MALAPAD ang ngiti sa labi ng mag-asawa nang marinig nila mula sa binata ang pasasalamat dahil sa masarap at nakakabusog na putaheng inihanda ng mga ito sa aknila ngayong araw. Matapos kumain ay nagpaalam muna si Maida na iaakyat ang bunsong anak dahil nakatulog na ito. Si Castor naman ay naghuhugas doon ng plato kaya kahit na tirik ang araw, niyaya ni Eveleen si Janus na lumabas at magpunta sa likod-bahay.
“Ano’ng meron doon?” tanong ng binata paglabas nila.
“May maliit kaming kubo sa likod. Ginawa ‘yon ni Papa para doon kami maglaro ng kuya ko dati. Hindi ko naman na madala roon si Len-Len kasi ang layo ng agwat ng edad naming dalawa. Hindi na bagay sa akin ‘yon,” tugon ng dalaga habang kasalukyan silang naglalakad.
“Eh, bakit tayo pupunta roon?”
“Magpapahangin lang tayo. Presko k
