زينا ويمكن اكتر مننا كمان حد يعلم بدر: يارب.. بس هما ا****عه اتاخرو كده ليه ياسر: ليه هى الساعه كام حسين وهو ينظر للساعه الخاصه به: لا متاخروش ولا حاجه ده لسه فاضل عشر دقايق على المعاد ياعم بدر: انا هموت واشو..... لم يكمل بدر كلامه حتى قاطعه دخول سياره فخمه وطويله وباللون الاسود اللامع ينزل منها فتاه فى سنه الثلاثين ولكنها تبدو اصغر من ذلك بكثير حتى تقترب منهم وهى ترتدى بنطلون ج*س ثلجى وتيشيرت بنص كم ابيض مرسوم عليه باللون الاسود وترتدى فوقه چاكيت من الجلد باللون الاسود وهيلز بكعب طويل ورفيع جدا حتى اقتربت منهم وهم مندهشون بجمالها الساحر واكثرهم كان بدر امدت الفتاة يديها لتصافح بدر..... بدر بتوتر: Hi الفتاه: اهلا بدر بصدمه: انتى بتتكلمى عربي الفتاة: اه مصدوم ليه بدر: لا بس افتكرتك اجنبيه بدخلتك دى وشكلك كده يعنى الفتاة بابتسامه: طب مانا فعلا اجنبيه بدر: لا انتى كده هتحيرينى معاكى ازاى اجنبيه وازاى بتتكلمى... حسين مقاطعا: اصبر بس يابدر نرحب احنا كمان بيها عشان الانسه چيسكا بقالها فتره مش بتسال علينا چيسكا وهى بتحضن حسين: ازاى انساك يا حسين وحشتنى طبعا ياسر بطفوله: امممم هو بس اللى وحشك چيسكا بابتسامه وهى تحتضن ياسر ايضا: لا طبعا وانت كمان يا يسو وحشتنى جدا جدا بدر بذهول: ياجماعه متفهمونى بدال مانا مش فاهم كده چيسكا بابتسامه: بص انا جيسكا بنت زعيم المافيا من روسيا هتسال ازاى بتكلم عربي هقولك ان عندنا فى المافيا كونا عايزين حد يتعلم عربي عشان يقدر يتعامل مع الناس بتوعنا فى مصر فابابا شافنى اكتر واحده مناسبه لانى بحب اتعلم اللغات وكده ومعايا لحد دلوقتى تلاتين لغه بقدر اتكلم بيهم وبمهاره كمان فانا بتعامل مع حسين وياسر بقالى فتره لحد ما اصبحنا صحاب بس كده ياسيدى انت مين بقاا (كمان چيسكا بنت بشرتها بيضه جداً وشعرها لونو اشقر قصير لحد كتفها بس وعيونها خضرة وخدودها ورديه دائما طبيعيه يعنى ولكنها لرغم علامات الأنوثه الكثيره التى توجد بها فهى مازلت انسه لم تتزوج بعد لانها تحب العمل مع والدها وهذا جعلها قويه ولا ترى احد اقوى منها.....) بدر بابتسامه ساحره: انا بدر شغال مع دكتور ياسر ودكتور حسين فى نفس المستشفى ودى اول عمليه ليا معاكم چيسكا بغمزه: لا متخافش هتنبسط معانا اووى ودى مقدم ليك..... قربت عليه وحضنتو وبستو فى خدو بدر وقف من الصدمه حس انو مشلول مش قادر يعمل حاجه ولا يفكر فى حاجه... چيسكا بعد ما بعدت عنو: انتو دخلتو معاكم ازاى عملتولو اختبار الولاء ياسر: حصل ونفذ واثبت ولائو لينا حسين: المهم بدر هيروح ياخد الفلوس من العربيه بتاعتك وياسر هيشيل صندقين البضاعه لحد عربيتك وانا وانتى هنقعد نتفق على العمليات الجايه بقا چيسكا بابتسامه: Ok بدء فعلا نقل البضاعه والفلوس من السيارات حتى اقتحمت قوات عز المكان باكمله..... عز: اثبت عندك انت وهو المكان كلو محاصر جيسكا وبيدها مسدس: المكان محاصر ده عندكم هنا فى مصر انما عندنا فى روسيا لو مسبتناش نخرج بمزاجك هنخرج غصبن عنك حسين بقلق على عز ابنو: لا يابنى عشان خاطرى انا سبها تخرج انا مش مستغنى عنك عز بزعيق: اخرس انت انت ولا ابويا ولا انا اعرفك من اللحظه دى مش عايزه