Unti-unti namang nabalutan ng sigla ang buong kabahayan nang dumami na ang naninirahan dito. Panandalian din nilang nakalimutan ang ilang mga pangyayari sa bahay. Kamakailan lang ay dumating ang pamangkin ni Melissa kasama ang asawa nitong nagdadalang tao na si Cindy. Dito muna sila pinatira ng mag-anak hanggang sa maipanganak ang kanilang panganay. Hindi kasi tulad ng mga kamag-anak ng asawa ni Melissa, hindi gaanong angat sa buhay ang kaniyang mga kapamilya. Wala na kasing mas nakakaangat sa buhay bukod sa kaniya. Kaya naman kung may pagkakataon, tinutulungan ni Melissa ang mga ito. Kasama na nga ang pagbibigay pahintulot na makitira ito sa kanila.
Si Reymart ay ang pamangkin ni Melissa na hinayaan niyang mamasukanrin sa kanila. Kung tutuusin kasi, mas mabuti nang ipagkatiwala nila ang
