اغرورقت عينا مسعود بالدمع وهو ينظر إلى أحمد ويقول: انت لسة برضه قاعد بتتريق عليا.
وضع أحمد يده على ظهر مسعود وهو ينظر إليه ويقول: ما عاش ولا كان اللي يتريق عليك يا مسعود انت أخويا واللي يزعلك ازعله واشرب من دمه كمان لكن انت بتتكلم معايا علشان تلاقي اللي يقولك على الحقيقة مش علشان اغشك واضحك عليك.
هز مسعود رأسه وهو يقول: طيب اتكلم وأنا سامعك كويس.
تن*د أحمد وهو يقول: بس ما تزعلش مني وعلى رأي المثل يا بخت مين بكاني وبكى عليا ولا ضحكني وضحك الناس عليا.
هز مسعود رأسه وهو يقول: اتكلم براحتك انا مش عيل صغير هتقمص قدامك قول اللي انت عايزه.
تن*د أحمد وهو يقول: خلينا ماشيين كدة بالراحة ونتكلم دلوقتي ليه هي ما تروحش الجزيرة بنفسها؟.
تن*د مسعود وهو يقول: عمال تلف وتدور حوالين النقطة دي ليه وضح كلامك أكثر.
ازدرد أحمد ريقه ثم قال: هو مش المفروض أن اللي ليه تار عند حد يروح يدور عليه لحد ما يلاقيه
