الفصل الحادى عشر

3511 Words

حكايه أخرى تختلف عن ذى قبل فى الاحداث ولكن بالتاكيد مضمونها ثابت فالحب يتشكل مع الجميع ويتاقلم على القصه بكل براعه وانسيابيه. اصعب شعور انك تلاقي اغلي ما عندك موجود في مكان يعتبر من أكبر مخاوفك ، طول عمـري بخاف من الموت وسيرته أو الإحساس بقربه مني لمجرد اني احس بسخونيه أو اي تعب خفيف ببقي مرعوبه ان الموت ياخدني من الدنيا ، واللي كان بيتعبني نفسياً اكتر وادخل في هيستيريه خوف وعياط لما اسمع عن حد مات فجأه ومكنش بيعاني من اي تعب أو ضغوطات حتي لو مكنتش اعرف الشخص معرفة شخصية بس بنهار حرفياً. المقابر كانت بعيده عن بيتي خالص بس لما كانت تصدف و أمشي من عندها مع حد جسمي كان بيرتعش وينتفض من الرهبه والخوف اللي فيا ناحية الموت والمقابر ، متخيلتش لمرة أن مكان زي المقابر يتحول من مص*ر للذعر والخوف لمكاني المفضل اللي بقا يسكن فيه اعز ما ليا و توأم روحي (اختـي). من وقت ما اتخلقنا انا و ندي واحنا دايماً ايد واحده ، الشبه مكنش في الشكل بس ، كنا تفكير واحد وميول واحده ، كل حاجه لينا شبه بعض بنحب نفس الحاجه وبنكره ع**ها سوا ، مكنش سهل عليا انها تفارقني وتسيب ايدي في نص الطريق ، احنا اتفقنا كل حاجه هنعملها سوا ، كنا بنتمني اننا نتجوز اتنين اخـوات عشان نفضل مع بعض ومفيش حاجه تفرقنا أو تبعدنا عن بعض . الدنيا كانت بتجمعنا في كل حاجه واستحاله اكون في مكان من غير ندي ولا ندي تروح في مكان من غيري بس المـوت استحاله يكون علي هوانا ، دايماً بيخ*ف القريبين مننا ويوجع قلوبنا عليهم وبالذات لما يموتوا موته ب*عه زي الموت اللي واجه ندي اختي بأب*ع حالاته.. انا لسه فاكره اليوم ده ، محفور في عقلي وذكرياته كلها قلبي لسه بينزف من الوجع عليها . يـوم ميلادنا 18/8/2016 كان نفسه يوم وفاة ندي ، يومها نزلت تنادي الجيران اللي تحت مننا لأننا كنا قريبين لبعض جداً و ندي كانت بتحب احمد ابنهم من واحنا صغيرين وهما بيحبوا بعض ، في وسط أجواء حفله عيدميلادنا والأغاني والمعايدات سمعنا اصوات صريخ والناس عماله تستنجد ببعض ، نزلنا كلنا علي الصوت لقينا بيت الجيران كله بيولع النار كانت شديده لدرجه ترعب ، محدش عارف يعمل اي حاجه كله بيحاول يطفي أو يهدي النار لحد لما المطافي تيجي ولثواني افتكرت ان ندي جوا ، ندي اختي مطلعتش من وقت ما نزلت تنادي احمد ،حاولت ادخل وسط النار وانا عارفه انها مجازفه ممكن تنتهي بموتي بس انا مينفعش اعيش من غير ندي توأمي ،محستش بنفسي غير وانا في المستشفي ولما صحيت وفوقت عرفت بـ أسوأ خبر لا يمكن يجيلي أسوأ منه ، اختي ماتت وكل اللي كان في البيت مات ، محدش سِلم من النار أبداً وكأن ندي كانت نازله لقدرها ، قدرها اللي جمع حب كبير بينها وبين احمد من وقت طفولتنا لحد لما انتهي بموتهم مع بعض برضو بس ليه انا اعيش وندي تموت ، ليه أفضل لوحدي بنص روح وقلب . محدش عرف سبب الحادثه اي ولا اي وصل الحريق أنه يكون شديد كده وان محاولات إطفاء الحريق كانت بتزيده شده