ALAM ni Lauren na malaki na ang katanungan ng mga tao sa opisina ni Finn kung ano ang madalas niyang ginagawa sa opisina ng mga ito. Isang beses sa isang linggo kung bisitahin niya kasi ang asawa at hinayaan na lang niya na manghula ang mga tao roon.
May palagay siyang may ideya na rin naman ang iba pa. Tuwing hapon kasi siya nagpupunta roon at madalas na kasabay niya si Finn na umaalis ng opisina nito.
“By the way, how’s Kori?” tanong niya kay Finn nang naroon na sila sa sasakyan.
May kadiliman ang loob ng kotse nito kaya hindi niya nakita ang paghigpit ng hawak nito sa manibela.
“She’s fine.”
“Nakausap ko si Brett kaninang umaga... H-he wants to meet Kori.” Ayaw niya sanang makialam sa problema ng kaibigan niya at ni Kori, ngunit hindi naman siguro masamang tulungan niya si Bret
