الفصل السابع

3865 Words

فى صباح يوم جديد على ابطالنا كل واحد صحي من نومو مبسوط وفرحان من قلبو من اللى حصل امبارح عند نور في البيت نادين دخلت بصوت واطي عشان تخض نور وهى نايمه وتفجأها بالنتيجه... نادين بجانب ودن نور: نووووووووور ااااااصحيييييى نور بخضه: زلزال زلزال فيه ايه الحرب قامت نادين وقعت من كتر الضحك عليها: ههههه يخربيتك هموت فصلتينى نور بغضب حدفت عليها المخده: عبو شكلك ياشيخه قطعت الخلف يخربيتك يكون فى عونك ياعز هتاخد مصيبه نادين: ليه ياقلبي ده انا سكر محلي محطوط علي كريمه نور وهى تهزر كتفها وهى قاعدة على السرير: وتجينى تلاقينى لسه بخيري نادين: ايوه انا غيرى مفييييش امل وهى واقف فى المطبخ بتحضر الفطار: ياحسن ياشكوش منك ليها تعالو سعدونى بدل ماجى اوريكو ابو ورده هيعمل فيكم ايه نادين: خلاص يالوزه جايه جايه... اه صحيح يانونو مب**ك طلعه التانيه على الدفعه ياقلبي نور ببردو: عارفه شكرا ليكى نادين بصدمه: ايه ده عرفتى منين دى النتيجه لسه طلعه وقولت اكون اول واحده ابشرك بكده نور بابتسامه: قرة عينى جبهالى امبارح من مص*رو الخاصه بقاا نادين: من اولها قرة عينى يافرحتى نور بضحك: فكك مني قوليلى انتى شيلتى كام مادة السنه دى نادين: تلات... ايه ده يلا ياجزمه انتى تعرفى عنى انى بشيل انا طلعه التالته على الدفعه بتاعتى يا سكر نور: الف الف مب**ك ياحبيبتى عقبال التخرج نادين: الله يبارك فيك عز باشا اللى مصحينى عشان يبشرنى بيها انهارده وقالى هيجبلى هديه نور بغمزه: اووعه ياجامد انت من اولها هدايا نادين بدلع: طبعا هو انا اى حد بس يلا بسرعه قبل ما ابو ورده يصبح علينا يلا نور: عندك حق يلا ذهبت نور ونادين لامل فى المطبخ واخبروها بنجحهم فى الامتحانات حتى فرحت جدا باولادها ودعت لهم باستمرار النجاح والتفوق دائماً و نور اتصلت بقمر لتخبرها وتعرف نتيجتها هى ايضا وجدتها مستيقظه.. نور: ايه يامه عملتى ايه فى النتيجه قمر: وهى دى محتاج سؤال نجحت طبعا وانتى نور: اووعه على وحش الكون اللى نجح الف مب**ك يا ملكه جمال مصر انا طلعه التانيه على الدفعه قمر: بجد الف مب**ك فرحتلك من قلبي يلا ادينا خلصنا من السنه دى عقبال الباقى يارب نور: يارب نتركهم ليدردشو قليلا مع بعض فى مستشفى حسين الشرقاوى.. مالك وهو داخل مكتب بدر: وهتجوز هاتجوز انا خلاص هتجوز وهبطل ابص على البنات... بدر: ايه يابنى الجنان ده اقعد لاحسن الممرضين يفتكروك اتجنيت ولا حاجه مالك: اسكت بجد والله الواحد فرحان بشكل مقولكش بدر: يارب دايما ياعم مالك: عقبالك والله ياض يابدر وتحس بالفرحه اللى انا حاسس بيها دى بدر: اه ونبي ادعيلى الا انا حاسس انى عنست جنبكم كده وكلكم عملين تتجوزو مالك: ايه ياعم هتحسد ولا ايه امسك الخشب بدر بدلع: اخص عليك يا بيبي بقا انا هحسدك مالك: يخرابي على بيبي منك يابت ياسوسن تتدوخ بدر: لا فووق وحياتك لاحسن نتفهم غلط مالك: عندك حق المهم احنا هنيجى بكرا بليل عشان نتفق على الشروط وكده تمام بدر: تيجى فى اى وقت تنور يا بونسب وعدت الايام بسعاده على