وكأن الميه اتحولت لبنزين اللي ساعد النار انها تزيد وتاكل البيت بسكانه وحبايبه.. اربع سنين بتعالج نفسياً عند دكتور نفسي احتار في علاجه ليا بشتي الطرق ، لما كنت بتأقلم مع العلاج النفسي واحاول اتناسي اللي حصل بيجي يوم ميلادنا 18/8 اللي بيعيد ذكري اليوم بأب*ع إحساسه والموت اللي خ*ف توأمي مني ، حالتي بترجع اربع سنين للأسوأ ، بقا اكتر مكان مُريح بالنسبه ليا المقابر كنـت يومياً عند ندي بحكيلها كل حاجه بتحصل ليا وعن شوقي ليها واني مش قادره احب الحياه تاني من غيرهـا ، كنت بنسي خوفي ورهبتي من المقابر عشان ندي فيها ، ندي دايماً كانت مص*ر امان وراحه ليا ؛ كنت فـ مره عند ندي قدام قبرها بحكيلها عن يومي واللي حصل فيه وكنا آخر النهار فجأة حسيت بحد كان ماشي من ورايا بس وقتها ملقتش اي حد خالص حواليا ،قولت اكيد انا بتخيل لأني بخاف من المقابر وكده بس نفس الاحساس فضل موجود كل ما بروح ل ندي بحس ان فيه حد موجود معايا بس مبشوفوش ، معرفش ليه بيختفي مني لحد يوم لما اهلي عرفوني أن فيه عريس متقدم ليا وأن مينفعش افضل أرفض في العرسان لحد دلوقتي والسن بيكبر وكلام الأهل المتعارف عليه ده وان المفروض اتعدي مرحله الحزن اللي دامت اربع سنيين ، مكنتش مركزه في كلامهم لكن افتكرت كل تخطيطنا انا وندي ليوم فرحنا وقد اي كان نفسنا نتجوز من اتنين اخوات عشان منبعدش عن بعض محستش بنفسي غير وانا قدام قبرها بحكيلها اللي حصل حتي مأخدتش بالي من الوقت اللي كان بليل الساعه 8:00 ، انا نادين اللي كنت برتعب من المشي وانا قريبه من المقابر دلوقتي انا فيها في وقت زي ده، كنت بعيط بشكل هستيري وبستنجد بـ ندي علي اساس أن ممكن تحصل معجزه ليا وتطلع من قبرها تاخدني في حضنها زي الأول ، وفـ وسط كل العياط ده لقيت شاب واقف عمال يبص ليا بمنتهي الحب ، شكله كان هادي ومُريح جداً . - بشوفك بقيلي سنيين بتيجي هنا ودايما مُنهاره من العياط وبتتكلمي بكل وجع . =بس انا عمري ما شوفتك هـنا . - أنتِ دايماً بتعيطي ومبتاخديش بالك بوجود حد جنبك ، الحزن باين عليكي جدا ، السنيين دي مقدرتش تداوي وجعك عليها . =السنيين مش بتداوي وجعي دي بتزيده وجع علي وجعه بتخليني أنزف مكان الدم وجع وحسره وألم فراق بيزود حزني كل لحظه ، هي كانت كل حلو فيا انا معرفش اعمل حاجه بدونها أبداً. - يااه للدرجه دي ، ندي كانت محظوظه ان كان عندها حد زيك بيحبه بالشكل ده ولحد دلوقتي هي محظوظه انك لسه فكراها . = هو انت عرفت اسمها منين ؟! - هه... آه لأنه مكتوب علي قبرها اهو المغفور لها ندي محمد العامري ، فقيده الشباب ، 18/8/2016. =آه آه فعلاً نسيت أن اسمها مكتوب ، شكراً لحضرتك انك سمعتني واسفه لو عطلتك. - متتأسفيش انا موجود هـنا علشانك . =نعم ازاي !! - اقصد أني كنت عاوز اكلمك واخفف عنك من بدري فـ مفيش داعي انك تتأسفي . = اها تمام شكراً لحضرتك بعد أذنك. ** معرفش ليه ارتحت من كلامي معاه برغم اني معرفوش وان شكله غريب جدا بس عيونه كانت مُريحه جداً ، اول مره اطلع