Wala pang isang linggo matapos ang libing ay ipinasya ni Mr. Borromeo na umalis ng bansa kasama ang asawang si Melinda. Sa simula pa lang ay mahigpit na ang pagtanggi ng huli, subalit dahil na rin sa maya't mayang pangungumbinse ni Andrea, ay pumayag na rin ito. Wala namang mapaglagyan ang saya sa dibdib ni Gerard sa balitang iyon lalo na nang ianunsiyo ni Mr. Borromeo sa harap mismo ng mga empleyado ng kompanya na sa manugang nito iiwan ang pamamahala roon.
"Tita Melinda," saad ni Andrea habang tinutulungan ang ginang sa paglalagay sa maleta ng mga dadalhin na damit. "Germany is the best place to go at this time of year." Napakaluwang ng pagkakangiti nito, subalit naroon sa mga mata ang galit, poot at inggit habang pinapasadahan ang mga signature dress na pag-aari ng ina ni Lianne. Karam
