Kaibigan ni Andrea si Lianne. Bestfriend. O mas tamang sabihin na bestfriend kapag nakaharap siya. Wala itong kaalam-alam sa tunay na intensiyon niya kung bakit hanggang ngayon ay pinagtitiisan niya pa rin ang pagiging mag-bestfriend nila. Wala ring kaalam-alam si Lianne na si Andrea ang nagpapakasasa sa perang nanggagaling sa kompanyang itinayo ni Gerard.
Tanga at uto-uto ang tingin ni Andrea sa bestfriend na si Lianne. Wala kasi itong sariling desisyon. Basta sinabi ng mga magulang, ay iyon agad ang susundin kahit nasasaktan na ang damdamin. Malaki kasi ang takot nito sa mga magulang na labis na ipinagbubunyi ni Andrea. Dahil doon ay wala silang nagiging problema ni Gerard. Close na rin siya sa mga magulang ni Lianne at tila anak na rin ang turing sa kaniya kaya naman ay nagagawa niyan