من عند المقابر وانا جوايا هدوء بالشكل ده ، رجعت البيت صليت وفضلت اقرأ قرآن وادعي ل ندي ونمت ، اول ما صحيت الشاب اللي شوفته في المقابر جه علي بالي جدا ، قررت اني هروح المقابر يمكن اشوفه بس انا مستحيل اروح متأخر زي امبارح ده انا حمدت ربنا أن الشاب ده كان هناك ومكنتش لوحدي كان حصلي حاجه لقدر الله . روحت المقابر بس ملقتوش بس الاحساس القديم فضل يرجعلي تاني ، كنت حاسه بحد موجود كان فيه حركه حواليا ونفس لحد بس مش موجود ، فضلت اتكلم مع ندي زي كل يوم وادعيلها ولما الوقت أتأخر قومت ارجع البيت. = هتمشي من غير ما تشوفيني يعني .! - انت..!وانا هشوفك ليه يعني يا حضرت. = يعني انتي مكنتيش عاوزه تشوفيني خالص - الصراحه آه كنت عاوزه اشوفك بس معرفش ليه ، هو انت مين وبتيجي هنـا لمين علي كلامك انك بتشوفني من سنيين يعني زيي فيه حد غالي عندك الموت خ*فه. = انا الموت ميقدرش يخ*ف مني حد خالص يا نادين فاهمه ميقدرش انا اللي بخ*فه مش حد غيري.! لثانيه بصيت علي قبر ندي وببصله تاني لقيته اختفي من قدامي تماماً ، معرفش ازاي لحق يمشي بالسرعه دي واي الكلام اللي قاله ليا ده..! تاني يوم كلمت اهلي ووافقت اقعد مع الشاب اللي متقدم ليا بعد ما حلمت بـ ندي وهي بتقولي : " نادين يا حبيبتي عامله اي ، انتي وحشتيني خالص بس انا زعلانه منك ازاي لحد دلوقتي لسه واقفه مكانك ، انا كويسه يا نادين وهبقي كويسه لما اشوفك كويسه وافقي علي العريس ومتزعليش ماما وبابا منك ، لو كنت لسه عايشه مكناش هنتجوز اتنين اخوات برضو لأني بحب احمد وانتي عارفه أنه وحيد ملوش اخوات ، ربنا جميل وهيرزقك بحد جميل وانا مستنياكي لحد لما نتجمع تاني في الجنه ." قعدت مع الشاب اللي جه مع أهله ، شاب لطيف كيوت وباين عليه محترم بس ليه الشاب اللي شوفته في المقابر عمال يجي في بالي ، ليه مش متقبله العريس ده ولو كان شخص المقابر مكانه كنت هوافق عليه ، معقوول اكون حبيته .. طيب ازاي انا معرفوش ومعرفش حاجه عنه خالص وحاسه أنه شخصيه كلها غموض بس هادي ووجوده بالقرب مني مُريح ليا . ____________ رقم غريب رن عليا وانا من عادتي مبردش عـلي رقم غريب، فضل يرن كتير جداً وفـ الآخر رديت. =السلام عليكم -عليكم السلام ازيك يا نادين =الحمدلله مين حضرتك - انا رامي صاحب احمد جاركم الله يرحمه لو فاكراني انا كنت مع احمد دايماً ، نادين كنت عاوز اقابلك في أي مكان أو حتي اجي البيت عندكـم فيه حاجه لازم تعرفوها بخصوص حادثه الحريق اللي حصلت من اربع سنيين. = انت بتقول اي وهي الحادثه حد نجي منها عشان يعرف عنها حاجه. - صدقيني حاجه مهمه جداً ولما اقابلك واحكيلك هتعرفي كل حاجه . هستناكي يوم الأحد في الكافيه اللي قدام بيتكم صدقيني التأخير مش في صالحك ولا في صالحي ابداً يا نادين . ____________ يا تري فيه اي وموضوعك مش راضي يتقفل للأبد ليه يا ندي ، ربنا يعدي الأيام الجايه دي علـي خير واشوف رامي واعرف اي اللي يعرفه و مخليه مرعوب كده . بقيت يومياً بروح ازور ندي واحكيلها