SUNOD-SUNOD ang paglagok ni Margarett sa wine na nasa kanyang harapan. Hindi siya mapalagay hanggat wala sa tabi niya ang kanyang apo na si Arwin. Kanina pa siya tumatawag pero hindi ito sumasagot. Kahit ito pa ang bunga ng pagmamahalan ni Bernard at Rita ay hindi niya naman idadamay ang kanyang apo. Mahal niya ito at sa kanya lumaki si Arwin, yun nga lang ay ibang nakikita niya ngayon, pakiramdam niya ay may itinatago sa kanya ang apo at kailangan niyang matuklasan iyon. Tulad na nga lang ngayon, hindi niya ito mahagi-hagilap.
Ang alam niya ay kasama lamang nito ang kaibigang si Hendrix kaya tumawag siya sa bahay ng kaibigan nito pero ayon sa maid na sumagot ay isang linggo daw na hindi uuwi si Hendrix at kasama si Arwin. Maliban sa impormasyon na yun ay wala na itong alam na lalo lamang
