ألاء و لعنة تالا

"" ماكانش عليك ديريها ، ماكانش عليك  تتزوجي بشري ، هذا ذنب كبير ارتاكبتيه البيل**نة ، غلط كبير في حقو ، في حقك ، في حق وجوديتكم ، ماغاينساهش لك ، انت ماعارفاهش شحال كان كايتسناك ، تسناك بصبر كبير لوقت طويل ، و شوفي البيل**نة اشنو درتي ... شوفي اشنو درتي .. "" شهقة من فم آلاء كانت كافية باش تفزع زين ال**بدين لي كان يالله ناوي يتخشى في الفراش في جنبها بعدما كان سهران مع خدمتو ، شاف فيها كيف شي ملسوع ، بحيت شهقات و حلات عينيها ، كانو حمرين غير واعيين ، بعدما شهقت تمتمت كلام غير مسموع و دارت على جنبها و كملات نعاسها و كأن شيئا لم يكن ، تن*د هو الآخر بغير حيلة و هز حواجبو و تمتم مع نفسو .. "" الله يستر "" و ما إن طفى الأبجورة جنبو و دار لجهة زوجتو حتى تفزع و انتافض في بلاصتو و خرج عينيه في الظلام ، كايحاول يفهم اشنو هاد*ك الكومة السوداء قدامو ،لي سرعان ما فهم اشنو هي منين دارت عندو و برقو زوج جوهرات من خلالها بشكل طفيف بالكاد قدر يلتاقطهم بعينيه ، الكومة كانت زوجتو .. "" يا هاد المرأة تكايسي على هاد القلب راك غاتسكتيه "" قال زين ال**بدين و هو كايرجع لوضعية استرخائه . أحس بيها توسدت جذعو و حطت يديها على ص*رو و قالت :"" حلمت بشي حاجة في شكل ، ضايقاتني و لكن ماعقلتش اشنو هي "" جاوبها كايقاوم النوم و هو كايربت على ظهرها :"" ماعليش احبيبة ، ذكري الله و غاترتاحي "" احس بيديها هاد المرة على ذقنو ، كاتحرك فيه و كاتقول :"" هاذي مدة و كايوقع ليا هادشي ازاين ، ديما كانفيق باحساس الذنب ، الخوف او الضيق ، وا زاين ال**بدين واش كاتسمعني ؟ "" اص*ر زين ال**بدين زمجرة من ص*رو و حل عينيه بمشقة ، شاف فيها و ضمها و هو كايتقلب بيها على جنبو ، قبل رأسها و مشى راحة يدو على ظهرها كايريحها و قال :""واخا ، غير نعسي دابا احبيبة "" و بحال الى ماكانش كايتصنت ليها ، مافيديهاش تلومو او تتذمر من هادشي ، هي في مراحلها الأولى في الحمل ، جسدها مازال كايتحول ، و هاد التحول كايخلي حرارتها تعلى مما يتيح للكوابيس و الهلوسات تلقى ليها طريق .غمضات عينيها و هي كاتن*د ، ضامة نفسها بين يديه ، حبها ، زوجها و نصفها التاني ، باحتة على الراحة و الطمأنينة ، و هكاك رجعات لنومها و غطت فيه بعمق .