اسمع صوتك ياسر بغضب: اض*ب ابنك بالنار يا حسين حسين بصدمه: ايه مستحيل ياسر بزعيق: هو ايه اللى مستحيل لو مقتلتوش دلوقتى هيتقبض علينا كلنا والمشنقه مش هتسمى.... حتى دخلت شيرين من باب المصنع وبيدها مسدس توجهه على راس ياسر وعيونها تنتقل بين ياسر و بدر الواقف بجانب جيسكا.... شيرين بغضب: ليه فكرو زيك هقدر يقتل ابنو زاى مانت قدرت تطلب من بدر يقتلنى ياسر وحسين بصدمه: شيرين شيرين بدموع وغضب فى نفس الوقت: ايوه شيرين اللى اتفاقتو على قتلها وكانى حيوان سهل يموت بالنسبة ليكم بس خلاص نهايتك على ايدى يا دكتور ياسر چيسكا: بقولكم ايه دى مشاكل عائليه انا ماليش دخل بيها ومفيش اى حد فيكم يهمنى قد الفلوس بتاعتى وروحى فعشان كده.. اطلقت چيسكا رصاصه اتجاه عز حتى سقط امامهم على الارض والدماء ينزل منه بغزاره فاسرع بدر وامسك بالمسدس الذى بيد جيسكا وقامت معركه كبيره بين قوات عز وحراس حسين وياسر وچيسكا واخد بدر شيرين واخرجها خارج المصنع حتى لا تصاب بأي اذي ودخل وامسك بچيسكا حتى انتهت بالمعركه بفوز قوات عز وتم القبض على ياسر وحسين وچيسكا ونقل عز الى المستشفى ولكن قبل رحيل ياسر الى سيارة الشرطه استاذن ان يتكلم مع شيرين لدقيقه واحده وذهب اليها مع امين من الشرطه و وقف امامها وطلع من جيبو ظرف واعطاه لشيرين... ياسر: اتفضلى شيرين باستغراب: ايه ده ياسر: بعد ما يتحكم عليا بالاعدام يبقاا افتحيه وانتى هتفهمى وحاولى تسامحينى شيرين بقسوه: انا عمرى ماهسمحك ولحد اخر نفس ليا انا هفضل بكرهك ياسر: من حقك بس انا عارف انك طيبه عشان كده بقولك حاولى سلام ذهب ياسر مع الشرطة و اول ما خرج بدر من المصنع جريت عليه شيرين وحضنتو وبدالها نفس الحضن بدر لانه اشتاق لها كثيراً... شيرين وهى بحضن بدر: بحبك اووى بدر بحب: بحبك اكتر شيرين: مش مهم المهم انى عايزاك معايا للابد وتفضل تحبنى كده دايما بدر بخبث: هو مفيش شك انى هفضل احبك لاخر عمرى بس لو فضلنا كده فى الشارع البوليس اللى كان هنا من شويه هيجى ياخدنا اداب فايلا بينا نروح لعز المستشفى احسن انا مش ضامن نفسي ادينى بقولك اهووو شيرين بتذكر: اه صحيح عز يلا بينا بسرعه وهم فى طريقهم الى المستشفى اتصلو بمالك ليأتى هو ونجلاء وبدر اتصل لخبر نور لتأتى هى وامل ونادين للمستشفى وبالفعل وصل الجميع الى المستشفى والغرفه الذى يوجد بهاا عز الذى كان ممدد على السرير بعد خروجه من العمليات واستيقظ من البنج وجد الجميع حوله الجميع ما عدا نادين وهذا ما احزنه انها ليست هناا ولاحظ الجميع هذا الحزن وحاولو التخفيف عنه... بدر: لا عجبتنى تنفع فى الاكشن ياض ياعز مالك بتباهى: بدر بدر على فكره ده اخويا وطلعلى يعنى بدر: هو المفروض مكلمكش بس عشان اللى عملو معايا عز هسامحك ياسيدى مالك: اصيل طول عمرك يابو نسب بدر: ياريتك تتعلم من الاصل ده شويه ياخويا مالك: خلاص بقااا خلي قلبك ابيض بدر: ماشي ياعم المهم ياعز قوم بالسلامه بقااا عشان نعمل فرحكم عز بحزن: نادين محدش اتصل بنادين حتى فتح باب الغرفه ودخلت نادين وهى تتنفس بسرعه من كثرت الركض واقتربت من عز وعيونها تدمع وتتفحصه جيداً..... نادين بدموع: عز انت كويس صح محصلكش حاجه وحشه اووى طمنى عليك عز