قاد أحمد مسعود ووالدته حتى الباب وقال لمسعود وهو يخرج من المنزل: ما تنساش يا مسعود تستناني انا هروح اغير بس واجي اروح معاك لصاحب المزرعة.
نظر إليه مسعود وهو يقول: خلاص انا مستنيك في البيت مجرد ما تخلص عدى عليا هتلاقيني قاعد مستنيك.
اتجه مسعود ووالدته إلى البيت، جلسا معا في الصالون وقال وعلامات العجب تبدو على وجهه: انتي ليه ما قولتيش لوداد مرات أحمد اننا هنخرج احنا كمان النهاردة علشان تهدي شوية عليه وتعرف أن المشوار لصاحب المزرعة مش هياخد اليوم كله زي ما هي فاهمة؟.
اعتدلت والدة مسعود في جلستها وقالت: علشان لو انا قولت كدة أحمد كان ممكن يخليها تخرج معانا غصب عنها وهي ممكن تكون مش حابة تخرج معانا يعني عايزة تخرج مع جوزها لوحدهم ولا حاجة فمارضيتش اجيب السيرة، خصوصا اني حاسة انها مش حابة تتعامل معانا فقولت خلينا بعيد عنها أحسن احنا أحسن حاجة اننا نعمل معاهم الواجب وخلاص.
هز مسعود رأسه بالمو