ابطالنا وجه يوم الشروط واتفقو على كل حاجه ان نور ونادين هيكملو دراسه بعد الجواز لحد ميخلصو ومش هيتجوزو غير لما بدر يتجوز عشان هو و مامتو ميبقوش لوحديهم وكده فى البيت وقمر كمان اتفقت مع مصطفى خطيبها انها مش هتتجوز غير لما تحضر فرح صحبتها نور الاول وهو وافق وعدت الايام والدنيا تمام اووى وبدر بيحس بحاجه بتشدو نحيت شيرين بس ميعرفش ايه هى وهى كمان كده بس بتحاول متفكرش فى الموضوع ده وخلاص اتحددت الخطوبه وكتب الكتاب يوم الجمعه الجايه وتم حجز القاعه والكوافير والفساتين وتم عزم الناس وكلو تمام لحد ما جه يوم الخطوبه وراح عز ومالك عشان يجيبو نادين ونور من الكوافير وبدر راح عشان يجيب شيرين وقمر عشان ميبقوش لوحديهم عز ومالك مستنين البنات قدام الكوافير وبدر راح يجبهم واول ماخرجو... (خرجت نور الاول اول ما مالك شافها تنح فى جمالها كانت لابسه فستان احمر منفوش وميكب خفيف جدا كانت قمر بمعنى الكلمه ومالك كان لابس بدله سوده كانت تحفه عليه وبعد كده خرجت نادين اللى كانت لابسه فستان اوف وايت منفوش بردو وميكب خفيف عليه كان لايق عليها اووى وعز كان لابس بدله رصاصي كانت جامده عليه) مالك بحب: ايه الجمال ده نور بخجل: ميرسي وانت كمان البدله حلوه عليك اووى مالك: يالهوووى بقاا انا القمر ده كلو هيبقاا ليا انا لوحدى بعد شويه نور وهى بصه فى عنيه: عشان تعرف بس ان ربنا راضي عنك قد ايه رزقك بيا ورزقنى بيك مالك: ربنا ميحرمنى منك ابدا نور: ولا يحرمنى منك اما عز فكان فى عالم تانى اول ماشاف نادين فضل سرحان وهى بتنادى عليه وهو ولا هنا.. نادين: انت يااابنى روحت فين عز: هااا مين فين اقصد فين نادين نادين: نعم مانا قدامك اهووو انت اتعميت عز: اظاهر كده انا حاسس انى مش هنا نادين بابتسامه: امال حاسس انك فين عز: انا حاسس انى تايه او دايخ مش عارف ليه انا مش على بعضي اول مشوفتك كده نادين بضحك: عز انت شارب حته ب٢٠٠وجايه تطلعها عليا هاا صرحنى عز: والله انتى اللى يشوفك.... مالك مقاطعا لعز: احم مش نركب بقاا عشان نلحق الناس اللى فى القاعه قبل ما يمشو عز بابتسامه: انا بقول كده بردو لاحسن لو قاعدنا شويه بوليس الادب مش هيحلنى مالك: طيب اركب انت ونادين ورا وانا ونور قدام يلا وانت يابدر يلا حصلنا انت والبنات بعربيتك الجميع: تمام يلا ذهب كل واحد فيهم لمكانو وانطلقو للقاعه فى عربية بدر قمر وشيرين كانو قاعدين ورا بس بدر كل شويه يبص عليها فى المرايه وهى ملاحظه ده فتت**ف منه وتبعد عنيها عنو وقمر كل ده مرقباهم اما فى سيارة مالك كان هناك جو من الرومانسيه ونظرات الحب المتبادله والهزار والضحك ايضا حتى وصلو جميعاً للقاعه ونزلو ودخلوها الجميع نظر لهم بانبهار من جمالهم وكل واحد مش حاسس بالناس بسبب فرحتو اللى فى قلبو (عقبالنا يارب ) لحد ما قال المأذون كلمتو الشهيرة"بارك الله لكم وبارك عليكم وجمعا بينكم فى خير "وكلو بارك للعرسان... مالك: مب**ك ياقلبي ربنا حقق دعوتى واستجاب وبقيتى ملكى نور: الله يبارك فيك هى مش دعوتك لوحدك دى دعوتى انا كمان عشان انا بحبك بس وربنا