الفصل الثامن

2335 Words

ياسر بعيون حمراء من شدة الغضب: لا هتقتل واللى احنا نقولك عليه كمان انت هتقتل شيرين بنتى بدر وحسين فى نفس الوقت: ايه.. ياسر: زاى ما سمعتو هيقتل شيرين بدر بعصبيه: انت اتجننت عايز تقتل بنتك ياسر: انا حر وبعدين احنا مش لسه بنقول ان فى الشغلانه بتاعتنا دى مفيهاش قلب بدر: بس شيرين لا لا حسين:ياسر انت بتتكلم بجد انت عايزو يقتل بنتك ياسر:انا عمرى ما اقول كلمه وانا مش متاكد منها ثم وجه وجهه لبدر:يا شيرين يا روحك يابدر الساعه٩ انهارده على المقطم تجيبها انهارده هناك ياتقتلها يا هتتقتل انت اتفقنا بدر:تمام ٩بليل ذهب بدر للمنزل وعيونو مليانه دموع لانو ازاى هيقتل حبيبت قلبو عشان يثبت ليهم انو معاهم و الفكره لوحدها اصلا مرفوضه اول مدخل عليها لقيها قاعده بتتف*ج على روبانزل ومتاثره بيه وبتعيط وقاعده بيبجامه وعامله شعرها كحكه مرفوعه لفوق ونازل منها خصله كان شكلها كيوت خالص (مش زينا بنبقااا شبه المطلقين وعندهم عيال مش عرفين يصرفو عليهم منين??)قرب منها وقعد جنبها وهى مش حاسه بيه كل ده لحد ما كان بيبص عليها وبيعيط وأخيراً لاحظت وجودو وبصتلو بس بستغرب شيرين:ايه ده بدر انت هنا من امتا وبتعيط ليه بدر بدموع:انا بحبك اووى يا شيرين بحبك اووى شيرين وبدات تعيط على عياطو:عارفه والله بس في ايه قولى مالك قلقتنى عليك بدر بدموع اكتر:حاسس انى بردان وماليش ضهر نفسي يكون ابويا هنا عشان احكيلو او امى كانت هتاخدنى فى حضنها وطمنى انها جنبى مش لوحدى شيرين بدون مقدمات اخدتو فى حضنها وفضلت تطبطب عليه وتقولو... شيرين:هششششش انا هنا اهو جنبك ومش هسيبك ابدا كل حاجه ليها حل اهدى واطمن خالص ممكن فضلت تطبطب عليه لحد ما نام فى حضنها من غير ما يحس لانو حس براحه وامان محسش بيها ابدا وهى حست بانو ابنها مش حبيبها او جوزها وفى نفس الوقت حاسه بخجل لان دى اول مره شاب يحضنها والشاب ده حبيب قلبها مش اى شاب يعنى بينما فى مكتب حسين بعد خروج بدر من المكتب... حسين: ايه اللى انت قولتو ده يا ياسر انت عايز تقتل بنتك الوحيده ده دى الحاجه اللى فضله من حبيبت قلبك سهيله مراتك ياسر: هى اه حته من سهيله مراتى بس للاسف هى مش حته منى حسين بصدمه: ايه ياسر بدمعه نزلت منو غصبن عنو: ايوه شيرين مش بنتى يا حسين شيرين بنت الراجل اللى سهيله كانت متجوزاه قبلى ومحدش يعرف حسين: لا انت تهدى كده وتحكيلى كل حاجه ازاى شيرين مش بنتك وهى سهيله كانت متجوزه حد قبلك ياسر: انا هقولك كل حاجه ياحسين سهيله لما شوفتها وحبتها مكونتش اعرف انها متجوزه غير لما روحت واعترفتلها وهى كانت بتحب جوزها ده فانا كونت لسه شاب ياحسين تهورى وصلنى انى اقتل جوزها ده واتجوزها غصبن عنها وبعد ما اتجوزتها عرفت انها حامل بعديها عملت تحاليل وفحوصات واكتشفت انى عقيم وماليش علاج فضلت عايش معاها على اساس ان فى يوم من الايام تحبنى زاى ما انا بحبها بس طلع حبها لجوزها ده اقوى من حبي ليها لدرجه ان