Hindi alam ni Alessandra kung saan sya pupunta. Gabi na at wala syang magawa kundi ang maglakad muna papuntang 7/11. Wala ang sasakyan nya kaya nag-text sya kay Nicole na sunduin sya sa 7-11 at doon sya maghihintay.
Hindi pa ito nagrereply sa kanya. Hilam sa luha ang mga mata nya habang binabagtas ang daan sa kalaliman ng gabi. Ayaw nyang magpalipas ng gabi kasama si Zac dahil galit na galit ito sa kanya. Halos hindi na nya ito kilala at lango pa ito sa alak. Natatakot sya sa maaari pa nitong magawa sa kanya kapag nanatili pa sya doon.
Bakit kailangang mangyari sa kanya ang lahat ng ito?
Wala syang ginawang masama at hindi totoo ang lahat ng paratang nito sa kanya. Wala syang kaalam-alam sa mga nangyari kung bakit bigla na lang nagkaroon sya ng ganoong video.
Gusto nyang magpaliwanag