كل حاجه وكل مره بروحلها لما باجي امشي بلاقيه يظهر ليا فجأه معرفش بيجي امتا ولا بيدخل المقابر امتا مع أن قبر ندي مش بعيد خالص عن المدخل اللي الناس بتدخل منه ، هو غامض حتي ف دخوله ووجوده وفـ قربه ليا . = نادين انا بحبك ⁦ - هه بـ ايي = بحبك وهتجوزك ومحدش هيقدر يقرب منك وانا موجود. - بتحبني ازاي ، انا معرفش اي حاجه عنك ده انا لحد دلوقتي معرفش اسمك اي ، منكرش أن فيه مشاعر ليك بس انا كنت مستغربه نفسي ازاي قلبي اتعلق بحد معرفوش ولا اعرف عنه حاجه. = انا اسمي شاكر ، مش شرط نعرف عن بعض كل حاجه دلوقتي يكفي أن مشاعرك ليا زي ما انا بحبك يا نادين . - معاك حق .. = عاوز اعرفك علـي اهلي ، انا حكيتلهم كتير عنك وانا متأكد هتحبيهم. - والله بجد حكيت ليهم عني ، خلاص انا موافقه اني اشوفهم. = هستناكي قدام بيتك انهارده الساعه 7 ونروح ليهم سوا. - خلاص تمام . = تمام يلا امشي دلوقتي عشان الوقت أتأخر - ماشي بس استني هو انت ازاي هتيجي تاخدني من تحت البيت وانا مقولتش ليك علـي عنواني... = هه ..آه صح تصدقي كويس انك فكرتيني قوليلي العنوان . - شارع **** العماره رقم 5 . ____________ معقول يكون "شـاكر" هو العـوض الحلو ليا من ربنا ، وان طول الأربع سنيين اللي عدوا كان ربنا بيختبرني ليعوضني، المـهم أني مبسوطه جداً.. الساعه سبعه جات وشاكر جه خدني بعربيه جميله خالص مع أنه مكنش باين عليه أنه غني للدرجه دي ، انا تقريباً كنت كل ما اشوفه فـ المقابر بيكون لابس ابيض ، خدني فـ طريق كان مآلوف جداً ليا كأني مشيت منه قبل كده ؛ هو قالي أن ده‍ طريق بيت العيله بتاعهم وأنهم متجمعين انهارده عشان يستقبلوني، الغريـب في الموضـوع أن أول ما وقف بالعربيه ونزلنا لما شوفت الشارع افتكرت ان ندي جابتني المكان ده قبل وفاتها بـ سنه ونص ومش المكان بس لأ ده نفس القصر ده بس مكنش حلو كده ومتجدد، كان مهجور وعتيق جداً وكان معروف أنه مسكون وبسبب كده ندي جات عملت جوله فيه لأنها بتحب الأماكن اللي زي كده ودايماً بتقول انها بتبقي ممتعه وبيبقي عندها فضول تعرف عنها اكتر ، بس يمكن اهل " شـاكر" اشتروا القصر ده وعملوا تجديدات فيه ، دخلت معاه القصر وانا جوايا مشاعر متلخبطه بس وجود شاكر معايا مطمني . الأجواء كانت جميله وعريقه جداً ، مكنش مجرد استقبال عادي كان شبه حفلات التتويج أو الاعراس الملكيه حتي لبسهم كان غريب ومبالغ فيه . = أهلاً يا نـدي منوره يا حبيبتي. _ نـدي...! شـاكر:- نـدي ميين بس دي نادين يا ماما نادين. =آه يا حبيبتي أهلاً بيكي ، شاكر ذوقه حلو اوي _ ربنا يخليكي ده من ذوق حضرتك. الجو كان جميل بشكل مبالغ فيه حقيقي ، انا حبيت الحفله بس الأمان كان منعدم من جو الحفله ، الناس غريبه لدرجه اني مش قادره اتعامل معاهم ؛ حاسه اني في زمن غير الزمن مفيش حد كنت عارفه اتأقلم معاه غير حبيبي شـاكر =الحفله عجبتك - آه جميله جداً وطنط لطيفه خالص ، شاكر هو انتوا في البيت ده من زمان.؟! =اه طبعاً ده بيت أجدادنا يعني تراث بالنسبه