بعد ما خلفت شيرين مستحملتش انها قدامى ومش قادر المسها فتعصبت ومعرفتش امسك اعصابي عليها واتهجمت عليها مستحملتش اللى حصل فنتحرت وقررت اربي شيرين كانوع من انواع تخفيف الندم اللى بحس بيه بس خلاص بدال هى ناويه متسمعش كلامى يبقا تستاهل تروح تحصل امها واديها تونسها حسين: ده انت طلعت مش سهل خالص ياياسر ياسر بجديه: السهل اليومين دول بيتاكل وميعرفش ياخد حقو ابدا حسين: عندك حق اما في فيلا حسين الشرقاوى رجع مالك وطلع على اوضة عز لانو عرف من نور ايه اللى حصل وحب انو يفهم ليه عمل كده خبط على باب الاوضه.. عز بجديه: ادخل مالك بمرح: امورتى الحلوه بقت طعمه بقت طعمه وليها سحر جديد ليه خفت روحى لما بتبعد بتروح لبعيد(وناسف للحجه صباح لو فى غلط فى الاغنيه لانى مش حفظها للاسف??) عز بجديه: وحيات امك ياشيخ مش ناقصه هى مالك: مالك بس يا اخى ايه اللى حصل احكيلى عز: نادين طلبت منى الطلاق يامالك ومش عارف اعمل ايه مالك: ترفض طبعا هى دى فيها كلام مش انت بتحبها وهى كمان بتحبك يبقاا هطلقها ليه عز: مش قادر اتخيل انها بتشك فى ابويا مش قابل ده يامالك مالك وهو جالس بجانبه وحط ايديه على كتفو: بص هقولك حاجه انا اللى مع ابوك فى المستشفى وبقولك اهو المستشفى كلها شكه انى في حاجه غلط بين ابوك واونكل زفت ياسر يمكن بدر اتاكد من ده بس احنا مدنلوش الفرصه انو يتكلم فممكن كلامو يطلع صح ليه لا عز:مش عارف حاسس انى عاجز عن فعل اى شئ فى الدنيا مالك: روح ليها وصالحها وفهمها انها اغلى حاجه عندك ومستحيل اى حد يبقاا اغلى منها وكلمتين حلوين هترضي البنات طيبين اووى بيتاكل بعقلهم حلاوه والله بسهوله(اخص عليك يالوكا وانا اللى حبيتك تقول علينا كده عز: تمام يومين كده واروح اصالحها لما تهدى بس شويه مالك: تمام بدال خلاص قررت انك هتصالحها اروح انا انام بقاا عشان هموت وانام يلا تصبح على خير عز: وانت من اهلو اما فى بيت نور جهزت نادين شنطة السفر وخرجه فى الصاله بس وقفت لما سمعت صوت نور.... نور: انتى واخده الشنطه دى وريحه فين يا نادين نادين: انا همشي يانور امل بعد ما خرجت من الاوضه على صوت نادين: ايه مشيه ريحه فين يانادين نادين: هسافر ياماما امل بخضه: تسافرى هتسافرى تروحى فين نادين: انا محتاجه ابعد عن هنا شويه لانى تعبانه شويه هروح الشاليه بتاعنا اللى فى دهب اريح اعصابي شويه نور: طب استنى اجي معاكى مينفعش تروحى لوحدك نادين: لا معلش يا نور انا محتاجه ابقااا لوحدى عشان خاطري امل: ازاى طيب تسيبي البيت وتمشي انتى كمان زاى اخوكى انتو عايزين تموتونى نادين: بعد الشر عليكى ياماما بس انا لو فضلت قاعده هنا هموت بالبطئ سبينى ياماما هروح اسبوع بس وارجع تانى هبقاا احسن من كده بكتير وهبقاا اطمنكم عليا بالفون سلام نور: خلاص ياماما بدال ده اللى هيريحها خليها تعملو ربنا يريح قلبك ويسعدك نادين: يارب يانور يارب يلا السلام عليكم امل ونور: وعليكم السلام نور فى عقلها: كده يانادين تسبينى