Tahimik kaming pumasok ni Kyera sa guild. Gamit ang gift niya ay pinakikiramdaman niya ang mga tao sa guild upang di kami mahuli.
Habang naglalakad ay nabigla ako nang napahawak bigla sa tenga niya si Kyera. "s**t! Ang ingay ng kasama mo!" Mahina pero iritadong sambit niya.
Kahit hindi niya sabihin kung sino yun ay alam ko na kung sino ang tinutukoy niya.
Sa dalawang kasama ko na maingay ay imposibleng si Alvis yon. Natural ang mokong na si Helix ang nag-iingay na yon.
"Nandun sila."
Tinuro ni Kyera ang isang pintuan na agad naman naming pinuntahan. Kahit hindi pa namin sinisilip sa loob ay naririnig ko ang boses ni Helix.
"Ano?! Mahihina! Hindi niyo ko kaya!" Sigaw ni Helix sa loob.
Napasinghap na lamang ako sa sinasabi nito.
"Cleofa." Napatingin ako kay Kyera nang tinawag niya