اخدها فى حضنو ونسيو الناس اللى معاهم فى الاوضه وفضل يتكلم جنب ودنها بهمس... عز: هشششش اهدى بس انا كونت هموت بس مش بسبب رصاصه بسبب بعدك عنى نادين بدموع وهى تتمسك اكثر بقميصه: انت وعدتنى انك هتكون مكان بابا صح انت عايز تسبنى زايو انا مش هسمحلك بكده انت فاهم عز بابتسامه: هو فى اب يقدر يستغنى عن بنتو ياحماره ياكبيره وبعدين مين اللى طلب ورقتو قال ايه عايزه تطلق فاكر دخول الحمام زاي خروجه نادين وهى تض*به مكان الرصاصه بدون قصد: مانت اللى عصبتنى عز بالم: ااااه... عندك حق انا مكونتش بفكر فى الطلاق بس اظاهر كده هفكر نادين: فكر انت بس فيها وحيات خالتك لخليهم يترحمو عليك عز: مجنونه والله بس بعشقك قدرى اقول ايه بقااا مالك بخبث: احم احم... نسبلكم الاوضه طيب ساعه ونرجع ولا ايه نادين بعد ما لاحظت اللى وقفين فى الاوضه بعدت عن عز و راحت وقفت جنب مامتها وفضلت تبص للارض... عز بغيظ: بعد ايه ياخويا اهى ات**فت لو كونت جدع بصحيح كونت خرجت من غير متتكلم انت والباقى بس نقول ايه بقااا ناس مش مقدره للمشاعر بدر: لا وانت اللى مقدر اووى ياض اخوها وامها واقفين و روحت واخدها فى حضنك وتقولى مقدر للمشاعر عز: مراتى و وحشانى عندك مانع بدر: ماشي ياعم يصلحلو نور: بقولكم ايه انتو احكو اي اللى حصل بقاا عشان انا دماغى عملت error ازاى بدر وعز اتصالحو واتفقو كمان وشيرين من ساعه ما دخلنا وهى مسكه ايد بدر وانا مستغربه ممكن حد يوضحلى بدر بابتسامه: هقولك انا بعد ما سبت البيت..... وقال بدر كل اللى حصل حتى جوازتو من شيرين وقالهم على الخطه اللى كانت بينو وبين شيرين وهى...(فلاش باك).... شيرين: بص بقاا ياسيدى بدال اونكل حسين عرض عليك انك تشتغل معاهم فتوافق وانا معايا فلوس بتاعتى فى البنك هسحب منها مبلغ ونشترى جهاز تسجيل صغير هتاخدو وانت رايح ليهم ونسجل ليهم وهم بيتكلمو عن حياتهم وعن شغلهم ده بعد ما تثبت ولائك ليهم طبعا ويثقو فيك واحنا نسجل كل ده اول باول لحد معاد الصفقه نروح نتفق مع ظابط شرطه ونديلو التسجيلات اللى معانا اللى بتثبت كلامنا ويجو يوم الصفقه يتمسكو متلبسين ومب**ك عليهم بدلة السجن ياكبير بدر: يخربيت دماغك دماغ شغاله مش بتنام شيرين: يابنى عيب عليك دماغ متكلفه (باك)..... صقف الجميع لذكاء شيرين ونجاح خطتها.... مالك: بس انت توصلت مع عز ازاى يابدر وانتو متخانقين بدر: هقولك بص عز جه فى يوم واتصل بيا..... (فلاش باك).... بدر: امال انا بقولك كونت مستنى اتصالك ده ليه عشان انا بقااا معايا الدليل فعلا وبكراا هتقدر تمسكو متلبس كمان بص ياعم انا معايا تسجيلات لابوك ولياسر وهما بيحكو تاريخ حياتهم ومعايا كمان تسجيل لياسر ده لوحدو وهو بيحرضنى فيه انى اقتل شيرين بنتو عشان اثبت ولائى ليهم خد اسمعهم وقولى مستعد تساعدنى ولا لا عشان الصفقه بكرااا عز: تمام ابعت اسمعهم وارد عليك وفعلا بعت بدر كل التسجيلات اللى تثبت كلامو وعز عرف حقيقة ابوه وقرر انو يساعدو فعلا ويتعاونو سوى حتى تم القبض على حسين وعصابتو وعز سلم التسجيلات دى للنيابه عشان يخدو اجراء سريع اتجاههم. (باك)..... عز: هو فعلا هو ده اللى حصل بس اللى مفهمتوش ازاى انت قولتلى ان ياسر حرضك لقتل شيرين