وانا محتاجاكى وبدر اللى منعرفش عنو حاجه ولا شيرين بتتصل يارب هون يارب اما فى تمام الساعه ٨ فى منزل بدر استيقظ بدر من النوم وجد شيرين نائمه وهى تحتضنه مثل امى وابنها وفضل يتأمل ملامحها البريئة حتى استيقظت و وجدت بدر ينظر لها فابتسمت وخجلت من نظراتو... شيرين بخجل: مكونتش اعرف انى حلوه كده بدر بمرح: لا مش حلوه ولا حاجه متتغريش اووى كده شيرين بدلع: لا لالا انا جمالى مش على حد تنكر بدر: لا طبعا منكرش بس بقولك ايه تيجى نخرج نروح المقطم نقعد هناك شويه شيرين بتحمس: الله المقطم ثوانى ادخل اغير واجى بدر: ريحه فين انتى معاكى لبس اصلا شيرين: ايوه ما انا روحت انهارده البيت وبابا مش هناك جبت لبسي وجيت بدر: لا ناصحه يابت طيب يلا ربع ساعه وتكونى قدامى اشطا شيرين بفرحه: اشطا يامعلم بدر بعد ما شيرين دخلت تلبس بدمعه نزلت من عينو: سمحينى ياقلبي مضطر اعمل كده غصب عنى والله خرجت شيرين وكانت فى كامل شياكتها اخذها بدر وذهب بهاا الى المقطم فى تمام الساعه التاسعه اوقف بدر سيارته على المقطم ونزل منها هو و شيرين و وقفو قدام العربيه وكان ياسر و حسين وصلو قبلو وبيرقبو اول ما جه هو وشيرين وهو خد بالو منهم بس شيرين لا....... بدر نظر لعيون شيرين وقال: انتى عارفه انى بحبك صح وانى بعمل اي حاجه عشان مصلحتك صح شيرين: صح امال انا بدات احبك ازاى يعنى بدر بابتسامه: يعنى انتى بتحبينى ياشيرين شيرين هزت رأسها بخحل بمعنى اه بدر رفع راسها عشان يقدر يشوف عنيها..... بدر: لا قوليها مش تسكتى نفسي اسمعها منك شيرين بعشق: بحبك يابدرى اووى بدر: وانا بموت فيكى يا قلب بدر قرب بدر منها اووى لحد ما انفسهم اتقابلت مع بعض وكان خلاص هياخد شفايفها فى عالم تانى بس حط وشها بين ايده وباس دماغها وخدودها برقه ثم همس بقرب اذنها وقال.... بدر بدموع: انا بحبك وعايزك تسمحينى انا اسف على اللى هعملو ده وفجأة انطلقت صوت رصاصه دخلت فى جسم........ (لا تثق فى اى صديق فتذكر دائماً انه يعلم عنك ما لا يعلمو عدوك و هى نقطة ضعفك فيمكن ان يستخدمها ضدك فى لحظه غضب... بدر بدموع: انا بحبك وعايزك تسمحينى انا اسف على اللى هعملو ده وفجأة انطلقت صوت رصاصه دخلت فى جسم شيرين وسقطت على الارض غارقة فى دمها وانهار بدر وركع على ركبته وبدء بشلال من الدموع التى لا تتوقف.... بدر بدموع وهو ياخذ شيرين الى حضنو: انا اسف سمحيني ونبي والله مش عارف انا عملت كده ازاى شيرين قومى انا اسف انا شيطانى كان غاوينى يعنى خلاص بعد محبتينى واعترفتى بحبك ليا اردلك حبك ده بقتلك انا انسان قذر حقير وحش..... يارب ياااارب ياسر وهو يضع يده على كتف بدر: جدع انت كده اثبت ولائك لينا اهلا بيك وسطنا بدر بعد ما مسح دموعو: هنبداء نتفق على الشغل امتا حسين بجديه: اكيد بكرااا لان مفيش وقت بكراا هنتفق على الصفقه فى المكتب بتاعى عشان الصفقه المفروض تتنفذ بعد بكرا فمقدمناش وقت كتير تمام بدر و ياسر: تمام ياسر: نسيبك احنا بقاا