لينا . - انا عـاوزه اروح ممكن =مش لسه بدري - لا عشان بابا ميزعقش . = خلاص تمام تعالي هوصلك. _____________________ انا متأكدة أن القصر ده كان مهجـور واني دخلته مع ندي وكنت مرعوبه منه ، ازاي شاكر قال إنه قصر أجداده ويعتبر تراثهم ، فيه حاجـه غريبه مش قادره استوعبها وليه مامته لما شاف*ني نادتني بـ ندي . كان لازم اروح لـ ندي وجودي بقربها حتي وهي في عالم تاني بيكون كفيل أنه يريحني ويطمني ، لقيت حد غريب قاعد عندها ضهره كان ليا بس المُرعب أنه كان قاعد علـي قبرها من فوق ومجرد اني اتكلمت ولما حس بوجودي اختفي ، اختفي تماماً -ده مستحيل يكون من البشر ده اكيد عفريت ولا جن ولا حاجه بسم الله الرحمن الرحيم. == مين ده اللي عفريت يا نادين - شـاكر انت جيت امتا = من بدري وانا موجود حكيت له علي اللي حصل وقالي اني بتخيل لانه مشافش حاجه وكان موجود وانا داخله . (بس انا متأكده اني شوفت حد قاعد علي قبر ندي ..) = يلا نطلع سوا - لا لا امشي انتي ياحبيبتي وانا شويه وهمشي . = خلاص هستني معاك هنا ونمشي سوا -نادين لو سمحتي امشي بقوولك طلعت من المقابر فعلاً لأني خوفت من لهجه شاكر في الكلام وعصبيته اللي اول مره اشوفها عليه بس مرجعتش البيت فضلت في مكان قريب من باب المقابر الرئيسي استني في شاكر أنه يطلع بس الوقت أتأخر وهو لحد دلوقتي جوا ، آذان العشاء آذن وهو لسه مطلعش ومشيت وانا كلـي حيره وخوف من كل حاجه حرفياً وأمر شاكر الغريب وسره الغامض . ____________ = ازيك يا نادين اخبارك ايه ؟! -الحمدلله يا رامي بخير ، طمني اي اللي انت عرفته عن يوم الحريق. = طيب استريحي كده لحد لما اطلبلك حاجه تشربيها ، قهـوه سُكر زياده صح - آه ? = بصي يا نادين انتي اكيد كنتي عارفه طبعاً أن احمد صاحبي عنده السكر وأنه كان دايماً بيدخل في غيبوبه سكر . - ايوه طبعاً عارفه =في الفتره الاخيره احمد كان قلقان بشكل كان بيخليني اشك أنه مخبي عني حاجه بس لما كنت بسأله كان بيقول مفيش حاجه ، بس أهل احمد في الفتره دي كانوا بيسافروا البلد دايماً وأحمد جاب كاميرا حطها في البيت عنده والكاميرا التانيه كانت عندي ولما سألته عن السبب قاله أنه خايف يحصله غيبوبه سكر وهو لوحده وميلاقيش حد ينجده ، انا اخر مره كنت متابع الكاميرا في اليوم اللي قبل الحادثه ، لأن يوم الحادثه طبعا اشاره الكاميرا فصلت خالص لأنها اتحرقت في النار ، يوم ما كلمتك لقيت تسجيل ليوم الحريق وعرفت سبب كل اللي حصل واللي مكنش صدفه خالص... - انا مش مصدقه ايي اللي بتقوله ده يا رامي ، يعني فيه حد عمل الحريق ده عن قصد ونيته أنه يقتل احمد واختي ماتت كمان فيه. = لا مكنش الهدف يقتل احمد بس ده كان انتقام يا نادين ، انتقام من نـدي لأنها فضلت احمد اللي من العالم بتاعنا عن واحد من عالم الجن.. - واحد من عالم الجن ، انا مش فاهمه حاجه يا رامي =الموضوع ببساطه يا ندي أن كان فيه واحد من عالم الجن بيحب نـدي اختك وكان عاوز يخليها تنضم للعالم بتاعه ويتجوزها وطبعاً كلنا عارفين