عارف انى مقدرش استغنى عنك او اعيش من غيرك مالك بصدمه: انتى قولتى ايه نور بتوتر: لا بقولك مب**ك مالك: متهزريش بقاا يانور بالله عليكى لتقولى كونتى بتقولى ايه انا مستنيها من زمان نور وهى بتبص فى عينو بكل حب: كونت بقول انى بحبك ومقدرش اعيش من غيرك وهفضل احبك لاخر لحظه فى عمرى وده وعد منى ليك قدام ربنا عشان انت بقيت كل حاجه فى حياتى صحبي وحبيبي واخويا وجوزى وبابى كمان مالك من غير ميرد شلها وفضل يدور بيها فى وسط القاعه من كتر الفرحه بكلامها ده وفضلو يعيطو هما الاتنين فى حضن بعض من الفرحه(اللهم عياط مثل هذا) .. عز: مب**ك يا كل حاجه ليا نادين: الله يبارك فيك عز:بحبك يا نادين مش قادر اصدق انك بقيتى ملكى انا هتجن من كتر الفرحه والله العظيم بحبك وبموت فيك كمان انا مش قادر اتخيل حياتى من غيرك خلاص نادين بدموع: وانا كمان بعشقك والله ياعز وعايزه اقضي كل لحظه معاك ومضيعش ولا لحظه والله من غيرك بحبك ياعز عز حضنها وفضلو يعيطو بردو من الفرحه وبدر راح لشيرين اللى كانت واقفه وعيونها مليانه دموع... بدر: امسكى نفسك امال اجمد كده ياوحش شيرين:انا فرحانه بيهم اووى ربنا يديمهم لبعض بدر بابتسامه:وانا كمان فرحان بيهم و عقبالنا بقا ما الناس تقولنا احنا الاتنين سوا مب**ك ربنا يتملكم على خير شيرين: تسلم بس.. ايه انت قولت ايه وهما يقوللنا احنا الاتنين مع بعض ليه مش كل واحد لوحد هو انت فرحك هيبقاا معايا بدر وهو بيبص لعنيها: امال انتى فكرانى هسيبك لغيرى ولا ايه خلاص انا عرفت انى بحبك واكتشفت ده انهارده فمينفعش اسيبك لغيرى خلاص شيرين بصدمه:........ بدر: طيب اسيبك انا بقاا فى الصدمه دى عقبال متستوعبي ويبقاا اعرف ردك بعدين طريق السلامه انتى على الله حكايتك ياقلبي راح سبها وكان هيروح يقعد جانب امل بس شاف ابو مالك خارج بره القاعه وحس ان فيه حاجه فمشي وراه و وقف عند عمود عشان يقدر يسمعو وهو بيتكلم فى الفون.... حسين: الو.... ايه يا ياسر كل شويه ترن في ايه ياخى.... لا يا ياسر احنا مش هنزل السعر البضاعه مينفعش تستنى اكتر من كده فى التلاجه قولهم هو ده سعرنا الجديد القديم مات خلاص..... لو مرديوش بقااا قولهم اننا هنلاقى ناس تشترى غيرهم والمافيا فى الحاجات دى كتير مش شويه يعنى....... متخافش الاعضاء مش هيحصلها حاجه طول مهى فى التلاجه ومفيش حد فى التلاجه مش تباعنا كلو بالفلوس بيمشي... تمام اتفق معاهم وقولهم الكليه بقاا ليها سعر جديد والرائه ليها سعر والطحال ليه سعر احنا مش اول مره نبيع اعضاء.... تمام يلا سلام هكلمك بعدين بدر بصدمه: ايه اعضاء..... بدر بصدمه: ايه اعضاء...