KINABUKASAN, maagang gumising si Eveleen para maghanda ng sarili niyang almusal. Kagabi, matapos ang mabilis na hapunan nila ni Janus ay tinawagan niya ang ama’t ina ngunit tila maagang natulog ang mga ito. Kaya naman matapos maligo ay agad niya itong tinawagan.
“Hello, Ma,” masiglang bati niya habang tinatanggal ang pagbalumbon ng tuwalya sa buhok.
“Anak, Eveleen, kumusta ka? Kumusta ang unang araw mo kahapon? Pasensya ka na kung hindi namin nasagot ang tawag mo kagabi. Alam mo naman na maaga kaming natutulog dito.”
Napangiti siya. Excited siyang magkuwento sa naging magandang unang araw niya sa eskwela.
“Alam mo, Ma, may kaibigan na ako sa classroom namin…si Tiffany. Ano, mayaman siya, Ma. Pero hindi siya…” Hindi niya tinuloy ang susunod na sasabihin. Kahit na ganoon pa man, mukha
