NAGING NAPAKASAYA ni Dyna nang mga nakaraang araw. Ibang-ibang Arwin na ang kanyang kasama. Napakasweet nito sa kanya kahit na may ibang tao sa kanilang paligid. Mukha na silang totoong mag-asawa at aaminin niya. Mahal niya na ang asawa. Mahal na mahal niya na ito. Sana nga hindi na matapos ang mga araw na magkasama sila. Sana hanggang sa huli ay asawa niya pa rin ang lalaki. Nasa punto na siya ng kanyang buhay na hindi niya na kakayanin na mawala sa kanya ang lalaki. Alipin na siya nang pag-ibig. Sana nga totoo sa kanya si Arwin at tuluyan nang nakalimutan ang kanyang nakaraan. Sana hindi na kaaway ang tingin nito sa kanya kundi isang asawa na mahal na mahal siya...
"Hey!" untag sa kanya ni Hendrix. Nasa munisipyo si Arwin upang tuluyang magpaalam lalo na at may papalit na rito. Nalulung