معقوله... قبل ما حسين يدخل تانى القاعه وقفو بدر... بدر: استنى هنا يادكتور بقاا كده يبقاا فيه عزومه كده ومتقوليش اشحال انى دكتور جراحه زيك حسين بقلق: قصدك ايه يابدر عزومة ايه دى بدر: العزومه اللى انت ودكتور ياسر مشتركين فيها تجارة الاعضاء يادكتور حسين بصدمه: ايه اعضاء انت فاهم غلط يابنى بدر: بقولك ايه ولا غلط ولا صح انا بثق فاللى بسمعو بودانى وبشوفو بعينى انا مش مغفل يا دكتور حسين بابتسامه قلق: طب بما انك عرفت كل حاجه بقاا ايه رايك تدخل معانا وليك نسبتك ياعم بدر: وياترا اللى هى كام حسين: الصفقه ب٧مليون جنيه انا اتنين وياسر اتنين وانت اتنين بدر: والمليون اللى فاضل حسين: لا دى بتتوزع على ناس كده بيسهلو الطرق لينا بدر بعصبيه: ياسلام وانت فاكر انى ممكن اقبل بحاجه زاى دى استحاله انا مش حقير زيك ببيع فى حاجات الغلابه الناس اللى بتسلمنا نفسها وهى واثقه انها فى ايد أمينه انا اسف يا دكتور طلبك مرفوض وانا دلوقتى هروح هفضحك قدام ولادك ومراتك لازم كلو يعرف الحقيقه.. قبل ما بدر يدخل القاعه حسين مسك ايديه وشدو وبقت عينو فى عنيه واتكلم بكل تحدى... حسين بتحدى: انت فاكر ان حد هيصدقك لما تقولهم كده محدش هيصدق وانا واثق فى اللى بقولو وانت اللى هتطلع خسران فى الاخر بس انا هطلع احسن منك وبقولك انا عرضى لسه قدامك عايز تدخل معانا اهلا وسهلا مش عايز برحتك وتركه ودخل القاعه وبدر فضل واقف مش عارف يعمل ايه لانو عارف ان محدش فعلا هيصدقو لان مفيش دليل على كلامو ده بس دخل القاعه فضل بعيد عن الناس و واقف لوحدو عمال يفكر يعمل ايه فى الورطه دى لحد ما خلصت الخطوبه وكل الناس روحت لبيوتها وعز ومالك روحو مع نادين ونور لحد بيتهم واول مدخلو بدر قرر انو يقولهم واللى يحصل يحصل..... بدر: انا عايز اقولكم على حاجه مالك: قول فى ايه امل: فى حاجه ياحبيبي مالك فضلت ساكت فى القاعه وسرحان كده ليه بدر: انا هقولكم بس اوعدونى انكم تصدقونى نور: متقول طيب واحنا هنصدقك بدر: دكتور حسين ولدك يا مالك ودكتور ياسر والد شيرين بيتاجرو فى الاعضاء الجميع: ايه .. فى مكان اخر فيلا دكتور ياسر شيرين كانت لسه داخله من الباب وطلعه على اوضتها بس وقفت لما سمعت صوت والدها بيناديها.. ياسر: استنى عندك يا شيرين شيرين: بابا انت لسه صاحى افتكرتك نمت والله ياسر: كونتى فين كل ده يا هانم شيرين: بابا مانت عارف انى كونت فى خطوبه نور ومالك صحابي وقولتلك ياسر: انتى مش شافيه الوقت اتاخر كل ده فى القاعه شيرين: قصدك ايه يابابا انا الخطوبه خلصت جيت على هنا على طول امال هروح فين ياسر بعصبيه: معرفش انتى من ساعه ما قربتى من اللى اسمها نور دى وانتى اتغيرتى خالص لبسك بقاا واسع وطويل زاى لبس الناس الفقراء ولبسه حجاب على شعرك ايه معاكيش فلوس تعمليه عايزه الناس تقول عليكى فقيره شيرين ودموعها بدات تنزل من عنيها: انت زعلان عشان بقيت قريبه من ربنا انت ازاى كده زعلان عشان بقا جسمى حاجه خصوصيه م***عه لحد انو يشوفها الا فى الحلال ده مزعلك انت ازاى كده انا بجد حاسه انى ق*فانه منك ومن كلامك ده ياسر بعصبيه: ق*فانه منى يابنت ال*** وض*بها بالكف من شدتو شفايف شيرين جابت دم شيرين حطط اديها على خدها مكان الكف وطلعت تجرى بره الفيلا بعربيتها وراحت قعدت على كورنيش النيل شويه وهى منهاره عياط ومش متخيله ان والدها طلع بالق*ف ده كلو وفضلت تدعى ربنا ان يخفف وجع قلبها لان وجع القلب اسوء من وجع الجسد.... نرجع تانى لبدر اللى الكل مصدوم من اللى قالو.. مالك بصدمه: انت واعى للى بتقول يابدر بدر: اه والله عارف انا بقول ايه عز بعصبيه: انت معاك دليل يثبت كلامك ده بدر بحزن: للاسف لا عز: يبقااا نصدقك ازاى بدر: وانا هكدب ليه مالك: معرفش بس انا ابويا استحاله يكون اللى انت بتقول عليه ده انت لو عايز تفركش الجوازه اللى بينا وبين اخواتك كونت تقولنا مش تخترع حاجه تودى فى داهيه زاى دى بدر بعصبيه: وانا هعوز انى افركش بينكم وبين اخواتى ليه مكونتش وافقت من الاول عليكم ومحدش جابرنى عز بعصبيه: لا مالك عندو حق انت مردتش ترفض فى الاول عشان اخواتك بيحبونا وعشان متخسرش شغلك فى المستشفى فقولت اكره اخواتى فيهم وطلعهم ولاد تاجر اعضاء كده وضحت الصورة بدر بزعيق: انتو ازاى بتفكرو فيا كده ماما متقوللهم حاجه انتى تتوقعى انى ابقاا وحش كده نادين نور قول حاجه انتو مصدقنهم امل قامت من مكانها واتحركت اتجاه بدر وض*بتو بالكف كلو اتصدم من ردت فعلها دى ونور ونادين قاعدين وبعيطو بانهيار على حظهم ده.. امل بدموع: انا مربتكش على خرب البيوت مش عايزه حد يجي يقولى والله ومعرفتيش تربي او خلفتى عيل خرب بيت اخواتو بايديه بدر من الصدمه خد بعضو ونزل وسبلهم البيت امل بنفس الجديه اللى كلمت بيها بدر كلمت بيها عز ومالك... امل: وانتو يا افنديه اظاهر كده اننا اتسرعنا فى كتب الكتاب انا عايزه ورق طلاق بناتى بكراا احنا مش بنجوز بناتنا لناس مش بتثق فى اهلها مالك وعز حاولو يتكلمو بس امل منعتهم راحو سابوها ومشيو امل خدت بعضها ودخلت اوضتها وانهارت فيها وهى مسكه صورة كمال جوزها.. امل: انا تعبت ياحج سبتلى شيله تقيله اووى مش قادره عليها مش عارفه اللى عملتو ده صح ولا غلط يارب قوينى وخلينى قد الامانه اللى عندى لحد ما عمرى يخلص واكون تميت مهمتى وفردت جسمها على السرير وفى حضنها صورة كمال لسه ونامت بعد عياط كتير اما نادين ونور نامو مكانهم فى الصالون وهما حضنين بعض بعد عياط شديد وعز ومالك روحو من غير ولا كلمه كل واحد فيهم دخل غرفتو وفضل يفكر هيعمل ايه لحد ما تعبو من التفكير ونامو هما كمان اما بدر لما نزل وخد العربيه لقي نفسو رايح يقعد على النيل ويحكيلو همو وهو بيعيط.... بدر بدموع: يارب انا عملت ايه انا كونت عايز احذرهم بس وانت عالم باللى جوايا انو مش سهل عليا اقولهم كده بردو معقول هما شايفنى كده انا مش عارف اعمل ايه كف امى ليا موجعنيش فى جسمى قد ما وجعنى فى قلبي لانها اول مره تمد ايديها عليا ومتصدقنيش... فضل يعيط لحد ما سمع صوت حد بيعيط جنبو على بُعد خطوات منو ولما مسح دموعو ولف يشوف مين لقيها شيرين وقلق لما شافها بتعيط راح عليها وحط ايديه على كتفها... بدر: شيرين.. انتى هنا شيرين وهى بتحاول تمسح دموعها: ايه ده.. بدر.. انت بتعمل ايه هنا دلوقت بدر: انا جاي اشم شويه هوا انتى كونتى بتعيطى ليه شيرين ودموعها نزلت غصبن عنها: هقولك... وحكت شيرين كل اللى حصل لبدر لحد ما وشو قلب احمر من كتر الغضب وشيرين لاحظت كده... بدر: هو ازاى يعمل كده تعالى معايا شيرين: فين بدر: هروح اخد حقك شيرين: انت نسيت انو بابا مقدرش اعمل كده بدر:هو اه