Hindi nagpalipat linggo at tuluyan ng nagtungo sa ibang bansa ang mag-asawang Borromeo. Wala namang pasidlan ang tuwa sa dibdib nina Andrea at Gerard dahil sa wakas ay malaya na nilang magagawa ang kanilang mga nais. Magagawa nilang ipagpatuloy ang kanilang maitim na balak sa kompanya ng mag-asawa.
"I told you, Babe," saad ni Andrea nang araw na iyon matapos nitong ihatid ang mag-asawang Borromeo sa airport. "Mauuto natin ang mga Borromeo. See? Napaalis natin sila sa bansa nang hindi man lang nakakahalata sa mga plano natin." Napakaluwang ng pagkakangiti nito saka niyakap si Gerard na noo'y nakakulong pa rin sa upuang de gulong.
"Kailangan na nating kumilos, Babe," patuloy pa ni Andrea. Kumalas ito ng yakap saka naupo sa pang-isahang sopa. "Kailangan nating makuha ang mga kayamanan ng mg
