Isang gabi, seryoso sa panonood ng paboritong teleserye ang magkapatid na si Chloe at Jane. Habang si Angelica at ang panganay na si Ara naman ay nasa kwarto ng kasambahay na si Lea at nakikipagkulitan. Tapos na kasi ang mga gawaing bahay sa gabing iyon kung kaya't malayang nakikipagkulitan na ito sa dalawang magkapatid. Ganito lang sila tuwing gabi, habang hinihintay ang pagdating ng kanilang mga magulang.
Nakahanda nadin ang hapag kainan na naghihintay na lamang sa pagdating ng mama at papa nila. Kasama ng kanilang mga magulang si Sheena na sinasanay nila sa pagnenegosyo. Sa bilog at babasaging mesa nakaayos ang plato, kubyertos at mga baso. Pinasya naman ni Lea na ihain ang hapunan kapag dumating na ang kaniyang mga amo upang hindi ito lumamig. Mga ilang minuto lang siguro ang itataga