ندي بتحب احمد من صغرنا ازاي ، ندي فضلت احمد عليه بطريقه كانت بتستفز الجن ده بيها ويوم عيد ميلادكم ، الجن كان قايل ل ندي أو محدد ليها اخر ميعاد علي ما فهمت من الكلام انها قصاد خيارين الأول انها توافق علـي كلامه انها تتجوزه وتكون ضمن عالمه أو الخيار التاني لو رفضت يبقي هيكون مصيرها الموت بأب*ع طريقه هي والشخص اللي فضلته عنه ولما نزلت لأحمـد تناديه يطلع يحضر الحفله لأنها خايفه أنه يكون لوحده ويحصله حاجه ، الجِني ده طلع ليهم وبعد حوار بينهم اللي انا لخصته ده ، نـدي وأحمد اتمسكوا ببعض ووقفوا قدامه لكن هو نفذ اللي قال عليه والبيت كله بقا عامل زي جهنم كله نار عشان كده المطافي لما جات كان صعب عليهم يطفوا الحريق لأنه ببساطه مكنش حريق عادي ، كان حريق بفعل من الجن .. هشغل الفيديو بس خليكي هاديه انا عارف الموضوع صعب انك تشوفيه .. - - - = نادين فوقي نــاااادين..... ________ =الحمدلله خضتيني عليكي يا نادين. - شـااكر شـاااكر = شاكر مين ، فيه اي يا نادين أنتِ هلوستي ولا اي فوقي ، انا عارف الفيديو صعب عليكي انك تشوفي اختك وسط النار دي لكن قضاء ربنا منقدرش نعترض. - اللي كان مع ندي وأحمد ده اسمه شااكر انا عرفااه . =تعرفيه ازاي يا نادين بقولك جِني، يعني مش بشر زينا . ( حكيت ل رامي كل حاجـه من يوم ما شوفته في المقابر لحد آخر مره شوفته فيها.) = يا نهار ابيض يا نادين كل ده حصل معاكي ، بتحبي جِن ازاي تصرفاته دي كلها ومشكتيش فيه ، نادين قومي احنا لازم نروح القصر ده ولا لقيناه مهجور فعلاً يبقي اللي قتلهم هو شاكر ده فعلاً . ** حبيت من الجن ، انا عشقت واحد من عالم تاني طيب ازاي صدقت عيونه وكلامه بس فعلاً تصرفاته كانت غريبه ... روحنا المكان اللي فيه القصر وفعلاً زي ما توقعنا القصر كان مهجور زي ما شوفته من سنيين انا ونـدي ، رامي سأل ناس من المنطقه علي القصر قالوله إن القصر مسكون ومن زمان وهما بيسمعوا اصوات غريبه بتطلع منه لكن محدش كان عنده الجرأه من اهل المنطقه أنهم يقربوا منه لأن كان فيه كلام بيتقال أن القصر ده اي حد بيدخله بتحل عليه لعنـة القصر اللي بتفضل تأذيه في حياته لحد لما يمـوت. = معنـي كده أن نـدي اختي اللي حصلها بسبب لعنة القصر وبما أني دخلت القصر معاها فـ نفس ا****ة حصلت ليا وأن شــاكر هو اللي بينفذ ا****ة والآذي ليا ، يعني انا كمان هموت قريب يا رامي.. - اهدي يا نادين اهدي ، إن شاء اللـه استحاله يحصل ليكي حاجه وانا موجود ، احنا لازم نروح لأهلك نحكيلهم كل اللي حصل وبعدين نشوف حد متخصص في طرد الأرواح دي ويخلصنا من شاكر ومن لعنة القصر .. ___________________ روحنا لـ دكتور كبير متخصص في طرد الأرواح اللي من العالم التاني وبيفهم كويس في الحاجات دي ، وقالنا فعلاً أن شاكر ده جِني وأنه من جِن المقابـر وان النوع ده معظم حياته بيقضيها في المقابر وأنه كان مُكلف من كبير الجـن بآذيه نـدي ولسـوء الحظ أنه بدأ يحب نـدي وأنه كان عاوز يتجوزها لكن عالمه رفض الجواز إلا