ابوكى انتى بس مش ابويا انا شيرين: اقعد بس وخلينا نفكر بال*قل وقولى ايه اللى جابك هنا بجد عشان حاسه ان فيك حاجه بدر بهدوء: احساسك صح هقولك ايه اللى حصل بس تمسكى نفسك وتصدقينى تمام بصى... وقال بدر كل اللى حصل لشيرين وهى دموعها بتنزل ومش قادره توقفها من صدمتها فى ابوها انو ازاى كده بدر: مصدقانى ياشيرين شيرين وهى بتمسح دموعها: مصدقاك يابدر انا مش عارفه ازاى فى ناس بتفكر بالشكل ده بدر بحزن: زاى ما فيه الحلو اكيد فيه الوحش شيرين: بس احنا لازم نوقفهم عند حدهم يابدر بدر: عندك حق مش لازم نسكت عليهم شيرين: بص انا جات فى دماغى فكره هقولك عليها وهنفذها سوا ايه رايك بدر: اشجيني ياختى قولى شيرين: اتريق اتريق... بص احنا هنعمل.... وبعد ما قالت فكرتها.. بدر باعجاب: ايه الدماغ دى على راي المثل الدماغ شغاله مش بتنام شيرين بابتسامه: امال الدماغ دى متكلفه يابنى بدر وهو بيبص فى عنيها: شيرين تتجوزينى شيرين:........ (سلامآ على من احبنا بقلوبهم قبل عيونهم فكان حبهم لنا صادقآ" شيرين بابتسامه: امال الدماغ دى متكلفه يابنى بدر وهو بيبص فى عنيها: شيرين تتجوزينى شيرين:ايه بدر: ايه قولت حاجه غلط بقولك تتجوزينى شيرين بابتسامه: يعنى هو ده وقتو بذمتك بدر بابتسامه: مهو بصراحه انا مش ناوى ارجع البيت بعد اللى حصل وبعدين بعد اللى هيحصل فمش هرجع البيت وانتى اعتقد بعد الكف اللى والد ادهلك معتقدش انك هتروحى وكمان انا مش هطمن عليكى وانتى عيشه مع واحد زاى ده فانا عندى فكرة احنا عندنا بيت قديم فى المعادى قريب من هنا يعنى فعشان نعرف نعيش فيه سوى نتجوز شيرين: هو تفكير سليم وحلو بس انا مش مستعده للجواز دلوقت بدر: بصي احنا نتجوز على الورق بس و اوعدك وقت ماتحبي تطلقى انا هعمل كده ولو حبيتى تكملى معايا فده اكيد حاجه تسعدنى شيرين بخجل: ده على اساس ان فى مأذون فاتح دلوقتى بدر:يعنى افهم من كلامك انك موافقه هزت شيرين راسها بانها موافقه وابتسم بدر بسعاده كبيره واخذهاا وذهب الى المأذون واتى باثنين شهود وتم عقد القران ثم اخذها بدر وذهبو الى البيت.... شيرين باستغراب:ايه ده يابدر انت مش قولت ان البيت قديم امال ازاى نضيف كده ومفيش فيه تراب ولا ملايات وكده بدر بابتسامه:مانا خليت عم ادم البواب يبعت مراتو ينضفها ما هو معاه نسخه تانيه من المفتاح وكمان خليتو يبعتها تجيب حاجات للمطبخ عشان لو طبخنا وكده...انتى بتعرفى تطبخى صح شيرين:بص هبهرك اتف*ج انت بس بدر:لا بدال فيها هبهرك يبقاا ربنا يستر شيرين: المهم دلوقتى انا اوضتى هتبقااا فين بدر وهو يشير الى الغرفه: اللى هناك دى شيرين: تمام ياكبير يلا تصبح على خير شيرين كانت هتمشي بس بدر مسكها من ايديها وشدها ليه حتى تقابلت عيونهم فى نظره طويله ولكن بعد وقت أفاق بدر من هذا السحر وترك يد شيرين.... بدر: احم انا اسف.. بس كونت عايز اسالك سؤال انتى مردتيش عليا لما قولتلك بحبك ودلوقت احنا اتجوزنا ده معناه انك موافقه عليا مبدئيا احم.. او معجبه بيا وبتبدلينى نفس الاحساس صح شيرين وقد نظرة إلى الارض من شدة الخجل: بص