ILANG ORAS din ang naging biyahe nina Emily, bago nila narating ang kanyang Probinsya na nasa isang island sa Northern Luzon. Napaka payak din ng lugar nila at ang mga kabahayan na makikita doon ay mga yari lamang sa Kawayan at Cogon. Ang kanilang daan ay malubak at maputik.
Karamihan sa mga tao sa kanilang lugar ay nabubuhay lamang sa pangingisda at pagtatanim ng gulay. Isa ang kanyang ama sa mga mangingisda at magbubukid sa kanilang lugar.
Habang papalapit ang sasakyan sa bahay nila, ay lumalakas naman ang kaba sa dibdib ni Emily. Masaya siya dahil muli na niyang makikita ang kanyang ama. Ngunit natatakot din siya, dahil sa takot na baka hindi siya tanggapin ng kanyang ama. "Bahala na!" tanging nasabi ni Emily sa kanyang sarili. Dahil nakikita na niya ang kanilang bahay na hindi nama