إذا نـدي أصبحت جزء من عالمهم وندي رفضت طبعاً وكمان فضلت شخص من البشر عليه و دا اللي استفزه وخلاه يرجع للأمر المُكلف به واللي انتهي بقتل نـدي والشاب اللي بتحبه ، لكن شاكر نفسه نِدم بعد ما قتلهم لأنه كان بيحب نـدي فعلاً ، ولما لقي نـادين عندها حب وإخلاص لـ نـدي وكمان كل صفات نـدي موجوده في نـادين ومش مجرد أنهم توأم بدأ يحبها ده غير أن وجود نـادين معظم الوقت في المقابر كان سبب كبير أنه يتقرب منها ويتمني أنه يتجوزها وياخدها لعالمه زي ما كان بيتمني ياخد نـدي للعالـم التاني. الحمدلله الحمدلله بفضل اللـه ثم فضل الدكتور ده قدر أنه يحرق شـاكر ولعنة القصر اتحلت عني وبقيت حُره ، متصورتش اني ممكن فـ يوم من الأيام اقع انا واختـي في كارثه زي دي او تصيبنا لعنة نتيجتها أن اختـي فارقت الحياه هي وأحمد وانا كنت هلحقهم ، واني يوم ما اعشق حد يكون من عالم الجن بس دي آخرة فضول نـدي اختي انها تدخل امـاكن معروف انها مسكونه أو اللي يدخلها بتصيبه لعنتها.. الحمدللـه لولا فضل رامي ووقفته معايا كان زماني الضحيه التانيه للعنة القصر... = لو فضلت عمـري كله اشكـرك يا رامي مش هيجي حاجـه واللـه في وقفتك معايا ، انت أنقذتني بجد - انا مش محتاج شكر يا نـادين ، انتي عارفه أن مكانتك عندي كبيره جدا من واحنا لسه صغيرين اقصد انتي ونـدي الله يرحمها .. = الله يرحمها يـارب هي وأحمد ، طيب محتاج اي اقدر اعمله ..؟! - فرصه.. = فرصة اي - نـادين انا.... انا . = انت اي يا رامي ، عاوز فلوس ولا حاجه - يااربي علي خفه دمك اللي مش هتسيبك دي . = تصدق اني كنت بحب ارخم عليك اووي انت وأحمد واحنا صُغيرين وبالذات لما كنا نلعب وت**بنا وتخليني اخسر ، عاارف ازاي نـادين تخسر قدام حد هه. - الحقيقه يا نـادين انا اللي خسرت مش انتي خالص.. = خسرت ، خسرت اي - خسرت راحة قلبي وخوفي انك تضيعي مني في كل السنيين دي ، لما كبرنا مبقاش لينا علاقه ببعض غير لو اتقابلنا صدفه عند أحمد وكنت بعرف اخبارك دايماً منه ولما مات مبقاش فيه اي ظرف يحصل يجمعني بيكي ، كنت خايف تتعلقي بحد السنين اللي عدت دي وخصوصاً اني كلمت باباكي عشان اجي اتقدم لك وبعدها رد عليا وقال مفيش نصيب ، واللـه متعرفيش الأفكار اللي جات في بالي اي وانك تكوني بتحبي حد بس الحمدلله أنه مش بشر وخلصنا منه = يااه يا رامي كل ده ومستحملني .. - علي قد ما انا حابب قربك ليا انهارده قبل بكره إلا أني قادر استناكي العُمر كله بس اكون متأكد أن نـادين مش هتبقي لحد غير ليا ، انا عارف انك مريتي ب*روف وحشه جداً بس انا مش طالب منك حب دلوقتي انا طالب منك فرصه لو حاسه اني فعلاً بحبك وهقدر اسعدك واوفرلك الامان في وجودي بقربك فأنا بطلب منك فرصه.⁦ =وانا مـوافقه بس هو انت ممكن تطلع مش بشر يا رامي .! - انا بقول تعالي ندخل للدكتور ولا الشيخ دهه وهو يأكدلك ان أنا بشر ومُغرم كمـان فـي حضرتك.

Free reading for new users

Scan code to download app

App Store Google Play

Facebookexpand_more