يا بدر انا متعوده على الصراحه من ساعه ما لبست الحجاب وانا بصراحه كده.. بحس اه بحاجه نحيتك بس كاعجاب بس وحياتك وانا بقول نبتدي صحاب ونسبها على ربنا واللى فيه الخير هيكون اتفقنا بدر بسعاده: اتفقنا شيرين: يلا بقاا سلام اروح انام انا تصبح على خير يازميكس بدر بضحك: اقسم بالله انا متجوز واحد صحبي مش بنت خالص وذهب هو ايضا للنوم بعد هذا اليوم الطويل وهى ايضا دخلت غرفتها ونامت بسرعه من شدة التعب بسبب احداث هذا اليوم ويمر اليوم على ابطالنا بكل ما فيه من احزان او افراح حتى تشرق الشمس ومعاها يوم جديد لابطالنا استيقظ كل واحد فيهم واستعد بدر ومالك وعز للذهب الى العمل اما نادين ونور دخلت كل واحده غرفتها واغلقت على نفسها الباب وهم لا يعلمون ماذا سوف يحدث لهم وامل جلست فى غرفتها ولم تخرج منها اما شيرين فستيقظت وجلست امام التلفزيون تشاهد اي شئ تضيع فيه وقتها... فى مستشفى حسين الشرقاوى بدر وهو متجه نحو مكتب حسين ليتحدث معه قا**ه مالك وتقابلت عيونهم ايضا فى نظرة ندم والاخرى نظرة خيبة امل ثم بعد وقت اكمل بدر طريقه ودخل مكتب حسين وجدهو جالسا مع ياسر جلس بدر ايضا وبداء الحوار بينهم..... حسين: معنى وجودك هنا دلوقت انك فكرت فى الموضوع وجاى تقولى رايك صح بدر: صح ياسر: اتمنى يبقاا رايك يدل على ذكائك يادكتور ومتكونش اختارت غلط بدر: لا مختارتش غلط انا موافق وعايز اعرف تفاصيل المهمه حسين بابتسامه شيطانيه: حلو كده انت تعجبي نتكلم فى التفصيل بص ياعم.... حتى قاطعه ياسر ياسر: استنى ياحسين احنا من امتا بندخل حد وسطين من غير ما نثق فيه و بعدين احنا نتاكد منين انو مش هيبعنا بدر: شوفو انتو عايزين اثبتلكم ازاى وانا هثبتلكم ياسر:...... بدر: نعم ده مستحيل اما فى غرفة نوم نور على سريرها اهتزّ فونها معلن وصول رسالة واتساب فتحتها وبدات بقرائتها... نور وهى تقرأ الرساله بصوت عالى قليلا: صباح الخير ياحبيبتى انا عارف ان امبارح حصلت حاجات كتيره وجعت قلبك بس انا اسف انى زعقت وشكيت فى بدر بس حطى نفسك مكانى حد يجى يتكلم على باباكى بتهمه زاى دى وهو مش معاه دليل كونتي هتعملى ايه بس مهما حصل انا مش هطلقك يانور انا عندى اموت احسن من انك تبعدى عنى تانى نور بدموع وهى ترد على رساله مالك برساله: طب والعمل انا عن نفسي حاسه ان كلام بدر صح بدر استحاله يخرب بيتى وهو عارف انى بحبك يامالك رد مالك عليها فى الرساله: عارف بس ممكن يكون فهم حاجه غلط او فى حاجه غلط فعلا طب لو هو كلامو صح ليه دخل لبابا انهارده المكتب مش بابا راجل وحش ليه يتعامل معاه نور بصدمه: ايه دخلو... اكيد في حاجه غلط يامالك مهما كانت ايه هى مش عايزاك تبعد عنى وتسبنى انا ماليش غيرك مالك: استحاله اتخلى عنك قولتلك انتى حته من قلبي ده ان مكونتيش القلب كلو اصلا بحبك يانورى ومقدرش ابعد عنك بعشقك والله نور بابتسامه: وانا كمان والله مقدرش اعيش من غيرك (طيب نسيب دول بقااا مع بعض فى محنهم ده ونروح نشوف الاوضه التانيه) فى غرفه نادين رن هاتفها وكان المتصل اكيد عز لتجيب نادين. نادين بحزن: الو