~ في المدينة المجاورة ..
في جردة نفس الفيلا ، كان كايعوم في البيسين ..
هذا فصل الربيع ، مازال ماوصل وقت البيسين و العومان ، و لكن الجو متقلب و الحرارة كاتطلع و تنزل ..
إضافة الى حرارة جسدو لي ولات في ارتفاع مستمر لاسباب بدات تخرج من يديه ..
مابقاش قادر يتحمل هادشي ، تحملو لوقت طويل ، طويل بالزاف و دابا جا الوقت يطفيه ... يبردو ..
في البعيد كان الخادم المخلص ليه و الوسيط -و لي متقدمين في العمر- كايتف*جو فيه ، كايتحسرو على حالو هذا لانه كايهمهم ، بالنسبة ليهم ماشي غير سيد و انما شي حاجة اكبر ..
مستعدين يحميوه ، يخدموه و يبقاو في جنبو لآخر الطريق ..
مادار على قبلهم كان يستحق هادشي ...
رغم قسوتو ، حدة مزاجيتو و مرورتو ، كايتحملو هادشي كامل في سبيل عشرتهم الطويلة ..
تن*د الخادم و قال :"" ماكانحملش نشوفو هكا ، 9 اشهر و هو حابس رأسو هنا ، بحال الى وقف في الحافة ، مخلي كاع الحياة لي صنعها
