TLI
CHAPTER 5
ILANG araw din ang ginugol namin para makapagtayo ng masisilungan na maituturing na rin naming bahay. Mabuti at meron kaming kasamang inhenyero at arkitekto, si Victor. Meron din naman akong background sa pagko-contruction dahil noong nasa training ako, noong dapat ay magpupulis ako, kami ang gumawa ng sarili naming mga barracks. Tumulong din naman sa amin si Michael at Stephanie. Simple lang ang pagkakadesinyo sa tinayo naming bahay. Eksakto lang para meron kaming masisilungan at matutulugan. Tinirik lang namin ito rito malapit sa dalampasigan, sa bungad ng papasok sa kagubatan. Nagkataon na meron apat na matatayog na puno na niyog na nakaposisyon sa apat na kanto na ginawa naming pansuporta. Gumamit lang kami ng mga nahabi-habing palapa ng niyog para sa pader at bubung