يا سي بدر تدفن المرحومه وتروح ترتاح ونتقابل بكرا فى مكتب دكتور حسين بدر بحزن: ماشي سلام حسين وياسر: سلام خلص بدر اللى وراه وروح نام حتى اشرقت الشمس ليوم جديد استيقظ فيه مالك باكرا ونشيط اطمئن على نور عن طريق الاتصال بيها ولكن كانت نائمه وافاقت ب**ل على صوت رنات فونها لتجيب دون ان تعرف من المتصل.... نور بنعاس: ااا.. الو مالك بأستغراب: انا اتصلت بنمره غلط ولا ايه هو مش ده رقم نور كمال بردو نور برقه: ايوه مين حضرتك مالك باستفزاز: لالالا اكيد انتى مش نور الصوت الجميل ده ميطلعش من نور ده نور صوتها ولا جعفر بس حلو حتى لو مش نور اهو الواحد يرجع يفتكر اصوات الأ***ة دى بقالى فتره مسمعتهاش منها لله بقاا المفتريه اللى معايا نور بغيظ مكتوم: اه قولى يا استاذ مالها اللى معاك احكيلى دى شكلها مفتريه اووى مالك بخبث: اقولك اي ولا وايه يا انسه دى مخليانى اشك فى نفسي حاسس انى خاطب اسلام صحبي وحياتك نور بغيظ لم تستطع ان تسيطر عليه: ولاااا تصدق بالله لو ملمتش نفسك لهقطع ديلك اللى عايز يلعب من ورا ضهرى ده انا اسلام صحبك انا جعفر ماشي يامالك وحيات طنط نجلاء لوريك مالك لم يستطع كتم ضحكتو امام جنونها هذا: يابنتى استهدى بالله بس فى ايه انا بهزر ياسطاا اكيد يعنى انا مش هتجوز اسلام صحبي انا اصلا مش بحبو خلينا فى عز اخويا اهو في شويه انوثه لما يحب يدلع عليا وكده ياختى نفسي تتعلمى منو شويه الدلع دول نور بصدمه: انت هتقلقنى منك ليه هو ياعز يااسلام انت ايه بظبط مش بيعجبك غير شباب بس ولا ايه مالك بضحك اكتر: يخربيتك بس هموووت والله انتى مش سالكه خالص ياشيخه حرام عليكي دماغك دايما شمال كده نور: انا بردو مش انت اللى مش موضح فكك منى انا قولى انت متصل ليه عشان تعصبنى بس ولا عشان حاجه تانى مالك بطفوليه: لا ونبي صوتك بدء يتحول لجعفر ليه ارجعى تانى للرقيقه الناعمه دى وحياتك ماليش دعوه نور: عارف لو مسكتش هقفل فى وشك وبعدين انا ص**حه معاك امال اعمل فيها رقيقه وتتصدم بعد الجواز مالك: لا شابووو ليكى على صرحتك دى نور: متشكره ياكابتن.. المهم يامالك بجد مش هزار انت مش هترجع تكلم ماما عشان هى كل متشوفنى تقولى هما مش هيبعتو ورقه الطلاق وانا بقولها لا هما بيحبونا واحنا بنحبهم بس بعد الخناقه اللى بين عز ونادين اصبحت ماما ثابته عند موقفها اكتر وانها عايزه تطلقنا فعلا مش عارفه اعمل ايه وانا لوحدى وشيرين مختفيه وقمر مش بتيجى وبدر مش هناا ونادين مسافره انا حاسه انى لوحدى اووى يامالك مالك بحزن على حالها: متقوليش كده طول مانا جنبك انا هرجعهم ليكى كلهم تانى اتفقنا اهم حاجه انتى افضلى ثابته على موقفك مع مامتك وانا هصالحها قريب اووى متقلقيش بس انتى بتقولى نادين مسافره راحت فين دى كمان نور: بعد ما عز اتخانق معاها اتوجعت اووى فقررت تسافر الشاليه بتاعنا اللى فى دهب تغير جوه او بمعنى اصح تبعد عن الاماكن اللى ممكن يكون فيها عز مالك: امممم قولتيلى لا متشليش هما