روايه بنات حارتنا

روايه بنات حارتنا .....البارت التاني ......

چودي : طبعا يا بابا اتفضل. ..

بابا جودي : بصي يا بنتي انتي بيحيلك عرسان كتير و بترفضي من غير ما تشوفيهم حتي . .

چودي : هو انت عاوز تخلص مني يا حج و لا ايه .

بابا چودي : بس يا . بنت بطلي هزار هو في حد عاوز يخلص من العسليه دي برضه انا عاوز افرح بيكي

چودي : يا بابا لسه مجاش النصيب

بابا جودي : انا عارف دماغك فيها ايه و ايلا مبقاش غاهمك يا بت دانا اللي . مربيكي و فاهمك اكتر من امك اللي نايمه جوه دي .

چودي : انت حبيبي يا بابا و فاهمني و عارفني عايزه اقعد معاكم شويه . .

بابا جودي : يعني لو علي . احه و اتقدم هترفضي برضه . .

چودي : علي مين .

بابا جودي : علي مين يا بابا برضه علي ابن عمك محمد اخو فيروز اللي كنتي عندهم الوقتي .

چودي : انا . .

بابا جودي : انا يا بنتي . نفسي افرح بيكي قبل ما اموت . .

جودي : بعد الشر عنك يا بابا .

بابا جودي : انا عارف انك مياله لعلي و علي مش و حش الولد كويس و ابن حلال و احنا عارفينهم من زمان و متربين سوا بس انتي بنتي و عاوز افرح بيكي . .

چودي : انا كمان نفسي .افرحكم و الله بس نصبر يا بابا مش انت و اثق في بنتك و عارف اني عمري ماهعمل حاجه غلط . .

بابا جودي : ربنا يسعدك يا بنتي .

چودي : يارب يا بابا انتي اتعشيت

بابا جودي : اتعشيت انا و مامتك و هي دخلت نامت .

جودي : طيب لو هتنام ادخل انام و لو هتقعد اسهر معاك . .

بابا جودي : لاء يا بنتي . انا هدخل انا انا و انتي ادخلي نامي زمانك تعبانه طول النهار مع صاحبتك .

جودي : تصبح علي خير يا بابا .

سليم اخو جودي : انتي لسه جايه .

جودي : ايوه يا سليم انا قايله لبابا و ماما و هما عارفين . .

سليم : يا جودي انا اخوكي و خايف عليكي و مش عاوز حد يجيب سيرتك باي كلمه . .

چودي : بقولك ايه يا سليم انت عارف اختك كويس اوي و انا مبعملش حاجه غلط و المفروض ان احنا كلنا متربين سوا و انت و علي اصحاب و انا و فيروز اصحاب و جيران و عشره عمر يا عني الناس عارفه علاقتنا كويس اوي و محدش بيتكلم . .

سليم : بتغلبني بكلامك ديما . بقولك ايه عاوز اقولك حاجه .اتكلم معاكي في موضوع و اخد رايك فيه . .

چودي : سليم اخويه الكبير هيستشرني في موضوع و النبي ما مصدقه نفسي ههههههه . .

سليم : بطلي بقي رغي و الا مش هتكلم .

چودي : خلاص يا عم انت اتقمصت تعال ندخل في اوضتي و نتكلم . .

سليم : بقولك ايه يا چودي هي صاحبتك ميرنا دي عمرها ما حبت حد قبل كده .

چودي : و انت مالك يا سليم بميرنا دي حاجه تخصها هي لوحدها و ملكش تسال فيها . .

سليم : تصدقي انا غلطان اني اتكلمت معاكي يا بت انتي . .

جودي : هو انت بتحبها . .

سليم : بصراحه اه . .

جودي : ههههههههههه يالهوي . .

سليم : ايه هي بتحب حد غيري .

چودي : انا بضحك علشان هي مش بتحب حد اصلا لا انت و لا غيرك ده اهم خاجه في حياتها النوم يا ابني.

سليم : طيب انا بخبها و عاوزه تفاتحيها و تعرفي رايها . .

جودي : بص يا سليم يا اخويه انا هشوف الاقيها بس صاحيه و مركزه و هعرف منها رايها في الحب هههههه . .

سليم : متهزريش بقي يا جودي انا غلطان اصلا روحي نامي يالا . .

جودي : انا بتكلم جد و الله هكلمها حاضر بس قولي من امتي الحب ده عمرك يعني متكلمت معايه خالص في الموضوع ده و لا حتي بينت انك معجب بيها و بتحبها . .

سليم : اخوكي تقيل طول عمري . .

چودي : و يوم ما تحب تحب ميرنا اللي اهم حاجه في حياتها النوم انا حاسه انها من كوكب تاني البت دي ربنا يعوض عليه مصاحبه شويه بنات دماغهم مجنونه بس اطيب خلق الله . .

سليم : مش هوصيكي بقي تطمنيني لو قالت اه هكلم ماما و بابا و نروح نتقدملها . .

جودي : ربنا يسعدك يا سليم . .

سليم : يالا تصبحي علي خير اقوم انا لحسن عندي شغل الصبح . .

جودي : و انت من اهل الخير .

جروب الواتس بتاعنا بقي . .

فرح : انتوا فين يا بنات . .

ملك : انا هنا اهو موجوده . .

ميرنا : و انا كمان . .

ملك : ههههه ايه ده انتي صحيتي و لا ايه يا ميرنا .

