Huwebes ng hapon nang bumalik sa Maynila ang mga magulang niya galing Cebu. Dumaan muna ang mga ito sa bahay nila ni Gerard na labis na ikinabigla ni Lianne. Hindi niya akalain na agad na bibisita ang mga magulang niya.
Sa labas pa lang ng mansiyon ay napansin na ni Lianne ang inis sa mukha ng mga magulang. Ni hindi ngumiti ang mga ito nang bumeso siya. Nakasimangot ang dalawa habang naglalakad papasok sa bahay nila ng asawa niya.
"How's your vacation, Mom, Dad?" Ngumiti si Lianne saka pinaupo ang mga magulang nang naroon na sila sa living room.
"Ayos naman," matabang na tugon ni Melinda, samantalang si Andres ay nakatuon amg atensiyon sa hawak na cellphone. "Pero mas masaya kung sumunod kayo ng asawa mo sa Cebu." Ikinurus nito ang mga braso sa harap ng dibdib nang makaupo na.
"Oh, I a
