بعدما عرفت آلاء حقيقة كونها بيلسانة ، التفسير المنطقي لاختلاف شكلها على باقي البشر . فهمت باللي ماشي من مصلاحتها تكشف سرها للناس ، خاصة السحرة منهم ، غايقتلوها ، غايشربو دمها و يلتاهموا اعضاءها .. و بعدما نجحت بالتخلص من لعنة النحس لي كانت عاطبة حياة زوجها بكاملها ، اليوم بدات كاتكتاشف اشياء اخرى كانت بعيدة تمام البعد على الحياة الهادئة و العادية لي كانت عايشاها ، أسرار بعيدة على عيون و ادراك البشر ، و الحقائق لي اكتاشف ابوها و صديقه ، ماهما غير نقطة في بحر عميق و واسع . و من جديد ، غاترجع الحركة في حياتها ، حروب و صراعات بين غرائزها و رغبتها الحقيقية ،تهديدات غاتثير حمائيتها تجاه أسرتها الصغيرة .. غاتحاول تتمم واجبها في الحراسة على أكمل وجه ، خاصة مع ديك المشاغبة الصغيرة ، تغريد ، اللي بسباب الملل فحياتها لعبات بالعافية و طاحت بين براثن ساحرة شريرة، ماغاتخليهاش تحرق نفسها ، ماشي هادشي لي كايمليه عليها واجبها و غرائزها ..

?الجزء الأول من سلسلة : أسياد فوق الطبيعة ? ?سحر اسود و واقع بمزيج من الخيال ... فاش كانت آلاء كاتكبر قدامو ، ماكان زين العابدين كايشوف فيها غير بنت مدللة ديك الطايشة و قليلة الادب اللي صوت الموسيقى العالي واصل لبيته من نافذة غرفتها المقابلة ليه . ماكاتعنيش ليه اكتر من جارة غريبة ، مزعجة اكتر من لعنة النحس اللي تبعاتو حياتو كلها ،ماكانت عندو حتى فكرة عن حقيقتها ..شكون هي ؟و اشنو كاتملك ؟ ألاء كانت كاتملك حياته ، خلاصه من اللعنة اللي وحلات حياته في شباك النحس . ___________________ • القصة مسرودة بالكامل باللهجة المغربية . • الغلاف من تصميمي الخاص . •القصة من تأليفي ، لا أحلل نسخ او الاقتباس منها في اي عمل آخر . ▪Rain Dali .