ميرنا : نمت ساعه و صحيت علي الرخمه اختي و هي بتعيط عشان اخوها ض*بها .

ملك : هي ياسمين اختك و محمد اخوكي لسه صاحيين .

فرح : تتحسدي يا بنتي انك صاحيه .

ميرنا : اخواتي بقي الله يسامحهم .

مريم : هاااي يا بنات .

فاطمه : هاااي عليكي يا اختي .

فرح : خبيره الذره و دحيحه الكتب فاطمه اهلا اهلا هههههه .

فاطمه : بطلي يا فرح انا مش فيقالك .

ملك : خلاص يا فرح اصل الدكتوره شكلها زعلت ههههه .

مريم : امال فيروز فين شكلها مش فاضيه بتكلم العريس بقي .

فرح : يا سلام يا بختها .

فاطمه : بكره تندم .

فيروز : بتجيبوا في سيرتي ليه .

جودي : اهلا بالعروسه .

فيروز : عقبالك يا اللي محيره اخويه كده و مش مخلياه عارف ينام .

چودي : انا .

فيروز : امال انا .

جودي : بقولكم ايه يا بنات عاوزكم في موضوع .

فاطمه : قولي يا رب تكون حاجه مفيده .

فرح : روحي نامي يا فاطمه انتي يا اختي ملكيش في الحاجات دي انتي تحيبلك كتاب تقريه اهو ينفع برضه تزودي المعلومات اللي عندك .

جودي : بطلوا بقي و اسمعوا الموضوع .

فيروز : قولي يا جودي .

جودي : سليم اخويه عاوز يخطب واحده و عاوزني اعرف هي بتحبه و لا لاء .

فرح : اكيد انا .

جودي : لاء مش انتي يا فرفوشه هو بيحبك و بيعاملك زي اخته اللي هو انا .

فرح : ما انا عارفه يا اختي ههههه .

فيروز : امال مين يا جودي .

ملك : عقبالي لما ابن عمي يجي يتقدملي .

فيروز : الناس كلها عارفه قصه حبكم .

مريم : ما تنطقي بقي مين .

فاطمه : اكيد واحده محنونه زيكم بتفكر في الحب و الحاجات دي. .

چودي : لاء و الله دي اهم حاجه عندها النوم هههههههه

ميرنا : ايه ده هو في حد بيحب النوم قدي مش معقول مين دي .

فيروز : انا عرفتها ههههه .

فرح : و انا كمان هههههه .

ملك : شكلها اللي في بالي .

ميرنا : انتو كلكم عرفتوها و انا لوحدي اللي غ*يه و لا ايه .

چودي : في حد ما يعرفش نفسه .

ميرنا : بنقولي ايه انتي بتهزري صح يا لهوي يا لهوي

چودي لاء مبهزرش سليم بيحبك يا اختي و قالي النهارده و عاوز يجي يتقدملك بس عاوز يعرف رايك الاول .

ميرنا : انا قلبي هيقف .

فاطمه : حتي انتي يا ميرنا هههههه .

چودي : ايه رايك .

فيروز : و هي دي فيها كلام محدش يقدر يرفض سليم ادب و اخلاق و جمال و بيحبك .

مريم : بصراحه يا ميرنا انا لو منك اوافق بس انا بحب احمد يارب يتقدملي .

جودي : قولتي ايه يا بنتي .

ميرنا : هو انا بصراحه كنت بدأه اعجب بيه بس كنت م**وفه و كده .

فرح : اخيرا نطقتي لولولييييييي .

فاطمه : مب**ك يا ميرنا .

ميرنا : فاطمه هو انتي بتباركيلي و لا انا بتهيالي هههه .

فاطمه : انا كل مشكلتي اني بحب القراءه و عشقي الكتب و الروايات ده كل تفكيري يا بنات .

فرح : احنا فهمينك يا اختي هههه .

فيروز : چودي روحي فرحي اخوكي يالا .

ميرنا : لاء استني متقوليش ليه حاجه دلوقتي سبيه كده حيران .

چودي : جررام عليكي يا ميرنا ليه ده غلبان و الله و طيب. .

ميرنا : ايوه طبعا و من يشهد للعريس. .

فيروز : يالا بقي يا بنات تصبحوا علي خير. .

ملك : و انتي من اهل الخير .

فرح : و انتي بخير .

ميرنا : و انتي بخير .

چودي : و انتي من اهل الخير يا عروسه .

فاطمه : و انتي بخير .

مريم : انا نمت اساسا ههههههه و انتوا كلكم بخير يا بنات .

و تاني يوم چودي صحيت من النوم و ندهت سليم اخوها و قالت له ..اصحي يا عريس .

رد سليم : هو انتي قلتلها

چودي : و طلعت معجبه بيك يا حبيبي .

سليم : بجد و الله . .

جودي : بص يا سليم انا هقولك كلمتين ميرنا دي اطيب قلبي فينا و حنينه و ملهاش في اللف و الدوران يوم ما تتقدملها و يحصل النصيب تاخد عهد علي نفسك انك عمرك ما هتزعلها ابدا عشان خاطري .

سليم : اوعدك يا چودي و الله انتي عارفه اخوكي راجل من يومه .

: يالا قوم شغلك عشان ولما ترجع تكلم نزل ماما و بابا في الموضوع و تشوف هتعمل ايه .

نزل سليم راح الشغل ....و هو في الشارع شاف .. .

نكمل البارت الجااااي .....