ومن كلامهم اول ما شافوها يثبت انك فعلا قتلتها ازاى بقاا هى لسه عايشه مش فاهم انا الحته دى شيرين بابتسامه: سبها عليا دى ياسطا بدر اقولهم انا بدر بمرح: اتفضل ياكبير الساحه فاضيه قدامك شيرين: تسلم يابو نسمه... بص هو يوم مطلبو منه كده بدر كان فى حاله وحشه خالص من صدمتو من الطلب وروح نام شويه ولما صحى وقالى يلا نروح المقطم دخل وراي الاوضه وانا بلبس و...... (فلاش باك)... بدر بدموع: شيرين انا مش هقدر اعمل كده شيرين:تعمل ايه فهمنى انت بتعيط كده ليه بدر:ياسر طلب منى انى اقتلك عشان اثبت ليهم انى معاهم وانا مش هقدر اعمل كده وهما المفروض انهم مستنينا عند المقطم عشان يشوفونى وانا بقتلك ويتاكدو بنفسهم شيرين بدموع:كونت عارفه انهم وحشين بس مكونتش متصوره للدرجادى ده انا بنتو حتى بدر:انا مش هقدر اكمل فى اللعبه دى كله الا انتى استحاله اضحى بيكى شيرين بابتسامه:هما فاكرين نفسهم اذكياء بس هما مش اذكى مننا صح بدر هز راسو بمعنى صح فابتسمت شيرين له ومسحت دموعها ودموعه... شيرين:سهله هنروح نشترى واقى من الرصاص والبسو ونشترى كيس دم عشان يبان انو بجد وكده وانت بعد من خلص تمثيل حاول تمشيهم عشان مينفعش يدفنونى وانا عيشه اصلا لاحسن الخطه كلها تبوظ كده بدر:متخافيش انا مش خلى حاجه تاذيكى طول مانتى معايا شيرين:مهو ده اللى مطمنى طلبو فعلا كيس دم وركبو فى الواقى ولبستو شيرين واتنفذت الخطه زاى ما هما عايزين وبعد ما حسين وياسر مشيو وسابو بدر مع شيرين.... شيرين:مشيو بدر وهو بيمسح دموعو:اه انتى كويسه اووعه يكون اتعورتى شيرين بابتسامه:لا انا بخير الحمدلله مش انت بتقول انى طول مانا جنبك هفضل بخير وانا لسه جنبك يعنى انا لسه بخير بدر:بحبك يابنوتى شيرين:بحبك ياقلب بنوتك بس يلا بينا قبل ما حد فيهم يرجع ونتكشف.... (باك)... نور وهى بتحتضن شيرين:كل ده مريتى بيه ولوحدك نادين هى الاخرى وهى تحضنهم هما الاتنين سوى:اصلك واطيه يا شيرين احنا مش اتفقنا يابت اننا اخوات شيرين:انتو مش بس اخواتى انتو عيلتى كلها بدر:طب ايه يعنى انا ماليش نصيب فى الجوو العائلى ده امل: لا انت حبيبي انا وتاخد حضنى انا... انا اسفه يابنى انى مديت ايدى عليك سامحنى بدر وهو بيبوس دماغ امل: متقوليش كده ياماما انتى امى وتعملى اللى انتى عايزه نجلاء بدموع: كده ياحسين تحط راس عيالك فى الارض وتوكلنا حرام كده مالك وهو يحتضن نجلاء: ما عاش ولا كان اللى يحط راسنا فى الارض انتى ربتى ولادك احسن تربيه وده اكبر دليل واحد مرديش يشتغل مع ابوه والتانى نفذ القانون حتى لو على اهلو يلا اهو خد جزائو عز بطفوله: طب معلش ممكن حد يقرب منى بدل ما كلكم حضنين بعض كده وسيبينى لوحدى ضحك الجميع على طريقه عز الطفوليه وحضنو مالك ونجلاء وكانت الاجواء مليئه بالفرحه حتى تذاكرت شيرين الظرف الذى اعطاها اليها ياسر حتى خرجت من الغرفه وفتحت الورقه وقرات ما بها حتى نزلت دموعها وخرج خلفها بدر وخبط على كتفها لتلتفت له وقلق بدر اول ما شاف دموعها... بدر بقلق: شيرين مالك شيرين بدموع: ياسر مش ابويا الحقيقي يا بدر بدر بصدمه: ايه

Free reading for new users

Scan code to download app

App Store Google Play

Facebookexpand_more