سيبي الموضوع ده عليا اهم حاجه انتى متشليش هم عشان مزعلش ونبي انا بستقوى بيكى يانور مينفعش تبقى ضعيفه امال احنا الاتنين سند لبعض ازاى عشان نسند بعض القوى يرفع الضعيف فينا ودى اهم حاجه بينا... ربنا يحفظك ليا ياروحى ومتحرمش منك ابدا يارب نور بابتسامه: مش عارفه من غيرك كونت عملت ايه ربنا يديمك ليا يارب يا احلى حاجه فى حياتى مالك: بحبك يانور عينى نور بخجل: وانا كمان بحبك سلام واغلقت نور الخط من كتر الخجل لان هذه اول مره تنطق فيها نور هذه الكلمه فى الهاتف ثم نهضت من على السرير واخذت حمام سريع وخرجت صلت وذهبت لتجلس مع والدتها قليلا وعلى الجانب الاخر ابتسم مالك على هذه الطفله المجنونه التى عشقها من كل قلبه ثم افاق من شروده وذهب الى المستشفى كما استيقظ بدر وعز وذهبو الى العمل هم أيضاً فى مستشفى حسين الشرقاوى دخل مالك وذهب الى مكتبو وبعده بدقائق دخل بدر وذهب الى مكتب دكتور حسين ودخل و وجد دكتور ياسر يجلس ايضا وبدء الاتفاق على صفقه بيع الاعضاء..... حسين:بص يا بدر هو شغلك سهل وبسيط خالص انت هتاخد منهم شنطه الفلوس تتاكد انها سليمه مش مزوره وهتحطها فى العربيه وياسر مهمتو هيكون انو هيديهم الصندوق اللى بيبقا فيه البضاعه وانا بقف بحرس الوضع يعنى بلاحظ لو في حاجه غلط او كده تمام بدر:تمام انا فهمت دورى بس انا عندى سؤال ليكم انتو الاتنين ممكن اعرف اجابتو ياسر:اتفضل اسأل بدر:انتو اشتغلتم الشغلانه دى امتا وعملتو كام عمليه لحد دلوقت لانى عايز اعرف التفاصيل يعنى مش يمكن احب ابقااا الوريث للمهنه من بعدكم حسين بابتسامه شيطانيه: تعجبنى بدال عايز تشرب الشغلانه كويس هقولك بص يا سيدى...... وبدء حسين وياسر يحكو كل حاجه عن شغلهم ده وتاريخهم الاجرامى وبعد ما انتهو من الكلام عن حياتهم استاذن بدر بابتسامه ليخرج ليستعد لرجل المافيا لانهم لم يتكلمو عنه واصبح هذا الرجل غامض بالنسبة لى بدر اما فى قسم الشرطه كان يجلس عز ينظر للفراغ الذى امامه يفكر بها وماذا عليه ان يفعل.... عز لنفسو:طب ايه هنفضل كده بين ابوك وبين حبيبتك طب واخرتها يا ناصح عقلو:ياض ابوك طبعا ده هو اللى مربيك واستحاله ابوك يربيك بالحرام والكلام الفاضي ده قلبو:بس دى اللى هكمل معاها حياتى لاخر العمر عقلو:عادى تروح مزه يجى الف غيرها قلبو:حتى لو في الف غيرها مش هتأثر بيهم لان مش هيبقااا فيهم نادين اللى خ*فتنى بضحكتها واخلاقها عقلو:افضل انت كده لحد ما تروح فى داهيه بهبلك ده عز لنفسو:خلاااااص اسكتو بقااا انا عرفت انا هعمل ايه مسك عز الفون بتاعو وضغط على اسم شخص واتصل بيه عز: الو.. .....:عز باشا اتاخرت اووى فى المكالمه دى ده انا مستنيها من بدري ياراجل (من يختار طريق القلب سوف ين**ر سريعاً ومن ياخذ طريق ال*قل يصبح شديد القسوة ولكن من يساوى بينهم هو من يستطيع النجاح فى هذه الحياه

Free reading for new users

Scan code to download app

App Store Google Play

Facebookexpand_more