ياعز عز بجديه: ايه يانادين مال صوتك نادين:ده على اساس انك مكونتش موجود امبارح وشوفت ايه اللى حصل عز بعصبيه:بصي يانادين هو ابويا وانتى حبيبتى ومرداش ان اي حد يمسكم بكلمه وحشه ومش هقبل بده ولو انتى مصدقه اخوكى يبقاا انا مش هقبل انى اتجوز واحده بتشك فى ابويا وبتقول عليه تاجر اعضاء يانادين نادين بدموع: يعنى ايه ياعز عز بعصبيه: يعنى يابنت الناس لو انتى مصدقه اخوكى يبقاا ربنا يسهلك طريقك بعيد عنى انما لو مش مصدقها فانا مستعد اجى اخدك انهارده ونعيش سوى نادين بدموع وجديه فى نفس الوقت: طيب يبقاا ابعتلى ورقة طلاقى احسن ياعز هستناها وربنا يسهلك حالك ياعم عز بصدمه: ايه يعنى اختارتى انك تبعدى عنى نادين بزعيق: انت اللى عايز كده ياعز انت اللى خيرتنى بينك وبين اخويا فى موضوع انا ماليش دعوه فيه اصلا كان ممكن تقولى انا مش هسيبك انتى مالكيش ذنب عشان اطلقك انما انت عملت الع** وزاى مانت اختارت ابوك عشان هو منك انا كمان هختار اللى منى عشان انا واثقه ان اخويا استحاله يكدب ياعز وزاى ما قولتلك هستنى ورقه طلاقى انهارده ومش عايزه اشوف وشك تانى حتى لو بالصدفه عشان متزعلش من اللى هعملو فيك واغلقت نادين الخط وقاعده تعيط اما عز نزلت منو دمعه على اللى عملو انو ازاى اتخلى عنها بسهوله كده ازاى حطها فى حاجه هى مالهاش ذنب فيها وندم على اللى قالو وحاول يرن عليها بس هى مردتش وقفلت الفون خالص حتى دخلت عليها نور من صوتها العالى وامل وجلسو بجانبها وارتمت نادين فى حضن والدتها لانها تحتاج ان تشعر بالامان الان اكثر من اي وقتا مضي... اما عند شيرين تجلس وتشعر بالملل فى المنزل بمفردها حتى أتت فكره فى دماغها واتصلت بي بدر لتتحدث معه قليلا تشغل وقت فراغها..... كان بدر فى هذا الوقت فى مكتب حسين تحت الصدمه... ياسر: تقتل حد عزيز عليك بدر: نعم ده مستحيل ازاى يعنى اقتل حد بحبو ياسر: عشان نثق فيك حسين: يابنى فى الشغلانه بتاعتنا دى لازم ميكونش عندك قلب عشان كده لازم تعمل ده بدر: بس حد زى مي.... قاطع كلامو رنين الفون بتاعو وكانت المتصل شيرين اغلق بدر الخط ولم يجيب حتى عاودت الاتصال بيه مره اخرى فاغلق امامها مره اخرى رنت تانى فاجاب عليها... بدر: ايه ياشيرين في ايه انا مش فاضي دلوقتى نتكلم بعدين ممكن باى.. ثم اغلق الخط ياسر بستغراب: دى شيرين بنتى صح بدر ببرود: اه ياسر بغضب: وهى بترن عليك ليه بدر ببرود: اصل بعيد عنك اتجوزنا امبارح بليل مراتى بقاا وحبت تطمن عليا ياسر قام ومسك بدر من قميصو بكل عصبيه: يا ابن ال.... بقااا انت تعمل فيا كده تتجوز بنتى من ورايه طلقها ياض بدر ببرود: مش هطلقها عشان احنا متجوزين برضها وانا بحبها وهى بتحبنى يبقااا نطلق ليه خلينا فى موضوعنا انا مستعد اعمل ايه حاجه غير القتل حسين: بس يابنى.... قاطعه ياسر ياسر بعيون حمراء من شديت الغضب: لا هتقتل واللى احنا نقولك عليه كمان انت هتقتل شيرين بنتى بدر وحسين فى نفس الوقت: ايه.......

Free reading for new users

Scan code to download app

App Store Google Play

Facebookexpand_more